- इब्रानियों 3:1 - Bundeli Holy Bible

¹ सो भईया हरौ, तुम सब उनके जनें आव, और यीशु मसीह हां जौन प्रेरित और हमाए महायाजक आएं ध्यान धरौ।

- इब्रानियों 3:1 ပူးပေါင်းရင်းမြစ်များ

- यूहन्‍ना 17:3

और अनन्त जीवन जौ आय, कि बे तोय जौन एकई सांचो परमेसुर और यीशु मसीह हां जानें, जीहां तेंने पठैव आय।

- यूहन्‍ना 20:21

यीशु ने फिन उन से कई, तुम हां सान्ति मिले; जैसे बाप ने मोय पठैव आय, वैसई मैं भी तुम हां पठैत हों।

- यूहन्‍ना 20:27

तब ऊ ने थोमा से कई, अपनी उंगरिया इते ला और मोरे हाथन हां तक और अपनो हाथ बढ़ाके मोरे पंजर में डाल और संका नईं कर पर भरोसा कर।

- प्रेरितन के काम 1:15

और उनई दिना में पतरस भईयन के संग्गै जौन एक सौ बीस के लगभग इकट्ठे जुड़े हते, ठांड़ो होकें कैन लगो।

- रोमियों 11:17

पर जदि कछु डालें कतर दईं गईं, और तें जौन जंगली जैतून आय ऊ में सांटो गओ, और असली जैतून की जड़ की चिकनाई को हींसावारो बनो आय।

- रोमियों 15:27

उन हां भलो तो लगो, पर बे उन के करजदार सोई आंय, कायसे दूसरी जातवारे उन की आत्मिक बातन में संग्गी भए, तो उनहां सोई साजो भलो लगो, कि उन की रुपईया पईसा से मदद करें।

- रोमियों 15:8

ई लाने मैं कैत आंव, कि जौन कौल करार बाप दादन से करे गए हते, उन हां पक्को करबे के लाने मसीह, परमेसुर की सच्चाई कौ प्रमाण देबे के लाने खतना करे भयन कौ दास बनो।

- रोमियों 9:24

जाने कि हम पे जिन हां ऊ ने अकेले यहूदियन में से नईं, पर दूसरी जातन में से सोई बुलाओ।

- पैली कुरिन्थियों 1:2

परमेसुर की ऊ समाज के नाओं जौन कुरिन्थुस में आय, जाने कि उन के नाओं जौन मसीह यीशु में पवित्तर करे गए आंय, और जौन पवित्तर होबे हां बुलाए गए आंय, और उन सबरन के नाओं जौन अपनी अपनी जांगा पिरभु यीशु के नाओं से बिन्तवाई करत आंय।

- पैली कुरिन्थियों 10:17

ई लाने कि एकई रोटी आय, सो हम सोई जौन बिलात आंय, एक देयां आंय: कायसे हम सबरे ओई रोटी में से खात आंय।

- पैली कुरिन्थियों 9:23

मैं सब कछु भले सन्देसे के लाने करत आंव, कि मैं दूसरन कौ संग्गी बन जाओं।

- दूसरी कुरिन्थियों 1:7

हमाई आस तुमाए लाने बड़ी आय, कायसे हम हां पता आय, कि जैसो दुख तुम हां मिलत ऊं सई सान्ति सोई जुड़त आय।

- दूसरी कुरिन्थियों 9:13

कायसे इन काजन की चरचा करके परमेसुर बड़वाई करत आंय, कि तुम मसीह के बचनन हां मानके ऊ को कहो करत आव, और सबरन की मदद करबे में आगे रैत आव।

- इफिसियों 3:6

कि मसीह यीशु में बचन सुनके अन्यजाति लोग सोई मिलबेवारे हक्क में सोंजिया हुईयें, और एकई देह और प्रतिज्ञा के संग्गी हुईयें।

- इफिसियों 4:1

मैं जौन पिरभू में बंधुआ आंव तुम से बिन्तवाई करत आंव, कि जी काजें तुमाओ बुलऊ आ भओ आय, ऊ की जैसी चाल चलो।

- इफिसियों 4:4

एकई देह आय, और एकई आत्मा; जैसे तुम हां जौन नेवता मिलो हतो अपने बुलाए जैबे से एकई आसा आय।

