- इब्रानियों 2:1 - Bundeli Holy Bible

¹ हम हां चईये कि जौन बातें हम ने सुनी आंय, और मन लगाओ, उनहां पकड़े रओ कि हम भटक के दूर न चले जाबें।

- इब्रानियों 2:1 ပူးပေါင်းရင်းမြစ်များ

- पैलो इतिहास 22:13

तें तब सफल हुईयै जब उन बिधियों और नियमों पै चलबे की चौकसी करहै, जीकौ हुकम यहोवा परमेसुर ने इस्राएल के लाने मूसा हों दई हती। हिम्‍मत बांध और पक्‍कौ हो, डराईयो नें; और तोरो हिया कच्‍चो नें होए।

- मत्ती 16:9

का तुम अबै लेओ नईं समजे? कि जब पांच हजार मान्सन के लाने पांच रोटियां हतीं, तो तुम ने कितेक टुकना उठाए हते?

- मरकुस 8:18

का तुमाओ मन कर्रो हो गओ आय? का आंखें राखत भए भी नईं तकत, और कान राखत भए भी नईं सुनत? और तुमें याद नईंयां।

- लूका 8:15

पर साजे खेत के बे आंय, जौन बचन सुनके भले और अच्छे हिये में संभालें रैत आंय, और धीरज से फल लात आंय।

- लूका 9:44

सो जब सबरे मान्स उन सबरे कामन से जौन यीशु करत हतो, चकित हते, तो ऊ ने अपने चेलन से कओ; जे बातें तुमाए कानन में पड़ी रएं, कायसे मान्स कौ पूत मान्सन के हाथ में पकड़वाए जाबे हां आय।

- यूहन्‍ना 8:59

तब उन ने ऊहां मारबे के लाने पत्थरा उठाए, परन्त यीशु लुक के मन्दर से बायरें कड़ गओ।

- इब्रानियों 12:5

तुम बिसर गए आव कि पोथी में ऐसो लिखो हतो, कि पिरभू की बातन हां हलके न लेओ, और बो जब तुम हां सुधारे तो हिम्मत न हारियो।

- 2 पतरस 1:15

ई लाने मैं ऐसो जतन कर हों, कि मोरे सिधार जाबे के पाछें तुम इन बातन हां सदा सुमरन कर सको।

- 2 पतरस 3:1

हे प्यारे भईया हरौ, अब मैं तुम हां दूसरी चिठिया लिख रओ आंव, मैं ने दोई चिठियन में सुमरन कराके तुमाए सुद्ध हिये हां उस्केरो आय।