- इब्रानियों 6:2 - Bundeli Holy Bible

² और अब फिरके बपतिस्मा और हाथ धरबे, और मरे भए कैसे जी उठ हैं, और आबेवारे न्याय जैसी पेंला की शिक्षा में आगे बढें।

- इब्रानियों 6:2 ပူးပေါင်းရင်းမြစ်များ

- मत्ती 28:19

ई लाने जाओ और सब जातन के लोगन हां चेला बनाओ, और उन हां बाप, पूत और पवित्रआत्मा के नाओं से बपतिस्मा देओ।

- मत्ती 3:14

यूहन्ना जौ कै के ऊहां रोकन लगो, कि मोय तोसे बपतिस्मा लैबे की जरूरत आय, और तें मोरे ऐंगर आओ आय?

- मरकुस 16:16

जो बिसवास कर है और बपतिस्मा लै है ओई को उद्धार हुईये, लेकिन जो बिसवास नें कर है ऊ दोषी ठहराओ जै है।

- मरकुस 7:4

और बाजार से आके, जब लौ सपर नईं लेत, तब लौ नईं खात; और भौत सी और बातें आंय, जौन उनके ऐंगर मानबे के लाने पोंचाईं गईं आंय, जैसे कटोरों, और लोटों, और तांबे के बासन हां धोबो मांजबो।

- मरकुस 7:8

कायसे तुम परमेसुर की आज्ञा हां टालके मान्सन की रीति हां मानत आव।

- लूका 11:38

फरीसी जौ तक के चकित भओ कि यीशु ने खाना खाबे से पेंला नईं सपरो।

- लूका 12:50

मोय एक बपतिस्मा लेने आय, और जब लौ बो न हो ले तब तक मैं कैसी दुबधा में रै हों?

- लूका 14:14

तब तें धन्न हुईये, कायसे उन लौ तोहां बदला चुकाबे हां कछु नईंयां, पर जब धरमी जी उठ हैं तो तोहां ईकौ बदला मिल है।

- लूका 3:16

तब यूहन्ना ने उन सबरन से कओ: मैं तो तुम हां पानू से बपतिस्मा देत आंव, परन्त बो आबेवारो आय, जौन मोय से बली आय; मैं तो ई जोग नईंयां, कि ऊके जूतन के फीता खोल सकों, बो तुम हां पवित्तर आत्मा और आग से बपतिस्मा दै है।

- यूहन्‍ना 1:33

और मैं तो ऊहां नईं चीनत हतो, पर जीने मोय पानू से बपतिस्मा दैबे पठैव, ओई ने मोय से कई, जीपे तें आत्मा हां उतरत और ठहरत हेरे; पवित्र आत्मा से बपतिस्मा देबेवालो ओई आय।

- यूहन्‍ना 5:29

जिन ने साजे काज करे आंय बे अनन्त जीवन के लाने जी उठ हैं, और जिन ने बुरय काज करे आंय बे दण्ड भोगबे के लाने फिन जी उठ हैं।

- प्रेरितन के काम 10:47

ई पे पतरस ने कओ; का कोई पानू हां रोक सकत आय, कि बे बपतिस्मा न पाएं, जिन ने हमाए घांई पवित्तर आत्मा पाओ आय?

- प्रेरितन के काम 13:3

जब बे उपास और प्रार्थना कर चुके, तो उन पे हाथ धरके उनहां पठै दओ।

- प्रेरितन के काम 16:15

जब ऊ ने और ऊके घर बारन ने बपतिस्मा लओ, तो हम से बिनती करी, अगर तुम मोय परमेसुर की बिसवासिनी मानत आव, तो आके मोरे घरै ठहरो; और बा हमें मनाकर ले गई।

- प्रेरितन के काम 16:33

और ओई बेरा उनहां ले जाके ऊ ने उन के घाव धोए, और तुरतईं ऊ ने और ऊके घराने ने बपतिस्मा लओ।

- प्रेरितन के काम 17:18

और कछु इपीकूरी और स्तोईकी ज्योतिषियन भी ऊसे बहस करन लगे, कछु कहत हते, जौ बकवासी कहबो का चाहत आय? पर दूसरन ने कई; जौ तो अद्भुत देवता कौ परचार करबेवालो जान पड़त आय, कायसे बो यीशु और मरे भयन के जी जाबे कौ परचार कर रओ हतो।

- प्रेरितन के काम 2:38

पतरस ने उन से कओ, मन फिराओ, और तुम में हर एक जने अपने पापन की छिमा के लाने यीशु मसीह के नाओं से बपतिस्मा ले; तो तुम पवित्र आत्मा कौ दान पाहौ।

