- याकूब 4:11 - Bundeli Holy Bible

¹¹ हे भईया हरौ, एक दूजे पे दोस न मढ़ो, जौन अपने भाईया की बदनामी करत आय, ऊ भाई पे दोष मढ़त आय, बो कानून धरम पे दोस लगात आय; और जदि तें कानून धरम पे दोस लगात आय, तो तें कानून धरम पे चलबेवारो नईंयां, पर ऊ पे हाकम ठैरो।

- याकूब 4:11 ပူးပေါင်းရင်းမြစ်များ

- लूका 6:37

लांछन न लगाओ; तो तुम पे सोई लांछन न लगाओ जै है: अपराधी न ठैराओ, तो तुम सोई अपराधी न ठैराए जै हौ: छिमा करो, तो तुम हां सोई छिमा करो जै है।

- रोमियों 2:1

सो अब हे लांछन लगाबेवारे, तें कोनऊ काय न होबै; तो लौ कछु उत्तर नईयां! कायसे जौन बात में तें दूसरन पे लांछन लगात आय, ओई बात में अपने हां भी दोषी ठहरात आय, कायसे जैसो लांछन तें लगात आय, तें सोई ऊंसई काम करत आय।

- रोमियों 2:13

(कायसे परमेसुर के इते नेम व्यवस्था सुनबेवारे धरमी नईं, परन्त परमेसुर के इते नैम व्यवस्था पे चलबेवारे धरमी ठैराए जै हैं।

- रोमियों 7:7

सो हम का कैबें? का नेम व्यवस्था पाप आय? कभऊं नईं! पर बिना नैम व्यवस्था के मैं पाप हां नईं चीनतो: नैम व्यवस्था जदि न कै ती, कि लालच न कर तो मै लालच हां न जानतो।

- पैली कुरिन्थियों 4:5

सो जब लौ पिरभु न आबै, बेरा से पेंला कोऊ बात कौ न्याय न करो: ओई तो अंधयारे की लुकी बातें उजारे में दिखा है, और हियों के सोचों हां उजागर कर है, तब परमेसुर कुदाऊं से सबरन की बड़वाई हुईये।

- दूसरी कुरिन्थियों 12:20

कायसे मोहां डर आय, कहूं ऐसो न होबे, कि मैं आके जैसो चाहत आंव, और जैसो तुम हां नईंर् चाहत ऊंसई पाओं; और मोय सोई जैसो तुम नईं चाहत वैसो पाओ, कि तुमाए भीतरै लड़ाई, बैर, गुस्‍सा करबो, दूसरन को बिरोध, जलन, चुगली करबो, अभमान और बखेड़े होबें।

- इफिसियों 4:31

सबरी कड़वाहट और खुन्स, और न्याओ, और बुराई और दूसरन से बैर तुम न करो।

- 1 तीमुथियुस 3:11

ऐसई बईयरन हां सोई गंभीर होओ चईये; दूसरन पै दोष मड़बेवारी न होबें परन्त होशियार और बिसवास करबे लाक होबें।

- 2 तीमुथियुस 3:3

ऊमें प्रेम न रै है, और दूसरन हां क्षिमा नईं कर हैं, दूसरन में दोस लगाबेवारो हुईये, और अपने मन की करके कठोर, और भलो न चाहें।

- तीतुस 2:3

ऐसई सियानी बईयरन की चाल साजी होबै, बे नसा न करें और दूसरन पै दोस न लगाबें; परन्त साजी बातें सिखाबें।

- याकूब 1:16

हे मोरे प्यारे भईया हरौ, धोखा न खाओ।

- याकूब 1:19

हे मोरे प्यारे भईया हरौ, जा बात तुम जानत आव: ई लाने सबरे मान्स सुनबे के लाने एकदम तईयार और बोलवे में धीरजवारे, और खुन्स में गम्म खाबेवारे होबें।

- याकूब 1:25

पर जौन मान्स स्वतन्त्रता की सिद्ध नैम व्यवस्था पे ध्यान करत रैत आय, बो अपने काम में ई लाने आसीष पा है कि बो सुन के बिसरत नईं, परन्त वैसई काम सोई करत आय।

- याकूब 2:8

जदि तुम पवित्तर पोथी के ई बचन अनसार बैवार करत आव, कि तें अपने पड़ोसी से अपने घांई प्रेम कर, तो सांचई तुम परमेसुर के राज की नैम हां पूरो करत आव, तो साजो करत आव।

- याकूब 5:10

हे भईया हरौ, जौन आगमवकतन ने पिरभु के नाओं से बातें करी, उन हां दुख उठाबे और धीरज धरबे कौ एक नमूना समझौ।

- याकूब 5:7

ई लाने हे भईया हरौ, पिरभु के आबे के दिना लौ धीरज धरो, तको, किसान धरती से फसल की आस धरत है, पैली और अखीरी पानू बरसबे लौ धीरज धरत आय।

- याकूब 5:9

हे भईया हरौ, एक दूजे पे लांछन न लगाओ जीसे तुम पे कोऊ लांछन न लगाए, तको, हाकम दोरे पे ठांड़ो आय।

- 1 पतरस 2:1

ई लाने सब भांत कौ बैरभाव और छल और कपट और जरुआपन और बदनामी हां अलग कर के।