- इब्रानियों 4:9 - Bundeli Holy Bible

⁹ सो ध्यान धरौ कि परमेसुर पै बिसवास धरबेवारन के लाने विश्राम को दिनअबै आबेवारो आय।

- इब्रानियों 4:9 ပူးပေါင်းရင်းမြစ်များ

- मत्ती 1:21

बो पूत हां जन्म दै है और तें ऊकौ नाओं यीशु धरियो; कायसे बे अपने लोगन हां उन के पापन से छुड़ै है।

- तीतुस 2:14

उन ने अपने आप अपनो बलदान करो, कि हम हां सबरे पापन से दूर करबें, और हम हां साजो कर के ऐसे बनाबें जौन धरम के काज में लगे होबें।

- इब्रानियों 11:25

कायसे ऊहां पाप में रैके थोड़े से दिना के मजा मौज से परमेसुर के लोगन संग्गै दुख उठाबो अच्छो लगो।

- इब्रानियों 3:11

और परमेसुर ने गुनसिया के कई, कि तुम मोरे आराम की जांगा में न जा पाहौ।

- इब्रानियों 4:1

सो उनके विश्राम में जाबे की बात अबै सोई आय, हम हां डर के चलो चईये, ऐसो न होबै, कि कोई रै जाबै।

- इब्रानियों 4:10

सो जिन ने परमेसुर के जैसे अपने काज पूरे करे आंय, बे ऊंसई अपने कामन से विश्राम कर हैं।

- इब्रानियों 4:3

जीने बिसवास धरो, बे विश्राम में पोंचे; जैसो पोथी में लिखो आय, कि परमेसुर ने उन मान्सन से गुन्सया के कई कि तुम मोरे आराम की जांगा में न पहुंच हौ।

- इब्रानियों 4:8

यदि यहोशू अपने लोगन हां विश्राम में ले जातो, तो परमेसुर फिन के ई दिना की न कैते।

- 1 पतरस 2:10

तुम पेंला तो कछु न हते, पर अब परमेसुर की परजा आव; तुम पे दया न भई हती परन्त अब तुम पे दया भई आय।

- यूहन्‍ना के दरसन कौ खुलासा 14:13

मैंने सरग से ऐसो शब्द सुनो, कि लिख; जो मान्स पिरभू में मरत आंय, बे अब से धन्न आंय, आत्मा ने सोई कई कि जौन मेहनत से काम उन ने करो आय उन हां इनाम मिल है, और बे आराम कर हैं।

- यूहन्‍ना के दरसन कौ खुलासा 21:4

और बे उनकी आंखन से अंसुआ पोंछ डाल हैं; और ईके पाछें मरबो न हुईये, और न रोबो, न किलपबो, और न पिरातो हुईये; पेंला की सबरी बातें चली गईं।