- फिलिप्पियों 3:14

मैं आगे हां निसाने पै पहुंचबे हां बढ़ो चलो जात आंव, कि ऊ इनाम पाओं, जीके काजें पिरभू ने मोहां बुलाओ आय कि मोहां सरग पौचाबे।

- कुलुस्सियों 1:12

मोरी चाहना आय कि तुम पिता परमेसुर को धन्न मानो, कि उन ने तुम हां अपनेवारन में जोड़ के उजयारे वारे बना दए।

- कुलुस्सियों 1:22

जीसे तुम हां अब पवित्तर बनाके, बिन खोट करो कि तुम परमेसुर के सामूं ठांड़े हो सको।

- कुलुस्सियों 3:12

परमेसुर ने तुम से प्रेम करो और तुम हां पवित्तर करके अपने लोगन में जोड़ लओ आय, सो तुम दया करबेवारे, दीन, और भलो करबेवारे और धीरज धरबेवारे बनो।

- 1 थिस्सलुनीकियों 2:12

कि तुमाओ जीवन जैसो परमेसुर चाहत आय ऊं सो होबै, जीने तुम हां अपने राज में बुलाओ आय।

- 1 थिस्सलुनीकियों 5:27

मैं पिरभू में तुम हां अग्यां देत आंव, कि जा चिठिया सबरे भईयन के बीच बांची जाबै।

- 2 थिस्सलुनीकियों 1:11

सो हम लग के तुमाए काजें बिन्तवारी करत आंय, कि हमाओ परमेसुर तुम हां ई बुलऊ आ के लाक माने, और अपने बल से अपनी काम करबे की भली इच्छा, और बिसवास के कामन से पूरो करे।

- 2 थिस्सलुनीकियों 2:14

उन ने तुम हां हमाए बचन सुनाबे से अपने लौ बुलाओ, कि तुम हमाए पिरभू यीशु मसीह, बो जौन मान सम्मान दओ गओ आय ऊ में हम सोई जुड़ जाबें।

- 1 तीमुथियुस 6:12

बिसवास की अच्छी कुस्ती लड़; और ऊ अनन्त जीवन को धर ले, जीके लाने तें बुलाओ गओ, और बिलात गवाह के सामूं अच्छो स्वीकार करो हतो।

- 1 तीमुथियुस 6:2

और जिन के मालक बिसवासी आंय, इन हां बे भईया होबे के कारन तुच्छ न जानें; बल्कि उन की और भी सेवा करें, कायसे ईसे लाभ उठाबेवारे बिसवासी और प्रेमी आंय: इन बातन के लाने उपदेस करियो और समझात रहियो।

- 2 तीमुथियुस 1:9

जीने हमाओ तरन तारन करो, और हम हां अपनौ बना लओ, जौ हमाए पुण्य के कामन से नईंयां; परन्त परमेसुर की दया से भओ आय।

- 2 तीमुथियुस 2:7

मोरी बातन पै ध्यान धर, और पिरभू तोहां सबरी बातन की समझ दै है।

- इब्रानियों 10:19

सो भईया हरौ, पिरभू यीशु मसीह के रकत के जोर से महापवित्तर जांगा में जाबे को हियाव हो गओ आय।

- इब्रानियों 10:21

और हमाओ ऐसो बड़ो याजक आय, जो परमेसुर के घर को मुखिया आय।

- इब्रानियों 10:23

और हमाई जौन आसा आय ऊहां कर्रे से पकड़े रओ, जीने अपन हां जा आसा दई आय, बो सांचो आय।

- इब्रानियों 13:22

भईया हरौ, मैं तुम से बिन्तवाई करत आंव, कि जौन बातें मैंने तुम हां लिखी आंय उन पै ध्यान धरियो।

- इब्रानियों 2:11

कायसे पिरभू यीशु मसीह और जौन उनके द्वारा परमेसुर के लरका बिटिया बने, एकई बीज में से आंय; ऐई से बे अपने भईयन हां भईया और बहन कैत आंय।

- इब्रानियों 2:17

ईसे ऊ हम जैसो बनबे आओ, कि बो परमेसुर के सामूं हमाए काजें एक दयालू और बिसवास धरबे लाक महायाजक होबै; कि बो मान्सन के पापन को भरना भरें।

