- याकूब 1:4 - Bundeli Holy Bible

⁴ धीरज हां अपनो काम पूरो करन देओ, कि तुम पक्के और सिद्ध हो जाओ और तुम में कोई बात की घटी न रैबे।

- याकूब 1:4 ပူးပေါင်းရင်းမြစ်များ

- मत्ती 10:22

मोरे नाओं के काजें सब तुम से बैर कर हैं, पर जौन अन्त लौ गम खै है ओई की मुक्ति हुईये।

- मत्ती 19:20

जवान ने ऊसे कई, इन सब हां तो मैं पालन करत आओ हों, फिन मोय में का घटी आय?

- मत्ती 5:48

ई लाने तुम सिद्ध बनो, जैसो कि तुमाओ स्वर्गीय बाप सिद्ध आय।

- मरकुस 10:21

यीशु ने ऊ पै नजर कर के ऊसे प्रेम करो, और ऊसे कओ, तो में एक बात की कमी आय; जा, जो कछु तोरो आय, ऊहां बेंच के कंगालन हां दे, और तोहां सरग में धन मिल है, और आके मोरे पांछू हो ले।

- लूका 18:22

जौ सुन, यीशु ने ऊसे कओ, तो में अब भी एक बात की घटी आय, अपनो सब कछु बेंच के गरीब गुरवन हां बांट दे; और तोहां सरग में धन मिल है, और आके मोरे पांछू हो ले।

- लूका 21:19

अपने धीरज से तुम अपने प्राण हां बचाए रख हौ।

- लूका 8:15

पर साजे खेत के बे आंय, जौन बचन सुनके भले और अच्छे हिये में संभालें रैत आंय, और धीरज से फल लात आंय।

- यूहन्‍ना 17:23

मैं उन में और तें मोय में, कि बे सिद्ध होकें एक हो जाबें, जीसे संसार जानें कि तेंने मोय पठैव, और जैसो तेंने मोय से प्रेम करो, वैसई उन से भी प्रेम करो।

- पैली कुरिन्थियों 2:6

फिन हम समजदारों में ज्ञान की बातें सोई सुनात आंय: परन्त जौ ज्ञान न तो ई संसार कौ, और न ही हाकमन कौ आय जौन नास होबेवारे आंय।

- गलतियों 6:9

भलो करबे में हिम्मत न हारो, कायसे हम ढिलयाए न, तो अपनी बेरा पे कटनी काट हैं।

- कुलुस्सियों 4:12

इपफ्रास जौन तुम में से आय, और पिरभू यीशु मसीह को सेवक आय, तुम हां नमस्कार कैत आय और तुमाए काजें बिन्तवारी में लगो रैत आय, कि तुम पक्के होकें ई सीख पै चलत रओ।

- 1 थिस्सलुनीकियों 5:23

सान्ति दैबेवारे परमेसुर तुम हां साजो राखे; और तुमाई आत्मा, प्रान और देह हमाए पिरभू यीशु मसीह के आबे लौ बिन खोट बने रैबें।

- 2 तीमुथियुस 3:17

जीसे परमेसुर को मानबेवारो साजो बने, और भले काज करबे हां तैयार रैबे।

- इब्रानियों 13:21

बे तुम हां उनकी अज्ञा मानबे और जौन अच्छो होबे, ऊहां करबे को मन हमाए भीतरे बनाबे, कि उनको मान सम्मान होत रैबे। आमीन।

- याकूब 1:5

जदि तुम में से कोई हां समज की घटी होबै, तो बो परमेसुर से मांगे, परमेसुर बिना कए सबई हां उदारता से देत आय; और बुद्धि समज ऊ ए दई जै है।

- याकूब 3:2

प्रवचन देती बेरा हम कुल्ल बेर चूक जात आंय, जो कोनऊ बोलवे में चूक नईं करत, ओई सिद्ध मान्स आय; और सबरी देयां पे सोई लगाम लगा सकत आय।

- 1 पतरस 5:10

अब परमेसुर जौन सबरी दया कौ दाता आय, जीने तुम हां मसीह में अपनी सदा की मईमा के लाने बुलाओ आय, तुमाए तनक बेरा लौ पीड़ा उठाबे के पाछें खुद तुम हां सिद्ध, पक्को, सकतीवान और पक्को कर है।

- 2 पतरस 1:9

जीमें जे बातें नईयां, ऊ धुंधलो तकत आय, और अन्धरो आय, बो बिसर बैठो आय कि बो अब अपने पेंला के अधरम से धुल के सुद्ध हो चुको आय।