- याकूब 2:23 - Bundeli Holy Bible

²³ और पवित्तर पोथी कौ जौ बचन पूरो भओ, कि इब्राहीम ने परमेसुर पे बिसवास करो, और जौ उन के लाने धरम कहाओ, और बे परमेसुर के दोस्त कहाए।

- याकूब 2:23 ပူးပေါင်းရင်းမြစ်များ

- उत्पत्ति 15:6

ऊने यहोवा परमेसुर पै भरोसा करो; और यहोवा परमेसुर नें ई बात हों ऊके लेखे में धरम गिनो।

- मरकुस 12:10

का तुम ने धरम शास्त्र में जौ नईं पढ़ो, कि जौन पत्थर हां कारीगरन ने बिना काम कौ साबित करो हतो, ओई पत्थर सबसे जरूरी हो गओ हतो?

- मरकुस 15:27

और उन ने यीशु के संग्गै दो डाकू, एक ऊ की दाहिनी और एक ऊके डेरे कोद क्रूस पै चढ़ाए।

- लूका 4:21

तब बो उन से कैन लगो, कि आज जौ लिखो भओ तुम औरन के सामूं पूरो भओ आय।

- प्रेरितन के काम 1:16

हे भईया हरौ, जो होने हतो कि पवित्तर पोथी कौ बो लिखो भओ पूरो होबे, जौन पवित्तर आत्मा ने दाऊद के मों से यहूदा के बारे में जौन यीशु के पकड़बेवारन कौ अगुवा हतो, पेंला से कई हती।

- रोमियों 11:2

परमेसुर ने अपनी ऊ प्रजा हां नईं छोड़ो, जिन हां ऊ ने पेंला से नबेरो हतो: का तुम नईं जानत, कि पवित्तर पोथी में एलियाह अगमवकता के लाने का कओ गओ आय; कि बो इस्राएल के विरोद में परमेसुर से बिन्तवाई करत आय।

- रोमियों 9:17

कायसे पवित्तर धरम पोथी में फिरौन राजा से कओ गओ, कि मैंने तोहां ई लाने ठाड़ो करो आय, कि तोय में अपनो बल ब जोर दिखाओं, और मोरे नाओं कौ परचार सबरे संसार में होबै।

- गलतियों 3:22

अकेले पवित्र पोथी में लिखो आय कि सबरे पाप के जाल में फंसे आंय, कि बा प्रतिज्ञा जीसे यीशु मसीह पै बिसवास करो चईये, बिसवास करबेवारन के काजें पूरी हो जाबे।

- गलतियों 3:6

इब्राहीम ने परमेसुर पे बिसवास धरो और ओई से ऊ धरमी कहाओ।

- 2 तीमुथियुस 3:16

कायसे पवित्र शास्त्र के एक एक बचन परमेसुर की आत्मा के कय से लिखे गए आंय, जीसे उपदेस होबे, और मान्सन के समझाबे और सुधरबे, और धरम की गैल जानें हां साजो आय।

- याकूब 2:24

तुम ने तक लओ कि मान्स अकेले बिसवास से नईं, परन्त करमन से सोई धरमी ठैरत आय।

- 1 पतरस 2:6

ई लाने पवित्तर पोथी में सोई लिखो आय, कि तको, मैं सिय्योन में कोने के मुड़ीसे कौ नबेरो भओ और बिलात मोल कौ पथरा धरत आंव: और जौन कोनऊ ऊपे बिसवास कर है, बो कौनऊ भांत लज्जित न हुईये।