- इब्रानियों 3:5 - Bundeli Holy Bible

⁵ मूसा अपने लोगन के बीच सेवा करबे में साजे हते, उन ने आगे आबेवारी सबरी बातें बता दईं।

- इब्रानियों 3:5 ပူးပေါင်းရင်းမြစ်များ

- नहेम्याह 9:14

उनहों पवित्तर बिसराम दिन कौ ज्ञान दओ, और अपने दास मूसा के द्वारा हुकम, बिधियां और ब्‍यवस्‍था दईं।

- मत्ती 24:45

ऐसो भरोसे वारो और समझदार चाकर को आय, जीहां ऊको मालक चाकरन के ऊपरै हाकिम धरै, कि सही बेरा पे उन हां खाबे हां दे।

- मत्ती 25:21

ऊके मालक ने ऊसे कई, हे भले और भरोसेमन्द चाकर, तें तनक में भरोसेमन्द रओ; मैं तोय बिलात बस्तन कौ हाकिम बना हों अपने मालक की खुसी में सामिल हो।

- लूका 12:42

यीशु ने कओ; बो बिसवास जोग और समजवारो भण्डारी को आय, जी कौ मालक ऊहां नौकर, चाकरों पे अधकारी ठैराए कि उन हां खैबे पीबे हां भोजन और सामान ठीक बेरा पे देबे।

- लूका 24:27

तब यीशु ने मूसा और सबरे आगमवकतन से शुरु कर के सबरे पवित्तर धरम पोथी में से, अपने बारे में लिखी भईं बातन कौ मतलब, उन हां समजा दओ।

- लूका 24:44

फिन यीशु ने उन से कओ, जे मोरी बे बातें आंय, जौन मैं ने तुमाए संग्गै रैत भए तुम से कईं हतीं, कि जरूरी आय, कि जितेक बातें मूसा की नैम व्यवस्था और आगमवकतन और भजनों की पोथी में, मोरे लाने लिखी आंय, सबरी पूरी होबें।

- यूहन्‍ना 5:39

तुम पवित्र शास्त्र में खोजत आव, कायसे तुम सोचत आव कि ऊ में अनन्त जीवन मिलत आय, और जे ओई आंय, जौन मोरे बारे में गवाही देत आय।

- प्रेरितन के काम 28:23

तब ऊके लाने एक दिना ठहराओ गओ, और बिलात जनें ऊ की रहबे की जांगा पे आए, ऊ ने परमेसुर के राज्य के बारे में सोचत भए, गवाही देके उनहां समझाओ, और भुनसारे से संजा लौ मूसा की रीति और आगमवक्तन की पोथियन से यीशु के बारे में उनहां समझाबे की कोसिस करत रहो।

- प्रेरितन के काम 7:37

जौ ओई मूसा आय, जीने इस्राएलियन से कओ; परमेसुर तुमाए भाईयन में से तुमाए लाने मोरे जैसो एक अगमवकता उठा है।

- रोमियों 3:21

परन्त अब नैम व्यवस्था से अलैदा परमेसुर की बो धार्मिकता उजागर भई आय, जी की गवाई नैम व्यवस्था और अगमवकता देत आंय।

- पैली कुरिन्थियों 4:2

फिन इते भण्डारी में जा बात तकी जात आय, कि बिसवास जोग कड़े।

- 1 तीमुथियुस 1:12

मैं अपने प्रभु यीशु मसीह को, धन्न मानत आंव जीने मोहां ऐसो बल दओ; कि उन ने मोपै बिसवास करके अपनी सेवा के लाने धरो।

- इब्रानियों 1:1

पेंला के दिन में परमेसुर ने हमाए बूढ़े बारन से तनक तनक और भांत भांत से आगमवकतन से बातें करीं।

- इब्रानियों 3:2

जीने उनहां पठैव हतो उनकी कही करी, जैसे मूसा ने अपने सबरे वंस के मान्सन की सेवा करी।

- इब्रानियों 3:4

कायसे घर को कोऊ तो बनईया होत आय, परन्त परमेसुर ने धरती को सब कछु बनाओ।

- इब्रानियों 8:5

कायसे धरती पै को तम्बू सरग पै के तम्बू की छाप आय, जब मूसा ने जो तम्बू बनाओ, तो ऐसो बनाओ जैसो ऊ ने पहरवा पै तको हतो।

- इब्रानियों 9:24

कायसे पिरभू यीशु मसीह ऊ पवित्तर जांगा में नईं गए, जौन सांचे पवित्तर जांगा को नमूना जैसो आय, बे तो सरग चले गए कि हमाए काजें परमेसुर के सामूं बने आंय।

- यहोशू 1:15

और जब यहोवा परमेसुर उनहों एैसो आराम दैहै जैसो ऊ तुमहों दै चुको आय, और बे सोई तुमाए यहोवा परमेसुर के दए भए देस के अधकारी हो जैहें; तब तुम अपने अधकार के देस में, जौन यहोवा परमेसुर के दास मूसा ने यरदन के ई पार पूरब कोद तुमहों दओ आय, लौटकें ईके अधकारी हुईयो।”

- यहोशू 1:2

“मोरो दास मूसा मर गओ आय; ई लाने अब तें उठ, ई पूरी परजा समेंत यरदन के ऊ पार होकें ऊ देस हों जा जीहों मैं ऊहों मतलब इस्राएलियन हों देत आंव।

- यहोशू 1:7

इतनों होए कि तें हिम्‍मत बांधकें और बेजा पक्‍को होकें जौन ब्‍यवस्‍था मोरे दास मूसा ने तोहों दई आय उन सबके अनसार करबे में चौकसी करियो; और ऊसें नें तौ दायने मुड़ियो और नें बांए, तब जितै-जितै तें जैहै उतै-उतै तोरो काम सफल हुईये।

- यहोशू 8:31

जैसो यहोवा परमेसुर के दास मूसा ने इस्राएलियन हों हुकम दओ हतो, और जैसो मूसा की ब्‍यवस्‍था की पोथी में लिखो आय, ऊने बिना बने पथरों की एक बेदी बनवाई जीपै लोहे कौ औजार नें चलाओ गओ हतो। ऊपै उनोंरन ने यहोवा परमेसुर के लाने होमबलि चढ़ाए और मेलबलि करे।

- यहोशू 8:33

बे का देसी, का परदेसी, सबरे इस्राएली अपने स्‍याने मान्‍सन, सरदारों और न्‍यायियों समेंत यहोवा परमेसुर की बाचा कौ बक्‍सा उठाबेवारे लेवीय याजकों के सामूं ऊ बक्‍सा के इतै उतै ठांड़े भए, मतलब आधे मान्‍सन तौ गिरिज्‍जीम पहड़वा के, और आधे एबाल पहड़वा के सामूं ठांड़े भए, जैसो कि यहोवा परमेसुर के दास मूसा ने पैलां सें हुकम दओ हतो कि इस्राएली परजा हों आर्सीवाद दए जाएं।

- यूहन्‍ना के दरसन कौ खुलासा 15:3

और बे परमेसुर के दास मूसा कौ गीत, और मेमने कौ गीत गाके कहत हते, कि हे महाबलि पिरभू परमेसुर, तोरे सबरे काज अदभुत आंय, हे जुग जुग के राजा, तोरी चाल सूदी और सांची आय।