- याकूब 3:2 - Bundeli Holy Bible

² प्रवचन देती बेरा हम कुल्ल बेर चूक जात आंय, जो कोनऊ बोलवे में चूक नईं करत, ओई सिद्ध मान्स आय; और सबरी देयां पे सोई लगाम लगा सकत आय।

- याकूब 3:2 ပူးပေါင်းရင်းမြစ်များ

- मत्ती 12:34

हे सांप के बच्चो, तुम दुष्ट होत भए भी भली बातें कैसे कह सकत आव? कायसे, जौन मन में भरो आय, ओई मों पे आत है।

- मत्ती 12:37

कायसे तें अपनी बातन से बरी और अपनी बातन से पापी ठहराओ जै है।

- रोमियों 3:10

जैसो लिखो आय, कि कोनऊं धरमी नईं, एकऊ नईं।

- रोमियों 7:21

ई भांत मैं जो नैम व्यवस्था पात आंव, कि जब भलाई करे की मन्सा करत आंव, तो बुराई मोरे ऐंगर आत आय।

- पैली कुरिन्थियों 9:27

परन्त मैं अपनी देयां को मारत कूटत, और बस में करें रैत आंव; ऐसो न होबे कि दूसरन को परचार करके, मैं खुद कोई भांत से निकम्मो ठैरों।

- गलतियों 3:22

अकेले पवित्र पोथी में लिखो आय कि सबरे पाप के जाल में फंसे आंय, कि बा प्रतिज्ञा जीसे यीशु मसीह पै बिसवास करो चईये, बिसवास करबेवारन के काजें पूरी हो जाबे।

- गलतियों 5:17

कायसे मन आत्मा से उल्टो आय, और आत्मा मन से उल्टो आय, और दोई एक दूसरे के दुसमन आंय; कि जौन तुम करो चाहत आव ऊ न कर पाओ।

- कुलुस्सियों 1:28

जी को परचार करके हम सबरे मान्सन हां चितात आंय, और पूरे ज्ञान से सब हां सिखात आंय, कि सबरे जनें जौन यीशु मसीह पै बिसवास धरे बे पक्के बन जाबें।

- कुलुस्सियों 4:12

इपफ्रास जौन तुम में से आय, और पिरभू यीशु मसीह को सेवक आय, तुम हां नमस्कार कैत आय और तुमाए काजें बिन्तवारी में लगो रैत आय, कि तुम पक्के होकें ई सीख पै चलत रओ।

- इब्रानियों 13:21

बे तुम हां उनकी अज्ञा मानबे और जौन अच्छो होबे, ऊहां करबे को मन हमाए भीतरे बनाबे, कि उनको मान सम्मान होत रैबे। आमीन।

- याकूब 1:26

जदि कोई अपने आप हां भगत सोसे, और अपनी जीभ पे लगाम न देबे, तो बो अपने हिये हां छलत आय, ऊ की भक्ती अकारथ आय।

- याकूब 1:4

धीरज हां अपनो काम पूरो करन देओ, कि तुम पक्के और सिद्ध हो जाओ और तुम में कोई बात की घटी न रैबे।

- याकूब 2:10

जदि कोऊ मान्स सबरी नैम हां पालन करत आय, परन्त एकई बात में चूक जाबै तो बो सबरी बातन में दोषी ठैरो।

- 1 पतरस 3:10

कायसे जौन कोई जीवन की मन्सा रखत आय, और नोंने साजे दिना तकबो चाहत आय, बो अपनी जीब हां बुराई से, और अपने होंठन हां कपट की बात कैबे से रोके रए।

- 1 पतरस 5:10

अब परमेसुर जौन सबरी दया कौ दाता आय, जीने तुम हां मसीह में अपनी सदा की मईमा के लाने बुलाओ आय, तुमाए तनक बेरा लौ पीड़ा उठाबे के पाछें खुद तुम हां सिद्ध, पक्को, सकतीवान और पक्को कर है।