- याकूब 1:14 - Bundeli Holy Bible

¹⁴ परन्त हरएक जनों अपनी अभलाखा से खिंच के, और फं स के परीक्षा में पड़त आय।

- याकूब 1:14 ပူးပေါင်းရင်းမြစ်များ

- उत्पत्ति 3:6

सो जब बईयर ने हेरो कि ऊ पेड़ कौ फल खाबे में नोंनो, और हेरबे में मन हों भाबेवारो, और बुद्धि दैबे के लाने सोई बढ़िया आय; तब ऊने ऊहों तोड़कें खा लओ, और अपने घरवारे हों भी दओ, और ऊने सोई खाओ।

- उत्पत्ति 6:5

यहोवा परमेसुर ने हेरो कि मान्‍सन की बुराई पृथ्‍वी पै बढ़ गई आय, और उनके मन के बिचार में जो कछु पैदा होत आय ऊ लगातार बुरोई होत आय।

- उत्पत्ति 8:21

ईपै यहोवा परमेसुर ने सुख दैबेवारी सुगन्‍ध पाकें सोचो, “कि मान्‍स के कारन मैं फिन कभऊं धरती हों स्राप नें दैहों, जबकि मान्‍स के मन में बचपन सें जो कछु पैदा होत आय ऊ बुरओ ही होत आय; तब भी जैसो मैंने सबरे जीवों हों अब मारो आय, बैसो उनहों फिन कभऊं नें मारहों।

- मत्ती 15:18

पर जो मों से कड़त आय, बो मन से कड़त आय, और बो मान्स हां अशुद्ध करत आय।

- मत्ती 15:20

जेई बातें आंय जौन मान्स हां अशुद्ध करत आंय, पर बिना हाथ धोए मान्स हां अशुद्ध नईं करत।

- मत्ती 4:1

तबई आत्मा यीशु हां हार में लै गओ कि शैतान छलिया ऊकी परख करे।

- मत्ती 5:28

परन्त मैं तुम से कैत हों, कि जो मान्स कोनऊ बईयर हां बुरी नजर से हेरे समझो बो अपने मन में ऊसे ब्याभिचार कर चुको।

- रोमियों 7:11

कायसे पाप ने मौका पाके हुकम के द्वारा मोय बहका दओ, और ओई के द्वारा मोय मार सोई डालो।

- रोमियों 7:13

तो का बो जौन साजी हती, मोरे लाने मौत ठैरी? कभऊं नईं! परन्त पाप ऊ साजी बस्त से मोरे लाने मौत हां पैदा करबेवारो भओ, कि ऊकौ पाप होबो उजागर होबे, और हुकम के द्वारा पाप कुल्ल पापवारो ठैरे।

- इफिसियों 4:22

कि तुम पेंला की बातन हां जौन पुरानो मान्स जौन धोखा भरी बातें करत आय, ऊहां उतार डालो।

- इब्रानियों 3:13

तुम एक दूजे हां समझात रहो, और जब लौ आज को दिना आय, तको कि कोऊ पाप में फं सके कर्रो न हो जाबै।

- याकूब 1:13

जब कोनऊं की परीक्षा होबै, तो बो जौ न कैबे, कि ऊ की परीक्षा परमेसुर कुदाऊं से हो रई आय; कायसे न तो बुरई बातन से परमेसुर की परख हो सकत आय, और न बो कोनऊं की परख खुद करत आय।

- याकूब 1:15

फिन अभलाखा गरभवती होकें पाप हां जनम देत आय, पाप जब बढ़ जात आय तब मौत हां जनम देत आय।