- याकूब 1:19 - Bundeli Holy Bible

¹⁹ हे मोरे प्यारे भईया हरौ, जा बात तुम जानत आव: ई लाने सबरे मान्स सुनबे के लाने एकदम तईयार और बोलवे में धीरजवारे, और खुन्स में गम्म खाबेवारे होबें।

- याकूब 1:19 ပူးပေါင်းရင်းမြစ်များ

- नहेम्याह 8:18

फिन पैले दिना सें आखरी दिना लौ एज्रा ने रोज यहोवा परमेसुर की ब्‍यवस्‍था की पोथी में सें बांच बांचकें सुनाओ। और ई तरहां सें बे सात दिना लौ त्‍योहार मनात रए, और आठवें दिना नैम के अनसार महासभा भई।

- नहेम्याह 9:17

और हुकम मानबे सें मना करो, और जो चमत्‍कारी काम तेंनें उनके मजारें करे हते, उनहों याद नईं करो, बल्‍कि हट करके इतै लौ बलवा करबेवारे बने, कि एक मुखिया ठैराओ कि अपनी गुलामी की दसा में फिन लौटें। परन्‍त तें छमा करबेवारो अनुग्रह और दया करबेवारो, देर सें गुस्‍सा करबेवारो और भौतई प्रेम करबेवारो ईसुर आय। तेंनें उनहों त्‍यागो नईंयां।

- नहेम्याह 9:3

तब उनोंरन ने अपनी अपनी जागां पै ठांड़े होकें दिन के एक पहर लौ अपने यहोवा परमेसुर की ब्‍यवस्‍था की पोथी पढ़त, और दूसरे पहर अपने पापन हों मानत, और अपने यहोवा परमेसुर हों दंडवत करत रए।

- मत्ती 5:22

परन्त मैं तुमन से कैत हों, कि जौन कोनऊ अपने भईया पे खुन्सयाबे, ऊहां कचहरी में सजा मिल है: और जो कोऊ अपने भईया हां निकम्मो कै है बो पंचायट में दोषी ठहर है; और जो कोऊ कैबे “अरे मूरख” बो नरक की आगी के दण्ड के जोग हुईये।

- मरकुस 12:37

दाऊद तो खुद ऊहां प्रभु कैत आय, फिन ऊ कहां से ऊकौ बेटा ठैरो? और भीड़ के लोग आनन्द से ऊ की सुनत हते।

- मरकुस 2:2

फिन इतने मान्स जुड़ गए, कि दरवाजे के ऐंगर भी जांगा न मिली; और ऊ उने बचन सुना रओ हतो।

- लूका 15:1

सबरे चुंगी लेबेवारे और अधरमी यीशु के ऐंगर आत हते कि ऊ की बातें सुनें।

- लूका 19:48

पर कौनऊं उपाय न खोज सके; कि यीशु हां कौन भांत मार डालें, कायसे सबरे मान्स बड़ी चाह से ऊ की सुनत हते।

- प्रेरितन के काम 1:15

और उनई दिना में पतरस भईयन के संग्गै जौन एक सौ बीस के लगभग इकट्ठे जुड़े हते, ठांड़ो होकें कैन लगो।

- प्रेरितन के काम 10:33

तब मैंने तुरतऊं तोरे लौ मान्स पठैओ, और तेंने भला करो, कि तें आ गओ: अब हम सबरे इते परमेसुर के सामूं आंय, जीसे जौन कछु परमेसुर ने तोसें कओ आय बो सुनें।

- प्रेरितन के काम 13:48

जब गैर यहूदियन ने जौ सुनो तो बे खुस भए, और प्रभु के बोलन की बड़ाई करन लगे: और जितेक अनन्त जीवन के लाने ठहराए गए हते, उन ने भरोसा करो।

