- इब्रानियों 2:9 - Bundeli Holy Bible

⁹ यीशु मसीह हां सरगदूतन के तनकई कम करो गओ हतो, पर मृत्यु कौ दुख उठाबे के कारन मइमा और आदर कौ मुकुट पहने देखत आंय; परन्त परमेसुर की दया से हरएक मान्स के लाने मौत कौ स्वाद चीखे।

- इब्रानियों 2:9 ပူးပေါင်းရင်းမြစ်များ

- उत्पत्ति 3:15

मैं तोरे और ई बईयर के मजारें, और तोरे बंस और ईके बंस के मजारें बैर पैदा कराहों; ऊ तोरी मूंड़ हों कुचल डालहै, और तें ऊकी ऐड़ी हों डसहै।”

- मत्ती 16:28

मैं तुम से सांची कहत आंव, कि जो इते ठांड़े आंय, उन में से कितेक ऐसे आंय; कि जब लौ मान्स के पूत हां ऊके राज्य में आत भए न हेर लै हैं, तब लौ मृत्यु कौ सुवाद कभऊं न चीख हैं।

- मत्ती 6:28

उन्ना के लाने तुम काए चिन्ता करत आव? हार के फूलन हां हेरो, कि बे कैसे बढ़त आंय, बे न तो मेहनत करत आंय, और न कातत आंय।

- मरकुस 9:1

और ऊ ने उन से कओ; मैं तुम से सांची कैत आंव, कि जौन इतै ठांड़े आंय, उन में से कैऊ ऐसे आंय, कि जब लौ परमेसुर के राज्य हां ताकत के संग्गै आओ भओ न तक लें, तौ लौ मौत को स्वाद बिल्कुल न चख हैं।

- लूका 9:27

मैं तुम सब से कैत आंव, कि जौन इते ठांड़े आंय, उन में से कछु ऐसे आंय, कि जब लौ परमेसुर कौ राज न तक लेबें, उन हां मौत न आ है।

- यूहन्‍ना 1:29

दूसरे दिना ऊ ने यीशु हां अपनी कोद आत तक के कई, हेरो, परमेसुर को मेमना आय, जौन जगत कौ पाप उठा लै जात आय।

- यूहन्‍ना 10:17

बाप ई लाने मोसे प्रेम करत आय, कि मैं अपनो प्राण देत आंव, कि ऊहां फिन ले लेओं।

- यूहन्‍ना 12:32

और जदि मैं धरती पे से ऊ परे हां चढ़ाओ जै हों, तो सब हां अपने ऐंगर खेंच लै हों।

- यूहन्‍ना 3:16

कायसे परमेसुर ने जगत से ऐसो प्रेम करो, कि ऊ ने अपनो एकलौतो पूत हां दे दओ, कि जो कोऊ ऊ पै भरोसा करे, बो नास न होय, बरन अनन्त जीवन पाबै।

- यूहन्‍ना 8:51

मैं तुम से सांची सांची कहत आंव, अगर कोऊ मोरो बचन कौ पालन कर है, तो बो कभऊं मृत्यु हां न तक है।

- यूहन्‍ना 8:52

यहूदियन ने ऊसे कई, अब हम जान गए आंय कि तो में दुष्ट आत्मा आय: इब्राहीम मर गओ, और अगमवकता सोई मर गए और तें कहत आय, कि अगर कोऊ मोरे बचन कौ पालन कर है, तो बो कभऊं मृत्यु कौ स्वाद नईं चख है।

- प्रेरितन के काम 2:33

ई तरहां परमेसुर के दाहिने हाथ से ऊं चो पद पाके, और बाप से बा पवित्र आत्मा पाके जीकी कौल की गई हती, ऊ ने जौ उण्डेल दओ आय जो तुम तकत और सुनत आव।

- प्रेरितन के काम 3:13

इब्राहीम और इसहाक और याकूब के परमेसुर, हमाए पुरखन के परमेसुर ने अपने सेवक यीशु की मईमा करी, जीहां तुम ने पकड़वा दओ, और जब पीलातुस ने ऊहां छोड़ देबे कौ विचार करो, तब तुम ने ऊके सामूं ऊकौ इन्कार कर दओ।

- रोमियों 5:18

ई लाने जैसो एक पाप सबरे मान्सन के दण्ड़ के हुकम कौ कारन बनो, ऊंसई एक धर्म कौ काम सोई सबरे मान्सन के लाने जीवन के लाने धरमी ठैराए जाबे कौ काज भओ।

