- यूहन्‍ना 1:34 - Bundeli Holy Bible

³⁴ और मैंने हेरो, और गवाही दई आय, कि जौई परमेसुर कौ पूत आय।

- यूहन्‍ना 1:34 ပူးပေါင်းရင်းမြစ်များ

- मत्ती 11:27

मोरे बाप ने मोय सब कछु सौंपो आय, और अकेले पूत हां कोऊ नईं चीनत, अकेले बाप; और कोऊ बाप हां नईं चीनत, अकेले पूत; यानि ओई जीए पूत ऊहां दरसाओ चाहत आय।

- मत्ती 16:16

शमौन पतरस ने उत्तर दओ, कि तें जीयत परमेसुर कौ पूत मसीह आय।

- मत्ती 17:5

बो बोलई रओ हतो, कि हेरो, एक उजले बादल ने उन हां छा लओ, और हेरो; बादल में से जौ बोल सुनाई दओ, कि जौ मोरो लाड़लो पूत आय, जीसे मैं बिलात खुस आंव: ई की सुनियो।

- मत्ती 26:63

मैं तोय जीयत परमेसुर की कौल देत आंव, कि अगर तें परमेसुर कौ पूत मसीह आय, तो हम से कै दे।

- मत्ती 27:40

हे मन्दर हां ढाबेवारे और तीन दिना में बनावे वारे, अपने आप हां तो बचा ले: अगर तें परमेसुर कौ पूत आय, तो क्रूस पे से खालें उतर आ।

- मत्ती 27:43

जौ परमेसुर पे भरोसा करत आय, अगर बो ईसे खुस आय, तो अब ईहां छुड़ा लैबे, कायसे ईने कई हती, कि “मैं परमेसुर कौ पूत आंव”।

- मत्ती 27:54

तब दरोगा और जौन लोग ऊके संग्गै पहरा दै रए हते, जब उन ने भूंडोल और इन घटना हां देखो, तो बिलात डराके कई, सांची में “जौ परमेसुर कौ पूत हतो”।

- मत्ती 3:17

और हेरो, जा आकासवानी भई, कि जौ मोरो प्यारो पूत आय, जीसे मैं बिलात खुस हों।

- मत्ती 4:3

और परखबेवारे ने ऐंगर आके ऊसे कई, अगर तें परमेसुर कौ पूत आय, तो हुकम दे, कि जे पत्थरा रोटियां बन जाबें।

- मत्ती 4:6

और ऊसे कई अगर तें परमेसुर कौ पूत आय, तो अपने हां खालें गिरा दे; कायसे लिखो है, कि बो तोरे बारे में स्वर्गदूतन हां हुकुम दै है; और बे तोहां हाथन पे उठा लै हैं; कहूं ऐसो न होबै कि तोरे गोड़न में पत्थरा से ठेस लगे।

- मत्ती 8:29

और हेरो, उन ने चिल्या के कई; हे परमेसुर के पूत, हमाओ तोसें का काम? का तें इते हम हां बेरा से पैलईं सताबे हां आओ है?

- मरकुस 1:1

परमेसुर के बेटा यीशु मसीह के भले संदेसे की शुरुआत।

- मरकुस 1:11

और ऐसी आकासवानी भई, कि तें मोरो प्यारो बेटा आय, तोय से मैं खुस आंव।

- लूका 1:35

सरगदूत ने ऊसे कई; पवित्तर आत्मा तोपे उतर है, और परमप्रधान की बल सक्ति तोपे छाया कर है, ई लाने बो पवित्तर जौन जन्म लेबेवालो आय, परमेसुर कौ पूत कहा है।

- लूका 3:22

तब पवित्तर आत्मा कबूतर की भांत ऊ पै उतरो, और जा आकासवानी भई, तें मोरो प्यारो पूत आय, मैं तोसें खुस आंव।

- यूहन्‍ना 1:18

परमेसुर हां कोऊ ने कभऊं नईं तको, एकलौतो पूत जौन बाप की कंईयां में आय, ओई ने ऊहां दरसाओ।

- यूहन्‍ना 1:49

नतनएल ने ऊसे कई, हे गुरू, तें परमेसुर कौ पूत आय; तें इस्राएल कौ राजा आय।

- यूहन्‍ना 10:30

मैं और बाप एकई आंय।

- यूहन्‍ना 10:36

तो जीहां बाप ने पवित्र ठहराके जगत में पठैव, तुम ऊसे कहत आव कि तें ठट्ठा करत आय, ई लाने की मैंने कई, मैं परमेसुर कौ पूत आंव?

