- यूहन्‍ना 1:45 - Bundeli Holy Bible

⁴⁵ फिलिप्पुस ने नतनएल हां पाके ऊसे कई, जीके बारे में मूसा ने रीतियन में और अगमवकतन ने सोऊ लिखो आय, बो हम हां मिल गओ आय; बौ यूसुफ कौ पूत यीशु नासरी आय।

- यूहन्‍ना 1:45 ပူးပေါင်းရင်းမြစ်များ

- उत्पत्ति 22:18

और पृथ्‍वी की सबरी जातियन अपने हों तोरे बंस के कारन धन्‍य मानहें; कायसे तेंने मोरी बात मानी आय।”

- उत्पत्ति 3:15

मैं तोरे और ई बईयर के मजारें, और तोरे बंस और ईके बंस के मजारें बैर पैदा कराहों; ऊ तोरी मूंड़ हों कुचल डालहै, और तें ऊकी ऐड़ी हों डसहै।”

- उत्पत्ति 49:10

जब लौ शीलो नें आए तब लौ नें तौ यहूदा सें राजदण्‍ड छूटहै, नें ऊके बंस सें ब्‍यवस्‍था दैबेवारो अलग हुईये; और राज्‍य-राज्‍य के मान्‍सन ऊके बस में हो जैहें।

- मत्ती 10:3

फिलिपुस और बर-तुल्मै, थोमा और चुंगी लेबेवारो मत्ती, हल्फै कौ पूत याकूब और तद्दै।

- मत्ती 13:55

का जौ बढ़ई कौ पूत नईंयां? का ईकी मताई कौ नाओं मरियम और ईके भईयन कौ नाओं याकूब और यूसुफ और शमौन और यहूदा नईंयां?

- मत्ती 2:23

और नासरत नाओं के एक नगर में जाके रान लगो; जीसे आगमवकता की कई बात पूरी होबै, कि बो नासरी कहा है।

- मत्ती 21:11

और भीड़ के लोगबाग कह रए हते, जौ गलील के नासरत कौ आगमवकता यीशु आय।

- मरकुस 14:67

और पतरस हां आग तापत देख के ऊहां घूर के तको और कहन लगी, तें भी तो ऊ यीशु जौन नासरत को आय, ऊके संग्गै हतो।

- मरकुस 6:3

काय जौ ओई बढ़ई नोंई, जौन मरियम कौ बेटा, और याकूब और योसेस और यहूदा और शमौन कौ भईया आय? और काय ऊ की बहनें इतै हमाए बीच में नईं रैतीं? ऐई से उन ने ऊके बारे में ठोकर खाई।

- लूका 18:37

मान्सन ने ऊए बताओ, कि यीशु नासरी जा रओ आय।

- लूका 2:4

सो यूसुफ सोई ई लाने कि बो दाऊद के घराने और वंस कौ हतो, गलील के नासरत नगर से यहूदिया में दाऊद के नगर बैतलहम हां गओ।

- लूका 2:48

तब ऊके मताई बाप सन्न रै गए और ऊ की मताई ने ऊसे कई; हे बेटा, तेंने ऐसो व्यवहार हम से काय करो? तक, तोरो बाप और मैं कुढ़त भए तोए ढूंढ़त हते।

- लूका 24:27

तब यीशु ने मूसा और सबरे आगमवकतन से शुरु कर के सबरे पवित्तर धरम पोथी में से, अपने बारे में लिखी भईं बातन कौ मतलब, उन हां समजा दओ।

- लूका 24:44

फिन यीशु ने उन से कओ, जे मोरी बे बातें आंय, जौन मैं ने तुमाए संग्गै रैत भए तुम से कईं हतीं, कि जरूरी आय, कि जितेक बातें मूसा की नैम व्यवस्था और आगमवकतन और भजनों की पोथी में, मोरे लाने लिखी आंय, सबरी पूरी होबें।

- लूका 3:23

जब यीशु अपनी सेवकाई करन लगो, तो ऊ लगभग तीस बरस कौ हतो और (जैसो समजो जात आय) बो यूसुफ कौ पूत हतो; और बो एली कौ।

- लूका 4:22

और सबरन ने ऊ की बड़वाई करी, और जौन दया किरपा की बातें ऊके मों से कड़त हतीं, उन बातन पे चकित भए; और कैन लगे; का जौ यूसुफ को पूत नईंया?

