- याकूब 2:20 - Bundeli Holy Bible

²⁰ हे बेसमज मान्स, का तें जौ सोई नईं जानत, कि करम बिना बिसवास अकारथ आय?

- याकूब 2:20 ပူးပေါင်းရင်းမြစ်များ

- रोमियों 1:21

ई काजें कि बे परमेसुर हां जानत हते, तो भी उन ने परमेसुर की बड़वाई और धन्नबाद नईं करो, परन्त अपने हियन से बेकार के सोच विचार करन लगे, और उन कौ अज्ञानी मन अंधेरो हो गओ।

- रोमियों 3:28

ई लाने हम ई बात पे पोंचत आंय, कि मान्स नैम व्यवस्था के कामन से बिना बिसवास से धरमी ठैरत आय।

- रोमियों 9:20

हे मान्स, भला तें को आय, जो परमेसुर कौ सामना करत आय? का बनाई भई बस्त बनाबेवारे से कै सकत आय कि तेंने मोय ऐसो काय बनाओ?

- गलतियों 5:6

मसीह यीशु में न खतनावारो और न बिना खतनावारो कछु काम के आंय, अकेले जौन प्रेम से काम करत आय।

- गलतियों 6:3

कायसे कोऊ कछु न होबे पै अपने हां कछु सोचे, तो अपने हां धोखा देत आय।

- कुलुस्सियों 2:8

चौकन्ने रओ कि कोई तुम हां बेकार बतकाओ में न फंसा लेबे, जौन मान्स की बातें आंय बे सब संसार कौ छल आय, परन्त जे बातें पिरभू की नईंयां।

- 1 तीमुथियुस 1:6

इन बातन हां छोड़ के बिलात जनें फालतू बातन के पाछें चलकें भटक गए आंय।

- तीतुस 1:10

कायसे बिलात जनें बिरोध करत आंय, लबरा और धोका देत आंय; जे बे आंय जिनको खतना हो गओ आय।

- याकूब 1:26

जदि कोई अपने आप हां भगत सोसे, और अपनी जीभ पे लगाम न देबे, तो बो अपने हिये हां छलत आय, ऊ की भक्ती अकारथ आय।

- याकूब 2:17

ऊंसई बिसवास सोई जदि करम संग्गै न होबै तो बो मरो भओ जैसो आय।

- याकूब 2:26

जैसे देह आत्मा बिना मरी भई आय, ऊंसई बिसवास सोई करम बिना मरो भओ आय।