- याकूब 5:19 - Bundeli Holy Bible

¹⁹ हे मोरे भईया हरौ, जदि तुम में कोऊ सांची गैल छोड़ दे, और कोनऊं ऊहां वापुस फेर लाए।

- याकूब 5:19 ပူးပေါင်းရင်းမြစ်များ

- मत्ती 18:15

अगर तोरो भईया पाप करे, तो जाके ऊहां अकेले में समजा; अगर बो तोरी सुने तो तेंने अपने भईया हां बचा लओ।

- लूका 22:32

पर मैं ने तोरे लाने बिन्तवाई करी, कि तोरो बिसवास जात न रैबे: और जब तें फिरे तब अपने भईयन हां पक्को करिए।

- गलतियों 6:1

भईया हरौ, कोऊ मान्स कोई गलती में पकड़ो जाए, तो तुम जौन आत्मिक आव, तो नरमाई से ऐसे हां संभालो, और अपने हां चौकन्ने राखो कि गिर न जाओ।

- 1 तीमुथियुस 6:10

कायसे रुपईया कौ लोभ सब परकार की बुराईयन की जड़ आय, जीहां पाबे की कोसिस करत भए कितेक जनें बिसवास की गैल से भटक के अपने आप हां बिलात परकार के दुखों से छलनी कर लओ आय।

- 1 तीमुथियुस 6:21

कितेक ई समज कौ अपना के, बिसवास से भटक गए आंय। तुम पर आसीस होत रैबे।

- 2 तीमुथियुस 2:18

जौन जौ कैत आंय कि मरे भए जी उठे आंय बे सांची बातन हां नईं मानत, और कित्तई उन के बिसवास हां बिलोर देत आंय।

- इब्रानियों 5:2

बो पापी मान्सन के अज्ञान हां जानत आय, कायसे बो मान्सन में से होबे से उनके पापन हां समझत आय।

- याकूब 1:16

हे मोरे प्यारे भईया हरौ, धोखा न खाओ।

- याकूब 1:19

हे मोरे प्यारे भईया हरौ, जा बात तुम जानत आव: ई लाने सबरे मान्स सुनबे के लाने एकदम तईयार और बोलवे में धीरजवारे, और खुन्स में गम्म खाबेवारे होबें।

- याकूब 3:14

जदि तुम अपने हियन में जलत आव और बुराई धरत आव, तो सत्त के बिरोद में घमण्ड न करियो, और न लबरी बात कईयो।

- याकूब 5:20

तो बो जौ जान लेबे, कि जौन कौनऊं भटके भए पापी हां फेर ले आ है, बो एक प्रान हां मरबे से बचा है, और कुल्ल के पाप मिट जै हैं।

- 2 पतरस 3:17

ई लाने हे प्यारे भईया हरौ, तुम और पेंलई से इन बात हां जान के हुसयार रओ, कि अधरम जन की गलती में फंस के अपने पक्के बिसवास हां कऊं हिरा न दो।

- यहूदा 1:11

उन पे श्राप पड़े, कायसे बे कैन जैसी चाल चले, और तनक से पईसन के लाने बिलाम जैसे कुटे भए, और कोरह के जैसो बिरोध करके मारे गए।