- प्रेरितन के काम 17:11

जे लोग थिस्सलुनीके मान्सन से बिलात साजे हते, कायसे उन ने बड़ी लगन से बचन हां मान लओ, और रोजीना पवित्र पोथी में से खोज बीन करत रए, की हेरें जे बातें ऐंसई आंय कि नईंयां।

- प्रेरितन के काम 2:42

और बे प्रेरितन से शिक्षा पाबे, और संगति रखबे में और रोटी तोड़बे में और बिनती करबे में लगे रएं।

- इफिसियों 4:26

खुन्सयाओ, अकेले पाप न कर बैठो: दिन डूबे लौ तुमाओ खुन्सयाबो न रैबे।

- इफिसियों 4:31

सबरी कड़वाहट और खुन्स, और न्याओ, और बुराई और दूसरन से बैर तुम न करो।

- कुलुस्सियों 3:15

तुम सबरे जनें यीशु मसीह की देह के मानो अंग आव और सान्ति से रैबे हां जुड़े आव, सो जानो सान्ति पिरभू से मिलत आय, ऊ तुमाए सोच हां संभाले और तुम उन हां धन्नवाद देत रओ।

- कुलुस्सियों 3:8

सो अब तुम सोई खुनसियाबो, रौब दिखाबो, बैर करबो, दूसरन को बुरओ सोचबो और गाली देबो छोड़ दो।

- 1 थिस्सलुनीकियों 2:13

सो हम परमेसुर को धन्न मानत आंय; कि जब परमेसुर की बातें तुम ने सुनीं, तो तुम ने ऊहां मान्सन की नईं, परन्त परमेसुर की बातें लेखी (जा सांची आय) और अब तुमाए जीवन में दिखात आय।

- याकूब 1:16

हे मोरे प्यारे भईया हरौ, धोखा न खाओ।

- याकूब 1:2

मोरे भईया हरौ, जब तुम कैऊ भांत की परीक्षाओं में पड़ो, तो ईहां बड़ी खुसी की बात मानियो।

- याकूब 1:26

जदि कोई अपने आप हां भगत सोसे, और अपनी जीभ पे लगाम न देबे, तो बो अपने हिये हां छलत आय, ऊ की भक्ती अकारथ आय।

- याकूब 2:1

हे मोरे भईया हरौ, हमाए पिरभु यीशु मसीह जौन जसवारे आंय, उनकौ बिसवास तुम में पिच्छदारी से न होबे।

- याकूब 2:5

हे मोरे प्यारे भईया हरौ, सुनो; का परमेसुर ने ई संसार के गरीबन हां नईं नबेरो, कि बे बिसवास में धनी और ऊ राज के हाकम होबें, जी कौ कौल उन ने अपने प्रेम करबे वारन से करो आय?

- याकूब 3:10

एकई मों से धन्नबाद और कोसबो दोई कड़त आंय।

- याकूब 4:11

हे भईया हरौ, एक दूजे पे दोस न मढ़ो, जौन अपने भाईया की बदनामी करत आय, ऊ भाई पे दोष मढ़त आय, बो कानून धरम पे दोस लगात आय; और जदि तें कानून धरम पे दोस लगात आय, तो तें कानून धरम पे चलबेवारो नईंयां, पर ऊ पे हाकम ठैरो।

- याकूब 5:12

हे मोरे भईया हरौ, सब से साजी बात जा आय कि कौल न करियो; न सरग की, न संसार की, न कोऊ और बस्त की, पर तुमाई बात चीत हां की हां, और नईं की नईं होबै, जीसे तुम हां दण्ड न मिले।

- याकूब 5:19

हे मोरे भईया हरौ, जदि तुम में कोऊ सांची गैल छोड़ दे, और कोनऊं ऊहां वापुस फेर लाए।

- 1 यूहन्‍ना 2:21

मैंने जे बातें तुम हां जौ सोच के नईं लिखीं, कि तुम उन हां नईं चीनत, परन्त ईसे लिखो, कि सांचे परमेसुर से लाबरी झूठी बातें नईं कड़तीं।