- याकूब 2:21 - Bundeli Holy Bible

²¹ का हमाओ बाप इब्राहीम कामन से ऊ टैम धरमी नईं ठैराओ गओ, जब ऊने अपने मोंड़ा हां बेदी पे चढाओ?

- याकूब 2:21 ပူးပေါင်းရင်းမြစ်များ

- मत्ती 12:37

कायसे तें अपनी बातन से बरी और अपनी बातन से पापी ठहराओ जै है।

- मत्ती 3:9

और अपने मन में जौ न सोचियो, कि हमाओ बाप इब्राहीम आय; कायसे मैं तुम से कहत आंव, कि परमेसुर, इन पथरन से इब्राहीम के लाने लड़ेर पैदा कर सकत आय।

- लूका 1:73

और बो कौल जौन ऊ ने हमाए बाप इब्राहीम से करो हतो।

- लूका 16:24

तब ऊ ने टेर के कओ, हे बाप इब्राहीम, मो पे तरस खाके लाजर हां पठै दे, जीसे ऊ अपनी उंगरिया कौ सिरा पानू में भिंजो के मोरी जीभ हां ठण्डो करे, कायसे मैं ई ज्वाला में तड़प रओ आंव।

- लूका 16:30

ऊ ने कओ; नईं, हे पिता इब्राहीम; जदि कौनऊं मरे भयन में से जी उठे और उन के ऐंगर जाबे तो बे हिया फेर हैं।

- यूहन्‍ना 8:39

उन ने ऊसे कई हमाओ बाप तो इब्राहीम आय, यीशु ने उन से कई; अगर तुम इब्राहीम की लड़ेर होते, तो इब्राहीम की घांई काज करते।

- यूहन्‍ना 8:53

सही में तें हमाए बाप इब्राहीम से बड़ो नईंयां, जौन मर गओ, अगमवकता भी मर गए, तें अपने खुद हां का समझत आय?

- प्रेरितन के काम 7:2

स्तिफनुस ने कओ; हे भईया हरौ, और मताई बाप सुनो, हमाओ बाप इब्राहीम हारान में बसवे से पेंला जब मिसुपुतामिया में हतो; तो तेजोमय परमेसुर ने ऊ ए दर्शन दओ।

- रोमियों 3:20

कायसे नैम व्यवस्था के अनसार चलबे से कोऊ प्रानी ऊके सामूं धरमी न ठैर है, ई लाने कि नैम व्यवस्था के द्वारा पाप की पहिचान होत आय।

- रोमियों 4:1

ई लाने हम का कैबें, हमाए बाप इब्राहीम हां का मिलो?

- रोमियों 4:12

और उन खतना करे भयन कौ बाप होबे, जौन न अकेले खतना करे भए आंय, परन्त हमाए बाप इब्राहीम के बिसवास की गैल पे चलत आंय, जौन ऊने बिन खतना की दसा में करो हतो।

- रोमियों 4:16

ऐई काजें कौल करार बिसवास के द्वारा मिलत आय, कि दया की रीति पर होबे, कि बो ऊके कुल वंसवारन के लाने पक्की होबे, न केवल उन के लाने जौन नैम व्यवस्थावारो आय पर उन के लाने सोई जौन इब्राहीम के घांई बिसवास करबेवारे आंय: ओई तो हम सबरन कौ बाप आय।

- इब्रानियों 11:17

इब्राहीम से परमेसुर ने कई हती, कि इसहाक जौन ऊ को एकलौतो लड़का हतो, कि ईसें तोरो वंस परवार चल है।

- याकूब 2:18

परन्त कोई जनो जौ कै सकत आय कि तुमाए ऐंगर बिसवास आय, मोरे ऐंगर करम आय, तें अपनो बिसवास मोय करम बिना दिखा; मैं अपनो बिसवास अपने करमों के द्वारा तोहां दिखा हों।

- याकूब 2:24

तुम ने तक लओ कि मान्स अकेले बिसवास से नईं, परन्त करमन से सोई धरमी ठैरत आय।

- यहोशू 24:3

मैंने तुमाए पूर्वज अब्राहम हों महानदिया के ऊ पार सें ल्‍याकें कनान देस के सब जागांओं में घुमाओ और ऊकौ बंस बढ़ाओ और ऊहों इसहाक हों दओ;