- इब्रानियों 4:12 - Bundeli Holy Bible

¹² कायसे परमेसुर के बचन जीयत, और बली आंय, जैसी दोई तरपेवारी तलवार, उनके बचन से आत्मा और जीव, और एक एक गांठ हां तोड़त आय, जब लौ हिये में का आय जौ न जान लैबे।

- इब्रानियों 4:12 ပူးပေါင်းရင်းမြစ်များ

- लूका 8:11

कनौत की समजाइस जा आय; बीज परमेसुर कौ बचन आय।

- यूहन्‍ना 12:48

जौन मोरो ठट्ठा करत आय, और मोरे बोल हां नईं मानत ऊहां दोषी ठहराबे वालो तो एकई आय, जो बचन मैंने कहे आंय, ओई अन्त के दिना में ऊहां दोषी ठहरा है।

- यूहन्‍ना 6:51

जीवन की रोटी जौन सरग से उतरी बो मैं आंव। जो कोऊ ई रोटी में से खा है, तो बो सदा लौ जीयत रै है, और जौन रोटी मैं जगत के जीवन के लाने दै हों, बो मोरो मांस आय।

- प्रेरितन के काम 2:37

तब सुनबे वालन के हिया छिद गए, और बे पतरस और बाकी प्रेरितन से पूंछन लगे, कि हे भईया हरौ, हम का करें?

- प्रेरितन के काम 4:31

जब बे बिन्तवाई कर चुके, तो बा जांगा जिते बे जुड़े हते हल गई, और बे सबरे पवित्तर आत्मा से भर गए, और परमेसुर कौ बचन हियाव से सुनात रए।

- प्रेरितन के काम 5:33

जौ सुन के बे जल गए, और उन हां मार डालबो चाहो।

- प्रेरितन के काम 7:38

जौ ओई आय, जीने हार में मण्डली के मजारें ऊ सरगदूत के संग्गै सीनै पहरवा पे ऊसे बातें करीं, और हमाए बाप दादों के संग्गै हतो: ओई हां जीयत बचन मिले, कि हम लौ पोंचाए।

- रोमियों 1:16

कायसे मैं भले सन्देस देबे से नईं लजात, ई लाने कि बो सब कोऊ जौन बिसवास करत आंय, पेंला तो यहूदी, फिन यूनानी के उद्धार के लाने परमेसुर की तागद आय।

- पैली कुरिन्थियों 1:24

परन्त जीहां उन ने टेरो आय चाहे बे यहूदी होबें चाहे यूनानी, उन के लाने मसीह, परमेसुर की बल सक्ती, और परमेसुर कौ ज्ञान आय।

- दूसरी कुरिन्थियों 2:17

कायसे हम बिलात जनों जैसे नईंयां, जौन परमेसुर की बातन में कछु दूसरी बातें जोड़ देत आंय; अकेले हिये से, परमेसुर की बातें परमेसुर हां मानो सजीव देखत मसीह में कैत आंय।

- दूसरी कुरिन्थियों 4:2

और हम ने बुरय कामन हां छोड़ दओ आय, और बनके नईं चलत, और न परमेसुर के बचन में कछु मिलात आंय, अकेले सांची बातें उजागर करत आंय, और परमेसुर हां जानत भए सबरन के हिये पै अपनी बात बैठा देत आंय।

- इफिसियों 5:13

जी बातन और कामन हां हटको जाबै बे सबरे जोत से परगट होत आंय, कायसे जौन सब कछु परगट करत आय बो जोत आय।

- इफिसियों 5:26

उन ने अपने बचन से मण्डली हां पवित्तर करो और ऊहां बचन के जल से स्नान करा के पवित्तर करो।

- इफिसियों 6:17

और परमेसुर को तरन तारन तुमाए मूड़ हां बचा है, और परमेसुर को बचन तलवार जैसो मन में धर लेओ।

- 1 थिस्सलुनीकियों 2:13

सो हम परमेसुर को धन्न मानत आंय; कि जब परमेसुर की बातें तुम ने सुनीं, तो तुम ने ऊहां मान्सन की नईं, परन्त परमेसुर की बातें लेखी (जा सांची आय) और अब तुमाए जीवन में दिखात आय।

- 1 थिस्सलुनीकियों 5:23

सान्ति दैबेवारे परमेसुर तुम हां साजो राखे; और तुमाई आत्मा, प्रान और देह हमाए पिरभू यीशु मसीह के आबे लौ बिन खोट बने रैबें।

- इब्रानियों 13:7

अपने गुरू जन हां जीने तुम हां परमेसुर की कथा सुनाई, उन हां न बिसराईयो; और ध्यान धरियो कि उन को जीवन कैसो हतो और उनके बिसवास की बातन हां पकड़े रहियो।

- इब्रानियों 6:5

जीने परमेसुर के बचन हां सुनो, और आबेवारे दिना में हमाओ का हुईये ईहां समझ लओ।

- याकूब 1:18

ऊ ने अपनी मनसा से हम हां सत्त के बचन से बनाओ आय, जीसे हम ऊके संसार की बनाई भई बस्तन में से मानो पैलो फल होबें।

- 1 पतरस 1:23

कायसे तुम ने नास होबेवारो नईं पर न मिटबेवारे बीज से परमेसुर के जीयत और सदा ठैरबेवारे बचन सें नओ जनम पाओ आय।

- यूहन्‍ना के दरसन कौ खुलासा 1:16

और ऊ अपने हाथ में सात तारे लएं हतो: और ऊके मों से मानो तेज तलवार जैसी निकलत हती; और ऊ को मों ऐसो चमकत हतो, जैसे सूरज कड़ी धूप में चमकत आय।

- यूहन्‍ना के दरसन कौ खुलासा 19:15

और उनके मों से एक चोखी तलवार कड़त आय, और बे लोहे को राजदण्ड लैके देश देश के मान्सन हां मार हैं और उनपै राज कर हैं, और परमेसुर के बड़े कोप से मदिरा के कुण्ड में दाखें रौंद हैं।

- यूहन्‍ना के दरसन कौ खुलासा 19:21

और बाकी मान्स ऊ घुड़वा पै बैठे मान्स की तलवार जो ऊके मों से कड़त हती, मार डाले गए; और सबरे पंछीयन ने मन भरके उनको मास खाओ।

- यूहन्‍ना के दरसन कौ खुलासा 2:16

सो अब इन बातन हां छोड़ दो, नईं तो मैं तोरे ऐंगर आके, ऐसे मान्सन से लड़हों और अपने मों के बचन से उनहां ऐसो काट हों जैसे तलवार काटत आय।

- यूहन्‍ना के दरसन कौ खुलासा 2:23

जौन ऊ की बातें मानत आय उन हां सोई मार हों, कि मण्डली के जनें जौ जान लें हैं कि मान्सन के मन की बात मोहां पता आय। मैं तुम सब के करमन कौ बदला तुम हां दैहों।

- यूहन्‍ना के दरसन कौ खुलासा 20:4

फिन मैंने सिंहासन तके, और उन पै मान्स बैठ गए, और उन हां न्याव करबे कौ अधकार दओ गओ; और मैंने उन आत्माओं हां भी तको, जिन की मूड़ें ईसा मसीह की गवाह और परमेसुर के परचार करे से काटे गए हते; और जिन ने ऊ जनावर और ऊ की मूरत की पूजा नईं करी हती, और ऊ की छाप अपने माथे और हाथन पै नईं लगाई हती; बे औरें जीवित होकें ईसा मसीह के संग्गै हजार बरस लौ राज करत रए।