- इब्रानियों 3:12

सो भईया हरौ, चेतो और बुरई बातन में न लगो, जीसे तुम परमेसुर से भटक जाओ।

- इब्रानियों 3:14

जब से हम ने पिरभू यीशु मसीह से मन लगाओ, उनईं बातन पै बने रओ चईये।

- इब्रानियों 6:20

पिरभू यीशु मसीह हमाए आंगू गए आंय, जैसे मलिकिसिदक सबरे दिना हां हमाओ याजक हतो, ऊं सई यीशु मसीह सोई हमाए याजक आंय।

- इब्रानियों 7:26

हम हां ऐसई महायाजक चानें हतो, जौन पवित्तर, सूदे और बिना पाप के होबें, और पापी मान्सन जैसे न होबें, परन्त सरग लौ ऊंचे उठे होबें।

- इब्रानियों 7:28

कायसे मूसा के नैम से जौन याजक बनाए जात हते बे मान्सन घांई कमजोर हते; परन्त बा बात जौन मूसा के नैम के बाद आई, जीने उनसे अपने लरका पिरभू यीशु मसीह हां याजक बना दओ, जौन अच्छे याजक कड़े।

- इब्रानियों 9:11

परन्त पिरभू यीशु मसीह ई संसार की अच्छी बस्तन को महायाजक होकें आओ, सो बे अबई से बढ़िया तम्बू जौन मान्स के हाथन की बनी नईंयां, मानो ई संसार जैसो नईंयां।

- इब्रानियों 9:15

पिरभू यीशु मसीह ने उन हां बनाओ, जीने पुराने नैम हां नईं मानो अब उन ने नए नैम से अपने लाने मान्सन हां बुलाओ, कि बे सरग की जायजाद के मालक हो जाबें।

- 1 पतरस 2:9

पर तुम एक नबेरो भओ वंस, और राजपद अधकारी, याजकन कौ समाज, और पवित्तर लोग, और पवित्तर मान्स और परमेसुर की निज परजा आव, ई लाने कि जीने तुम हां अंधयारे में से अपनी जोत में बुलाओ आय, ऊके गुण परगट करो।

- 1 पतरस 3:5

और पेंला के टैम की पवित्तर बईयरें सोई, जौन परमेसुर पे आसा राखत हतीं, अपने आप हां ऐई भांत से संवारती और अपने मन्सेलू की अग्यां में रैत हतीं।

- 1 पतरस 5:1

तुम में जौन धार्मिक बूढ़े आंय, मैं उनईं घांई धार्मिक बूढ़ों और मसीह की पीड़ाओं को गवाय और उजागर होबेवारी मईमां में संगसाथी होकें जा विनय करत आंव।

- 1 पतरस 5:10

अब परमेसुर जौन सबरी दया कौ दाता आय, जीने तुम हां मसीह में अपनी सदा की मईमा के लाने बुलाओ आय, तुमाए तनक बेरा लौ पीड़ा उठाबे के पाछें खुद तुम हां सिद्ध, पक्को, सकतीवान और पक्को कर है।

- 1 यूहन्‍ना 1:3

जो कछु हम ने तको और सुनो बेई बातें तुम हां बतात आंय, कि तुम सोई इन बातन में बिसवास धरौ; कि हमाओ जोड़ परमेसुर, और उनके बेटा यीशु मसीह से आय।

- यहूदा 1:1

चिठिया लिखी यहूदा ने जौन यीशु मसीह को सेवक और याकूब को भईया आय, उन हां जौन परमेसुर के प्यारे और पिरभु यीशु मसीह में बचाय गए और बुलाए गए आंय।

- यूहन्‍ना के दरसन कौ खुलासा 17:14

जे मेमने से लड़ हैं, और मेमना जीत है; कायसे बो प्रभुओं कौ पिरभू, और राजाओं कौ राजा आय: और जो बुलाए भए, और चुने भए, और बिसवासी उनके संग्गै आंय, बे सोई जय पा हैं।

- यूहन्‍ना के दरसन कौ खुलासा 18:20

हे सरग और धरती पै रैवेबारे लोगो, प्रेरितन और अगमवकता, ऊ पे मजा करो, कायसे परमेसुर ने तुमाओ बदला ऊसे ले लओ।