- याकूब 2:3 - Bundeli Holy Bible

³ और जदि तुम ऊ साजे उन्ना पैरे भए मान्स कौ मों तक के ऊसे कओ इते साजी जांगा बिराजो; परन्त गरीब से कओ, तें इते ठांड़ो रै, या मोरे गोड़न के ऐंगर धरती पे बैठ।

- याकूब 2:3 ပူးပေါင်းရင်းမြစ်များ

- लूका 23:11

तब हेरोदेस राजा और ऊके सिपाईयन ने यीशु कौ अपमान करो और ऊ की खिल्ली उड़ाई, हेरोदेस राजा ने यीशु हां राजसी चमकीलो उन्ना पैरा के पीलातुस के ऐंगर वापस पठै दओ।

- दूसरी कुरिन्थियों 8:9

तुम हमाए पिरभू यीशु की दया जानत आव, कि बे धनी होकें तुमाए लाने कंगाल बने कि उनके कंगाल होबे से हम धनी हो जाबें।

- याकूब 2:2

मान लेओ, जदि एक मन्सेलू सोने कौ छल्ला और भारी साजे उन्ना पैरें भए तुमाए भजनालय में आबै, और एक गरीब भूखो सोई मैले कुचैले उन्ना पैरें भए आबै।

- याकूब 2:6

पर तुम ने अपने पिच्छवारी के बैवार से ऊ गरीब कौ अपमान करो: का धनी मान्स तुम पे अत्याचार नईं करत, का बेई तुम हां कचारियन में कड़ोर कड़ोर के नईं ले जात।

- यहूदा 1:16

इनहां कोऊ बात में संतोस नईंयां, जे कुड़कुड़ात, और अपनी बुरई मन्सा से काम करत आंय; और बिलात बड़वाई की बातें करत आंय; और फायदे के लाने मों पै मान्सन की बड़वाई करत आंय।