- याकूब 3:6 - Bundeli Holy Bible

⁶ जीभ सोई एक आग आय; जीभ हमाई देंया में पाप कौ एक संसार आय, बा सबरी देयां पे कलंक पोतत आय, बा भवचक्र में आग लगा देत आय और नरक कुण्ड की आग से बरत रैत आय।

- याकूब 3:6 ပူးပေါင်းရင်းမြစ်များ

- मत्ती 12:24

पर जब फरीसियन ने जौ सुनो तो कई, जौ तो दुष्तआत्मन हां ऊके मुखिया शैतान की मदद से काड़त आय।

- मत्ती 5:22

परन्त मैं तुमन से कैत हों, कि जौन कोनऊ अपने भईया पे खुन्सयाबे, ऊहां कचहरी में सजा मिल है: और जो कोऊ अपने भईया हां निकम्मो कै है बो पंचायट में दोषी ठहर है; और जो कोऊ कैबे “अरे मूरख” बो नरक की आगी के दण्ड के जोग हुईये।

- मरकुस 7:15

ऐसी तो कौनऊं चीज नईंयां जौन मान्स में बाहर से समा के अशुद्ध करै; लेकिन जौन चीजें मान्स के भीतर से कड़त आंय, बेई ऊहां अशुद्ध कर देती आंय।

- लूका 16:24

तब ऊ ने टेर के कओ, हे बाप इब्राहीम, मो पे तरस खाके लाजर हां पठै दे, जीसे ऊ अपनी उंगरिया कौ सिरा पानू में भिंजो के मोरी जीभ हां ठण्डो करे, कायसे मैं ई ज्वाला में तड़प रओ आंव।

- प्रेरितन के काम 20:30

और तुमाए बीच ऐसे लोग ठांड़े हुईयें, जौन चेलन हां अपने लिगां खेंच लैबे के लाने ऊंट पटांग बात कर हैं।

- प्रेरितन के काम 5:3

पतरस ने कओ; हे हनन्याह! शैतान छलिया ने तोरे हिए में जा बात काय डाली, कि तें पवित्तर आत्मा से लाबरी काबे, और भूमि के दाम में से कछु रख लैबे।

- प्रेरितन के काम 6:13

और लबरे गवाय ठांढ़े करे, जिन ने कओ जौ मान्स ई पवित्तर जांगा और नेम व्यवस्था के विरोद में बोलबो नईं छोड़त।

- तीतुस 1:11

उनकौ मों बन्द करो चईये, जे औरें पईसा ऐंठबे हां बुरई बातें बताके घर के घर बिगाड़त आंय।

- याकूब 2:7

का बे ऊ साजे नाओं हां नईं निंदरत, जीके तुम कहात आव?

- याकूब 3:7

सबरी भांत के जंगली जनावर, पंछी, रेंगवेवारे कीड़ा मकोड़ा और पानू के प्रानी मान्सन के बस में हो सकत आंय, और बे सब बस में हो सोई गए आंय।

- 2 पतरस 3:3

और पेंला तुम जौ जान लेओ, कि अखीर के दिना में ठट्ठा उड़ाबेवारे आ हैं, जौन अपनी अभलाखा के अनसार चल हैं।

- 3 यूहन्‍ना 1:10

जब मैं आहों, तो ऊके कामन की याद दिला हों, और बता हों कि तें हम हां काए बुरओ कैत है; और इतईं नईं दूसरे भईयन हां बिरादरी में लैबे से मना करत आय; और दूसरन हां लैबे से हटकत आय, और बिरादरी से निकाल सोई देत आय।

- यूहन्‍ना के दरसन कौ खुलासा 12:9

और बो बड़ो अजगर जो इबलीस और शैतान छलिया कहात आय, और सबरे संसार हां बहकाबे वालो आय, धरती पै ऊ को और ऊके दूतन हां गिरा दओ गओ।

- यूहन्‍ना के दरसन कौ खुलासा 13:14

जौ जनावर धरती पै रैबेवारन हां मूरख बनात हतो, और उन बेजा काम हां जौ ऊ जनावर के बल से करत हतो, और संसार के मान्सन से कैत हतो, कि बो जनावर जीहां घाव हो गओ हतो बो अच्छो हो गओ आय, सो तुम ऊ की मूरत बनाओ, और ऊ की पूजा करो।

- यूहन्‍ना के दरसन कौ खुलासा 18:23

और दिया को उजारो कभऊं तोय में न चमक है, और दूल्हा दुलईया को ब्याव होत न दिखा है; कायसे तोरे व्यापारी संसार भर में जाने जात हते, और तोरे टोना टोटका से सब जातियन भरमाई गईं हतीं।

- यूहन्‍ना के दरसन कौ खुलासा 19:20

और बो जनावर और ऊके संग्गै ऊ लबरा अगमवकता पकड़ो गओ, जौ ओई आय जौन अदभुत काम दिखा के मान्सन हां चकरया देत हतो, और बे ऊ जनावर की छाप सोई लगाएं हते, और ऊ की पूजा करत हते, जे दोई जीयत भए आगी की झील में जो गन्धक से जलत हती, डाले गए।