- रोमियों 5:8

परन्त परमेसुर हम पे अपने प्रेम की भलाई ई भांत से उजागर करत आय, कि जब हम पापी हते तबई मसीह हमाए लाने मरो।

- रोमियों 8:3

कायसे जौन काज नैम व्यवस्था देयां के काजें कमजोर होकें न कर सकी, ऊहां परमेसुर ने करो, जाने कि अपने पूत हां पापवारी देयां कौ रूप देके, पापबलि होबे के लाने पठैओ, देयां में पाप पे दण्ड कौ हुकम दओ।

- रोमियों 8:32

जीने अपने निज पुत्तर हां सोई न रख छोड़ो, पर उए हम सब के लाने दे दओ: बो ऊके संग्गै हम हां और सबई कछु काय न दै है।

- दूसरी कुरिन्थियों 5:15

और बे ईसे सबरन के काजें मरे, कि जौन जीयत आंय, बे आगे हां अपने लाने न जीये अकेले उनके लाने जौन उनकी कोती मरो और फिन जी सोई गए।

- दूसरी कुरिन्थियों 5:21

जौन पाप जानत लौ न हते, उनईं के ऊ परै उन ने हमाए पाप डाल दए, कि उन से हम सबरे जनें परमेसुर के लाने धरमी हो जाबें।

- गलतियों 4:4

अकेले जब समय पूरो भओ, तो परमेसुर ने अपने पुत्र हां पठैओ, जो स्त्री से जन्मो, और नैम के आधीन भओ।

- 1 तीमुथियुस 2:6

जीने अपने प्राणन हां सबके तरन तारन के लाने दे दओ; जी की गवाह ठीक बेरा पै दई गई।

- इब्रानियों 1:9

तेंने धरम से प्रेम करो और अधरम से बैर रखो; ईसे तुमाए परमेसुर ने तुम हां तुमाए सबरे दोस्तन से अधिक खुस करो।

- इब्रानियों 10:5

ऐई से जब उन ने देह धारन करी तो कहो, कि बलदान और भेंट तुम ने नईं मांगी।

- इब्रानियों 11:5

हनोक सोई बिसवास धरें हतो ईसे बो जीयत उठा लओ गओ, कि न मरै, कायसे परमेसुर ने ऊहां उठा लओ, ऊके उठाए जाबे के पेंला ऐसो कैत हते कि हनोक के जीवन से परमेसुर खुस हते।

- इब्रानियों 12:2

और हम अपनी नजर हां यीशु मसीह पै लगाबें; जौन हमें आगे लै चलत आय, जिन ने क्रूस पै चढ़ाए जाबे की निन्दा सई; और आज मजे से अपने बाप के संग्गै सरग में सिंहासन पै बिराजे आंय।

- इब्रानियों 2:7

तेंने मान्स हां सरगदूतन से तनकई हलको बनाओ; तेंने मान्स हां जस और आदर को मुकुट दओ, और अपने बनाए संसार पै राज करबे कौ मौका दओ।

- इब्रानियों 7:25

सो जौन पिरभू यीशु मसीह पै बिसवास धरके परमेसुर लौ पोंच हैं; बे उनको पूरो पूरो तरन तारन करत आय, और परमेसुर के सामूं उनके लाने बिन्तबारी करत आंय।

- इब्रानियों 8:3

कायसे याजक भेंट और बलिदान करत हते, ईसे पिरभू यीशु मसीह लौ सोई कछु चढाबे हां होबो चईये।

- 1 पतरस 1:21

जौन ऊके द्वारा ऊ परमेसुर पे बिसवास करत आव, जीने ऊहां मरे भयन में से जिलाओ, और मईमां दई; कि तुमाओ बिसवास और आस परमेसुर पे होबै।

- 1 यूहन्‍ना 2:2

पिरभु यीशु मसीह में ही हमाए पापन की क्षिमा आय; और हमाए अकेले नईं, परन्त संसार के सबरे जनन की।

- यूहन्‍ना के दरसन कौ खुलासा 19:12

ऊ की आंखें आगी जैसी आंय: और ऊके मूड़ पै मुतके राजमुकुट आंय; और ऊ को एक नाओं लिखो आय, जीहां ऊके छोड़ और कोऊ नईं जानत।

- यूहन्‍ना के दरसन कौ खुलासा 5:9

और बे सबरे जौ नओ गाना गान लगे, कि तें ई किताब हां लैबे और ऊ की मुहरें खोलबे जोग आय; कायसे तेंने अपने बलदान के रकत से सबरे कुल, और बोली, और लोगन, और जातियन में से परमेसुर के लाने मान्सन हां मोल ले लओ आय।