- यूहन्‍ना 1:44

फिलिप्पुस तो अन्द्रियास और पतरस के नगर बैतसैदा कौ हतो।

- यूहन्‍ना 12:21

बे फिलिप्पुस के ऐंगर आके, जौन गलील के बैतसैदा कौ हतो, ऊसे पूंछन लगे श्रीमान हम यीशु से मिलबो चाहत आंय।

- यूहन्‍ना 14:8

फिलिप्पुस ने ऊसे कई, हे प्रभु, बाप हां हम हां दिखा दे, जौई हमाए लाने बिलात आय।

- यूहन्‍ना 18:5

उन ने कई, यीशु नासरी हां: यीशु ने उन से कई, मैं आंव: और यहूदा भी जौन ऊहां पकड़वाबे पे हतो, ऊ न के संग्गै ठांड़ो हतो।

- यूहन्‍ना 18:7

तब ऊ ने फिन पूंछी, तुम कीहां ढूंढ़त आव? उन ने कई, यीशु नासरी हां।

- यूहन्‍ना 19:19

और पीलातुस ने एक दोष-पट्टी लिख के क्रूस पे लगा दई, जीपे जौ लिखो भओ हतो, यीशु नासरी यहूदियन कौ राजा।

- यूहन्‍ना 21:2

शमौन पतरस और थोमा जौन दिदुमुस कहलात आय, और गलील के काना कौ नतनएल और जब्दी कौ पूत, और यीशु के चेलन में से दो और जनें इकट्ठे हते।

- यूहन्‍ना 6:42

और बे कैन लगे; का जौ यूसुफ कौ पूत यीशु नईंयां, जीके मताई बाप हां हम चीनत आंय? तो बो काय कैत आय कि मैं सरग से उतरो आंव।

- यूहन्‍ना 6:5

जब यीशु ने अपनी आंखें उठाके एक बड़ी भीड़ हां अपने ऐंगर आत तको, तो फिलिप्पुस से पूंछी, इन के खाबे हां हम किते से रोटी मोल लाएं?

- यूहन्‍ना 6:7

फिलिप्पुस ने ऊसे कई, दो सौ दीनार की रोटियां भी उन के लाने पूरी न हुईयें कि हर एक को तनक तनक मिले।

- प्रेरितन के काम 10:38

परमेसुर ने कौन भांत से यीशु नासरी हां पवित्तर आत्मा और सामर्थ से भर दओ: बो भलाई करत, और सब हां जौन शैतान छलिया के सताए भए हते, साजो करत फिरो; कायसे परमसुर ऊके संग्गै हतो।

- प्रेरितन के काम 2:22

हे इस्राएलियो, जे बातें सुनो: कि यीशु नासरी नाओं को एक मान्स हतो बो परमेसुर कोद से आओ हतो जा बात ऊके द्वारा करे गए सामर्थ के काम, आश्चर्य कर्म और चिन्हों से साबित आय, जौन परमेसुर ने तुमाए बीच ऊके द्वारा करे, जीहां तुम जानत आव।

- प्रेरितन के काम 22:8

ऊ ने मोय से कई; मैं यीशु नासरी आंव, जीहां तें सतात आय।

- प्रेरितन के काम 26:9

मैंने भी जौई सोचो हतो, की नासरत के यीशु के नाओं के बिरुद्ध मोय बिलात कछु करने आय।

- प्रेरितन के काम 3:6

तब पतरस ने कओ, चांदी और सोना तो मोरे लौ नईंयां; पर जौन कछु मोरे ऐंगर आय, बो तोय देत आंव: यीशु मसीह नासरी के नाओं से चल फिर।