- याकूब 2:5 - Bundeli Holy Bible

⁵ हे मोरे प्यारे भईया हरौ, सुनो; का परमेसुर ने ई संसार के गरीबन हां नईं नबेरो, कि बे बिसवास में धनी और ऊ राज के हाकम होबें, जी कौ कौल उन ने अपने प्रेम करबे वारन से करो आय?

- याकूब 2:5 ပူးပေါင်းရင်းမြစ်များ

- मत्ती 11:5

कि अंधरे हेरत आंय और लंगड़े निगत आंय; कोढ़ी शुद्ध करे जात आंय और बहिरे सुनत आंय, मुरदा जिलाए जात आंय; और कंगालन हां भलो सन्देसो सुनाओ जात आय।

- मत्ती 25:34

तब राजा अपनी दाहिनी कोद वारन से कै है, हे मोरे बाप के धन्य मान्सन, आओ, ऊ राज्य के अधकारी हो जाओ, जो संसार के पेंला से तुमाए लाने तईयार करो भओ आय।

- मत्ती 5:3

धन्न आंय बे, जौन मन के दीन आंय, कायसे सरग कौ राज्य उनईं कौ आय।

- मरकुस 7:14

और ऊने लोगन हां अपने ऐंगर बुलाके उनसे कओ, तुम सब मोरी सुनो, और समझो।

- लूका 12:21

ऐसई बो मान्स सोई आय जौन अपने लाने धन बटोरत आय, पर परमेसुर के लेखे में धनी नईंयां।

- लूका 12:32

हे हलके झुण्ड़, न डर; कायसे तुमाए बाप हां जौ साजो लगो आय, कि राज तुम हां दे।

- लूका 16:22

और ऐसो भओ कि बो कंगाल लाजर मर गओ, और सरगदूतन ने ऊहां ले के इब्राहीम की गोदी में पोंचाओ; और बो धनवान सोई मरो; और गाड़ो गओ।

- लूका 16:25

पर इब्राहीम ने कओ; हे पूत सुमरन कर, कि तें अपने जीयत में साजी बस्तें ले चुको आय, ऊंसई लाजर बुरई बस्तें: पर अब बो इते सान्ति पा रओ आय, और तें तड़प रओ आय।

- लूका 22:29

और जैसे मोरे बाप ने मोरे लाने एक राज ठैराओ आय।

- लूका 6:20

तब यीशु ने अपने चेलन कुदाऊं तक के कओ; धन्न आव तुम, जौन नरम दीन आव, कायसे परमेसुर कौ राज तुमाओ आय।

- यूहन्‍ना 7:48

का हाकिमन या फरीसियन में से कोऊ ने ऊ पै भरोसा करो आय?

- प्रेरितन के काम 7:2

स्तिफनुस ने कओ; हे भईया हरौ, और मताई बाप सुनो, हमाओ बाप इब्राहीम हारान में बसवे से पेंला जब मिसुपुतामिया में हतो; तो तेजोमय परमेसुर ने ऊ ए दर्शन दओ।

- रोमियों 8:17

जदि लरका बिटिया आंय, तो वारिस सोई, जाने के परमेसुर के वारिस और मसीह के संगी वारिस आंय, जब हम ऊके संग्गै दुख मुसीबत उठाबें तो ऊके संग्गै मईमा सोई पा हैं।

- पैली कुरिन्थियों 2:9

परन्त जैसो लिखो आय, जिन बातन हां आंखन ने नईं तको, और न कान ने सुनो, और जौन मान्स के हिये में नईं समाई, उनईं हां परमेसुर ने अपने प्रेम करबेवारन के लाने तईयार करी आंय।

- दूसरी कुरिन्थियों 4:15

कायसे सबरी बस्तें तुमाए लाने आंय, कि दया जौन बिलात जनों से होकें परमेसुर के मान के काजें धन्न सोई कहाबे।

- दूसरी कुरिन्थियों 6:10

रोबेवारन जैसे आंय, अकेले खुस रैत आंय; कंगाल जैसे लगत, अकेले बिलात जन हां पईसावारे बना देत आंय, ऐसे दिखात मानों हमाए ऐंगर कछु नईंयां अकेले सब कछु धरो आय।

- दूसरी कुरिन्थियों 8:9

तुम हमाए पिरभू यीशु की दया जानत आव, कि बे धनी होकें तुमाए लाने कंगाल बने कि उनके कंगाल होबे से हम धनी हो जाबें।

