- इब्रानियों 13:4 - Bundeli Holy Bible

⁴ ब्याव हां आदर की बात सोचो, और ब्याव में अपनी संग्गी हां धोखो न दईयो; कायसे एक दिना परमेसुर परतिरिया संगत करबेवारन को न्याय कर हैं।

- इब्रानियों 13:4 ပူးပေါင်းရင်းမြစ်များ

- उत्पत्ति 2:21

तब यहोवा परमेसुर ने आदम हों भारी नींद में डाल दओ, और जब ऊ सो गओ तब ऊने ऊकी एक पसली काड़कें ऊकी जागां मांस भर दओ।

- उत्पत्ति 2:24

ई कारन मान्‍स अपने मताई-बाप हों छोड़कें अपनी घरवारी सें मिलो रैहै, और बे एकई तन बने रैहें।

- पैली कुरिन्थियों 5:13

बायरेंवारन कौ न्याय परमेसुर करत आय: ई लाने ऊ कुकर्मी हां अपने बीच से काड़ दो।

- पैली कुरिन्थियों 6:18

व्यभिचार से बरके रओ: जितेक और पाप मान्स करत आय, बे देयां के बायरें आंय, परन्त व्यभिचार करबेवारो अपनी ई देयां के बिरोद में पाप करत आय।

- पैली कुरिन्थियों 6:9

का तुम हां पता नईंयां, कि जौन न्याव बिलोरत आंय बे परमेसुर के राज में न जा पा हैं? ई धोखे में न रईयो, न बेश्या से संगतवारे, न मूर्ती पूजा करबेवारे, न दूसरे की तिरिया से संगत करबेवारे, न लुच्चे, न लुगुवा लुगुवा से संगत करबेवारे।

- पैली कुरिन्थियों 7:38

सो जौन अपनी कुंआरी कौ ब्याओ कर देत आय, बो साजो करत आय, और जौन ब्याओ नईं करत, ऊ सोई साजो करत आय।

- पैली कुरिन्थियों 9:5

का हम हां जौ अधकार नईंयां, कि कोई मसीही बिन्नु हां ब्याओ कर के लएं फिरें, जैसो और चेले और पिरभु के भाई और कैफा करत आंय?

- दूसरी कुरिन्थियों 5:10

कायसे हम सबरन की सबरी बातें मसीह जब न्याय करबे बैठ हैं तो खुल जै हैं, एक एक जनें अपने भले और बुरय कामन को इनाम जौन संसार में रैत करे आंय पाबें।

- गलतियों 5:19

मन के काज ऐसे आंय, जैसे परतिरिया संगत, गन्दे काम, लुच्चाई।

- गलतियों 5:21

दूसरन को बुरओ चाहबो, नसा करबो, नांच, राई, और ऐसई बुरय काम, इनके लाने मैं पेंला से कैत आंव, जैसो पेंला सोई कहो हतो, कि ऐसे काम करबेवारे ईसुर के राज में हक्कदार नईं हुईयें।

- इफिसियों 5:5

कायसे तुम हां पता आय, कि कोऊ परतिरिया संगत करबेवारो, कि गन्दो मान्स, और लोभी मान्स, जौन मूरतें पूजा करबेवारे जैसो आय, मसीह और परमेसुर के राज्य में हींसा न हुईये।

- 1 थिस्सलुनीकियों 4:6

ई बात में कोई अपने भईया हां न ठगे, और न ऊ की भली मंसा को गलत फायदा उठाए, परमेसुर ऐसे मान्स हां उनके पापन के लाने दण्ड दै है; जैसो हम ने पेंला बता के चिता दओ हतो।

- 1 तीमुथियुस 3:12

सेवक एकई बईयरन को मुन्स होबै, और लड़का वारन और अपने घर को अच्छे से धरबो जानें।

- 1 तीमुथियुस 3:2

सो मुखिया बिन दोसवारो एकई बईयर को मुन्स, संयमी, अपने हां बस में रखबेवारो, सीधो, अच्छो, पहुनाई करबेवारो, और सिखाबे में अच्छो होबै।

- 1 तीमुथियुस 3:4

अपने घर हां संवारबेवारो, और लड़का बारन हां ठीक से अपने अधीन रखबेवारो होबै।

- 1 तीमुथियुस 4:3

जे ब्याव करबे से रोक हैं, और कह हैं कि खैबे की कछु बस्तन से दूर रओ, परन्त परमेसुर ने उन बस्तन हां ई लाने बनाई आंय कि बिसवासी जनें, और सांचे हां चीनबेवारे उन हां परमेसुर को धन्न मानके खाबें।

- 1 तीमुथियुस 5:14

मैं जौ कैत आंव कि जुआन बिधवाएं ब्याओ करें; और लरका बिटिया जन के अपनो घर बार देखें, कि कोई उनहां भलो बुरो न कैबे।

- तीतुस 1:6

प्राचीन बिन खोट एकई बईयर राखबेवारो होबै, और उनके बाल बच्चा पिरभु पै बिसवास करबेवारे होबें, और ऊ धनी न होबे परन्त कई करबेवारे होबै।

- इब्रानियों 12:16

एसव घांई बुरओ और अधरमी मान्स न कड़े, जीने तनक से भोजन के लाने अपनी आबेवारी आसीस हिरा दई।

- यूहन्‍ना के दरसन कौ खुलासा 22:15

परन्त कुत्ता, और टोना टोटका करबेवारे, परतिरिया संगत करबेवारे, हत्या करबेवारे, मूर्ती पूजा करबेवारे, और झूठ बोलबे की चाहना करबेवारे और झूट बनाबेवारे बायरें रै हैं।