- यूहन्‍ना 10:12 - Bundeli Holy Bible

¹² बो जौन मजूर आय, गड़रिया नईंयां और न गाड़रन कौ मालक आय, बिघना हां आत देख, गाड़रन हां छोड़ के भाग जात आय, और बिघना लपक के उन हां इते उते कर देत आय।

- यूहन्‍ना 10:12 ပူးပေါင်းရင်းမြစ်များ

- मत्ती 10:16

हेरो, मैं तुम हां भेड़न जैसो बिगना के मजारें पठैत आंव, ई लाने सांपन की भांत चतुर और परेवा जैसो भोलो बनियो।

- मत्ती 7:15

लबरे आगमवकतन से चौकन्ने रहियो, जौन गाड़रन के भेष धरके तुमाए ऐंगर आत आंय, पर भीतरै से बे भूखे फाड़खाबे वारे बिगना आंय।

- यूहन्‍ना 10:13

बो ई लाने भाग जात आय कायसे बो मजूर आय, और ऊहां गाड़रन की चिन्ता नईंयां।

- यूहन्‍ना 10:2

परन्त जौन दोरे से पिड़त आय, बो गाड़रन कौ गड़रिया आय।

- यूहन्‍ना 10:3

रखवालो उन के लाने दोरो खोल देत आय, और गाड़रें ऊ को एैरो चीनत आंय, और बो अपनी गाड़रन कौ नाओं ले लेके टेरत आय और उन हां बायरें ले जात आय।

- प्रेरितन के काम 20:29

मैं जानत आंव, की मोरे जाबे के पाछें फाड़बे वाले बिगना तुमाए बीच आ हैं, जो गुट हां न छोड़ हैं।

- 1 तीमुथियुस 3:3

पीबेवारो और मारपीट करबेवारो न होबै; बात करबे में अच्छो, झगड़ा करबेवारो, और लोभ करबेवारो न होबै।

- 1 तीमुथियुस 3:8

ऊंसई सेवकों को सोई गंभीर मान्स होओ चईये, बो दोरंगी, और पीबेवारो न होबै, और घूस लेबेवारो जन न होबै।

- 2 तीमुथियुस 4:10

कायसे देमास ने ई संसार के मोह जाल में पड़ के मोहां छोड़ दओ आय, और थिस्सलुनीके हां चलो गओ आय, और क्रेसकेंस गलतिया हां और तीतुस दलमतिया हां चलो गओ आय।

- तीतुस 1:7

कायसे मुखिया हां परमेसुर के काम करने आंय; बो बिनखोट, हटी और खुन्सयाबेवारो, न पीबेवारो और न मारपीट करबेवारो और घूस लैबेवारो न होबै।

- 1 पतरस 5:2

परमेसुर के ऊ झुण्ड की, जौन तुमाए मजारें आंय रखनवारी करो; जौ काम दबाव से नईं, परन्त परमेसुर की मनसा अनसार खुसी से, और ओछी कमाई के लाने नईं, पर मन लगा के करो।

- 2 पतरस 2:3

बे लालच में आके लबरी बातें बना हैं और तुम हां अपने फायदा कौ कारन बना हैं, दण्ड़ कौ हुकम जो उन पे पेंला से हो चुको आय, और ऊके आबे में देर नईंयां, उन कौ नास झट्टई होबेवारो आय।