- इफिसियों 1:18

तुमाई आंखें खुलें कि तुम जानो, कि उनके देखे से तुम हां बड़ी आसा मिली आय, और उनके पवित्तर लोगन में ऊ की जायजाद को मान बड़ो आय।

- इफिसियों 3:8

मो पै जौन सबरे परित्तर लोगन में सबसे लौरो आंव, जा दया भई, कि मैं अन्यजातियन हां मसीह में मिलबेवारे महा धन के बचन सुनाओं।

- 1 थिस्सलुनीकियों 2:12

कि तुमाओ जीवन जैसो परमेसुर चाहत आय ऊं सो होबै, जीने तुम हां अपने राज में बुलाओ आय।

- 2 थिस्सलुनीकियों 1:5

ईसे जौ पता लगत आय; कि परमेसुर सच्चो न्यायी आय, और ईसे पक्को हो गओ कि तुम परमेसुर के राज्य के लायक आओ, जीके काजें तुम दुख सोई उठात आव।

- 1 तीमुथियुस 6:18

और भलाई करें, और अच्छे कामन में धनी बनें; और उदार और मदद के लाने तईयार रैबें।

- 2 तीमुथियुस 4:18

मोहां भरोसा आय कि प्रभु मोहां बुरई बातन से बचा है, और मोरो तरन तारन करके मोहां अपने सरग धाम में लै जै है: उनईं की जय होबै। आमीन।

- 2 तीमुथियुस 4:8

आगे परमेसुर जौन सांचे आंय मोरे काजें धरम को मुकुट धरें आंय, जौन मोहां दै हैं और मोहां नईं, परन्त उन हां सोई दै हैं, जौन उनके फिन के आबे की प्रेम से बाट तकें आंय।

- इब्रानियों 11:26

मूसा ने मिसर देस के धन दौलत से यीशु मसीह के नाओं से भलो बुरो कहाबो अच्छो लगो; कायसे बो आगे आबेवारे आनन्द हां तकें हतो।

- याकूब 1:12

धन्न आय बो मान्स, जौन परीक्षा में पक्को कड़े; कायसे बो परीक्षा में खरो कड़ के जीवन कौ बौ मुकुट पा है, जी कौ कौल पिरभु ने अपने प्रेम धरबेवारन हां दओ आय।

- याकूब 1:16

हे मोरे प्यारे भईया हरौ, धोखा न खाओ।

- याकूब 1:19

हे मोरे प्यारे भईया हरौ, जा बात तुम जानत आव: ई लाने सबरे मान्स सुनबे के लाने एकदम तईयार और बोलवे में धीरजवारे, और खुन्स में गम्म खाबेवारे होबें।

- याकूब 1:9

दीन भाई अपने बड़े पद पे घमण्ड करे।

- 1 पतरस 1:4

जाने कि एक न मरबेवारी और निर्मल, और हमेसा की मीरास के लाने, जौन तुमाए लाने सरग में धरी आय।

- 2 पतरस 1:11

परन्त तुम हमाए पिरभु और तारन करबेवारे यीशु मसीह के सदा के राज में बड़े मान के संग्गै पहुंच हौ।

- यूहन्‍ना के दरसन कौ खुलासा 2:9

कि मैं तोरो दुख और तोरी गरीबी हां जानत आंव; (परन्त तें धनी आय); और जौन अपने हां यहूदी कैत आंय पर हैं नईंयां, और शैतान छलिया की बातन में लगे आंय, मोहां जौ सब पता आय।

- यूहन्‍ना के दरसन कौ खुलासा 21:7

जो पिरभू की बातन में पक्को कड़े, उन हां जे सबरी आसीस मिल हैं; और मैं ऊकौ परमेसुर रै हों, और बो मोरो पुत्र रै है।

- यूहन्‍ना के दरसन कौ खुलासा 3:18

ई लाने मैं तोहां सम्मति देत आंव, कि आगी में ताओ भओ सोना मोसे मोल ले कि सांचऊ में धनी हो जाबै; और सफेद उन्ना लैके पैर ले कि तोहां नंगेपन जैसी सरम न होबै; और अपनी आंखें आंजबे हां बढिया सुरमा लै ले, कि तोहां दिखान लगै।