- प्रेरितन के काम 2:41

जिन ने ऊकौ बचन मानो उन ने बपतिस्मा लओ; और ओई दिना तीन हजार मान्सन के लगभग उन में जुड़ गए।

- प्रेरितन के काम 23:6

जब पौलुस ने जौ हेरो, की एक झुण्ड सदूकियन कौ आय और दूसरो फरीसियन को, तो बो महा पंचायत में हल्ला करके कहन लगो, भईया हरौ, मैं फरीसी आंव और फरीसियन के वंस कौ आंव, मरे भयन की आस और फिन से जी जाबे के काजें ही मोरो न्याव हो रओ आय।

- प्रेरितन के काम 24:15

मैं परमेसुर में जौ आस धरत आंव, जैसे जे खुद भी धरत आंय, की सही में धर्मी और अधर्मी दोई कौ फिन से जी जाबो हुईये।

- प्रेरितन के काम 24:21

केवल ई बात हां छोड़, जीहां मैंने उन के बीच ठांड़े होकें जोर से कई हती, मरे भयन के जी जाबे के बारे में, तुमाए आंगू मोरो न्याव हो रओ आय।

- प्रेरितन के काम 24:25

अब बो धर्म की और आबेवाले न्याव की बतकाव कर रओ हतो, तो फेलिक्स ने डरा के कई, ई बेरा तो तें जा, बेरा मिलबे पे मैं तोय फिन टेर हों।

- प्रेरितन के काम 26:8

जा बात तुम लोगन हां भरोसेमन्द काय नईं लगात आय, की परमेसुर मरे भयन हां जिलात आय?

- प्रेरितन के काम 4:2

कायसे बे बिकट खुन्सयाए कि बे मान्सन हां सिखात हते और यीशु कौ उदाहरण दे दे के मरे भयन में से जी उठबे कौ परचार करत हते।

- प्रेरितन के काम 6:6

इन हां प्रेरितन के सामूं ठांड़ो करो और उन ने बिन्तवाई कर के उन पे हाथ धरे।

- रोमियों 2:16

जौन दिना परमेसुर, मोरे भले सन्देसे के अनसार, पिरभु यीशु मसीह के द्वारा मान्सन की लुकी भई बातन कौ न्याय कर है।

- पैली कुरिन्थियों 10:2

और सबरन ने बादल में, और समुन्दर में, मूसा कौ बपतिस्मा लओ।

- पैली कुरिन्थियों 12:13

कायसे कि हम सबरन ने का यहूदी, का यूनानी, चाए दास, या छुट्टा, एकई आत्मा से एक देयां होबे के लाने बपतिस्मा लओ, और हम सबरन हां एकई आत्मा पिबाओ गओ आय।

- दूसरी कुरिन्थियों 5:10

कायसे हम सबरन की सबरी बातें मसीह जब न्याय करबे बैठ हैं तो खुल जै हैं, एक एक जनें अपने भले और बुरय कामन को इनाम जौन संसार में रैत करे आंय पाबें।

- फिलिप्पियों 3:21

जौन अपने बल से सबरी बस्तन हां अपने बस में कर सकत आय, हमाई ई देह को रूप बदल के, उनकी देह जैसो बना दें हैं।

- कुलुस्सियों 2:12

और जब तुम ने बपतिस्मा लओ तो ऊंसई पिरभू यीशु मसीह के संग्गै मानो गाड़े गए, और परमेसुर के बल पे बिसवास करे से, जिन ने उन हां मरे भयन में से जिलाओ, ऊंसई जी गए।

- 2 तीमुथियुस 2:18

जौन जौ कैत आंय कि मरे भए जी उठे आंय बे सांची बातन हां नईं मानत, और कित्तई उन के बिसवास हां बिलोर देत आंय।

- इब्रानियों 11:35

कछु बईयरन ने अपने जन हां जौन मर गए हते फिन जीयत पाओ; बिलात जनें मार खात मर गए; परन्त जा न कई कि छोड़ दो; उन हां आस हती कि मर गए तो एक दिना जी उठ हैं।

- इब्रानियों 9:10

सो बे नैम खाबे पीबे और सपरबे के हते, जौन मान्स के लाने हते, उन हां बेरा आबे पै सुधारो जात आय।

- 2 पतरस 3:7

पर अबै के आकास और धरती ओई बचन के द्वारा आगी में जलाए जाबे के लाने धरे गए आंय; बे बिन भक्तीवारे मान्सन के न्याय और नास के दिना लौ ऐसई धरे जै हैं।