- यूहन्‍ना 11:27

ऊ ने ऊसे कई, हओ प्रभु, मैं भरोसा कर चुकी आंव, कि तेंई परमेसुर कौ पूत मसीह आय जौन संसार में आबेवालो हतो, बो तेंई आय।

- यूहन्‍ना 19:7

यहूदियन ने ऊसे कई, हमाई भी रीतियां आंय और ऊ रीतियन के अन्सार ईहां मृत्यु दन्ड मिलबो चईये, कायसे ऊ ने अपने हां परमेसुर कौ पूत कहो।

- यूहन्‍ना 20:28

थोमा ने यीशु से कई, हे मोरे प्रभु, हे मोरे परमेसुर!

- यूहन्‍ना 20:31

पर जे ई लाने लिखे गए आंय, कि तुम भरोसा करो, कि यीशु ही परमेसुर कौ पूत मसीह आय: और भरोसा करके ऊके नाम से अनन्त जीवन पाओ।

- यूहन्‍ना 6:69

हम ने भरोसा करो आय, और जान लओ है, कि परमेसुर कौ पवित्र जन तेंई आय।

- रोमियों 1:4

और पवित्रता की आत्मा के भाव से मरे भयन में से जी उठबे के काजें अधिकार के संग्गै परमेसुर कौ पुत्र ठैरो आय।

- दूसरी कुरिन्थियों 1:19

कायसे परमेसुर को पुत्तर पिरभू यीशु मसीह जी को जानों सिलवानुस और तीमुथियुस ने तुमाए बीच परचार करो; उन की बातन में हां और नईं बातें न हतीं अकेले हां हां कहो।

- इब्रानियों 7:3

जी को न बाप आय न मताई और न वंस परवार आय, पता नईंयां कि बे कब से आंय और कब लौ रै हैं, परन्त बे परमेसुर के पूत जैसे आंय।

- 1 यूहन्‍ना 2:23

जो बेटा हां नईं मानत उन लौ परमेसुर पिता सोई नईंयां, परन्त जौन बेटा हां मानत आय, पिता परमेसुर ऊके संग्गै रैत आय।

- 1 यूहन्‍ना 3:8

जौन जनो पाप करत आय, बो मानो शैतान छलिया के उसकाय बुरय काम करत आय, कायसे शैतान छलिया पेंला से पाप करबेवारो आय: परन्त परमेसुर के बेटा यीशु मसीह ईसे परगट भए, कि शैतान छलिया के कामन हां खतम करें।

- 1 यूहन्‍ना 4:9

परमेसुर ने हम से प्रेम करो, कि उन ने अपने इकलौते बेटा हां संसार में पठै दओ, कि उन में होकें हमाओ तरन तारन होबै।

- 1 यूहन्‍ना 5:20

कायसे हम हां पता आय, कि परमेसुर के बेटा ई धरती पै आ गए आंय, और उन ने हम हां ऐसी सीख दई आय, कि हम उन सांचे जनें को चीनें, और उनईं के संग्गै बने रैबें; बे सांचे परमेसुर आंय और उन में होकें बैकुण्ड वास मिलत आय।

- 2 यूहन्‍ना 1:9

जौन आगे हां यीशु मसीह की सीख पै नईं चलत, मानो ऊ लौ परमेसुर नईंयां, परन्त जौन उनकी सीख पै चलत आंय, बौ मानो परमेसुर पिता और उनके बेटा यीशु मसीह में पक्को बनो रैत आय।

- यूहन्‍ना के दरसन कौ खुलासा 2:18

और थुआतीरा की मण्डली के दूत हां ऐसो लिखो, कि, परमेसुर को पूत जी की आंखें आगी की लपटें जैसी आंय, और जीके गोड़े उम्दा पीतल जैसे आंय, ऐसो कैत आय।