- याकूब 3:13 - Bundeli Holy Bible

¹³ तुम में बुद्धमान और समजवारो को आय? जौन ऐसो होय बो साजे चलन से अपने कामन हां ऊ दीनता संग्गै दिखाबें जौन समज से होत आय।

- याकूब 3:13 ပူးပေါင်းရင်းမြစ်များ

- मत्ती 11:29

मोरो जुआ अपने ऊपरै उठा लेओ; और मोय से सीखो; कायसे मैं मन में दीन आंव: और तुम अपने मन में मुक्ति पा हौ।

- मत्ती 21:5

कि सिय्योन की बिटिया से कहो, तको, तोरो राजा तोरे ऐंगर आत आय; बो दीन आय और गधे पे बैठो आय; यानि लादू के बच्चे पे।

- मत्ती 5:5

धन्न आंय बे, जौन नरम हैं, कायसे बे धरती के अधकारी हुईंये।

- मत्ती 7:24

ई लाने जो कोऊ मोरी इन बातन हां सुनके ऊन हां मानत आय, बो ऊ होसियार मान्स की तरहां हुईये जीने अपनो घर चट्टान पे बनाओ।

- पैली कुरिन्थियों 6:5

मैं तुम हां लज्जित करबे हां ऐसो कैत आंव: का तुम में एकऊ समझवारो नईंयां, जौन अपने भईयन के बीच न्याव करे।

- दूसरी कुरिन्थियों 10:1

मैं ओई पौलुस जौन तुमाए सामूं दीन आंव, अकेले तुमाए पीठ पाछें तुम पै कैबे की हिम्मत करत आंव; कि तुम हां मसीह जैसी दीनता, और सादे मन से समझात आंव।

- दूसरी कुरिन्थियों 8:24

अपनो प्रेम और हम ने जौन बड़वाई तुमाए काजें करी मण्डलियन के सामूं इन बातन हां पक्को दिखाओ।

- गलतियों 5:23

दया, भलो करबो, बिसवास, नम्रता और कायदे से रैबो आय; ऐसे कामन से उलटो कोऊ नैम नईंयां।

- गलतियों 6:1

भईया हरौ, कोऊ मान्स कोई गलती में पकड़ो जाए, तो तुम जौन आत्मिक आव, तो नरमाई से ऐसे हां संभालो, और अपने हां चौकन्ने राखो कि गिर न जाओ।

- गलतियों 6:4

अकेले जनें अपने काम हां जांचे, दूसरे के लाने नईं अकेले अपने हां बड़वाई करबे को मौका हुईये।

- इफिसियों 4:2

मानो नरम होकें धीरत और प्रेम से, एक दूजे की बात सै लेओ।

- फिलिप्पियों 1:27

इत्तो करौ कि तुमाओ जीवन सुसमाचार की बातन जैसो होबै, और चाहे मैं आओं और न आओं मोहां पता चलै, कि तुम एकई मन के बने आव और एक होकें पिरभू की बात दूसरन लौ बताबे में लगे रैत आव।

- कुलुस्सियों 3:12

परमेसुर ने तुम से प्रेम करो और तुम हां पवित्तर करके अपने लोगन में जोड़ लओ आय, सो तुम दया करबेवारे, दीन, और भलो करबेवारे और धीरज धरबेवारे बनो।

- 1 तीमुथियुस 4:12

कोई तोरी जुआनी हां नेंचो नईं लेखे; परन्त बातचीत, और चाल चलन, प्रेम, और बिसवास करबे में, और पवित्तर जीवन धरबे में मान्सन के काजें नमूना बनो रै।

- 1 तीमुथियुस 6:11

पर हे परमेसुर के जन, तें इन बातन से भाग; और धरम, भक्ति, बिसवास, प्रेम, धीरज और नम्रता कौ पीछा कर।

- 2 तीमुथियुस 2:25

जौन जनें बिरोध करें उन हां धीरज से समझा दो, का पता कि परमेसुर उनको मन बदल देबे, कि बे सोई इन सांची बातन हां मानें।

- तीतुस 3:2

कोई की बुराई न करो; और झनझट न करो; परन्त सूदे रओ और सबरे मान्सन के संग्गै नरमाई से चलो।

- इब्रानियों 13:5

रुपईया पईसा को लालच न करियो, और जो कछु तुम लौ आय, ऊ पै सन्तोष करियो; कायसे पिरभू ने कई आय, कि बे तुम हां कभऊं न छोड़ है।

- याकूब 1:21

ई लाने सबरी गन्दगी और सबरी दुष्टता दूर कर के, ऊ बचन हां दीनता से अपना लेओ, जौन हिये में बोओ गओ और जौन तुमाए प्रानन कौ तारन कर सकत आय।

- याकूब 2:18

परन्त कोई जनो जौ कै सकत आय कि तुमाए ऐंगर बिसवास आय, मोरे ऐंगर करम आय, तें अपनो बिसवास मोय करम बिना दिखा; मैं अपनो बिसवास अपने करमों के द्वारा तोहां दिखा हों।

- याकूब 3:1

हे मोरे भईया हरौ, तुम में से बिलात जनें प्रवचन करबेवारे न बनें, कायसे तुम जानत आव, कि हम जौन प्रवचन करबेवारे आंय बिलात दण्ड के भागी हुईयें।

- याकूब 3:17

पर जौन समज ऊपर से आत आय, पेंला तो बा पवित्तर फिन मेल जोल धरबेवारी, नम्र मीठो बोल, दया, साजी साजी बातन से भरो भओ पिच्छदारी और कपट के बिना होत आय।

- 1 पतरस 1:15

पर जैसो तुमाओ बुलाबेवारो पवित्तर आय, ऊं सई तुम सोई अपने सबरे चाल चलन में पवित्तर बनो।

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।

- 1 पतरस 2:9

पर तुम एक नबेरो भओ वंस, और राजपद अधकारी, याजकन कौ समाज, और पवित्तर लोग, और पवित्तर मान्स और परमेसुर की निज परजा आव, ई लाने कि जीने तुम हां अंधयारे में से अपनी जोत में बुलाओ आय, ऊके गुण परगट करो।

- 1 पतरस 3:4

पर तुमाओ लुको भओ और गुप्त मनुष्यत्व, नरमता और हिये की दीनता की न मिटबेवारी सजावट से सजो रैबे, कायसे परमेसुर के लेखे में ईकौ बड़ो मोल आय।