- इब्रानियों 12:3 - Bundeli Holy Bible

³ सो यीशु मसीह पै ध्यान करो, जीने अपने लाने पापियन से बुरई बातें सुनी, कि जब मान्सन तुमाए लाने कछु कएं तो हिम्मत न हारियो।

- इब्रानियों 12:3 ပူးပေါင်းရင်းမြစ်များ

- मत्ती 11:19

मान्स कौ पूत खात पीयत आओ, और बे कहत आंय कि हेरो, पेटू और पियक्कड़ मान्स, चुंगी लेबेवारन और पापियन कौ संगी, पर बुद्धि अपने कामन से सांची ठहराई गई आय।

- मत्ती 12:24

पर जब फरीसियन ने जौ सुनो तो कई, जौ तो दुष्तआत्मन हां ऊके मुखिया शैतान की मदद से काड़त आय।

- मत्ती 15:2

तोरे चेले पुरखन की रीतियन हां काय नईं मानत आंय, बे तो रोटी खाती बेरा हाथ नईं धोत?

- मत्ती 21:23

जब बो मन्दर में आके सन्देस दे रओ हतो, तो महायाजकन और पुरनियन ने ऊके ऐंगर आके कई, कि तें जौ काम कौन अधकार से कर रओ आय? और कीने तोय जौ हक दओ आय?

- मत्ती 21:46

और उन ने ऊहां पकड़बो चाहो, तो बे भीड़ से डरा गए कायसे लोगबाग ऊहां आगमवकता मानत हते।

- मत्ती 22:15

तब फरीसियन ने जाके आपस में विचार करो, कि ऊहां की तरहां बातन में फंसाएं।

- लूका 14:1

फिन यीशु सब्त के दिना धरम पण्डतन के मुखियन में से कोऊ के घरै रोटी खाबे गओ: और बे औरें ऊ की ताक में हते।

- लूका 15:2

और धरम पण्डत और शास्त्र पण्डत कुड़कुड़ा के कै न लगे, कि जौ तो अधरमी मान्सन से मिलत आय और उन के संग्गै खात सोई आय।

- लूका 16:14

धरम पण्डत जौन लोभी हते, यीशु की सबरी बातें सुन के ताने मार के ऊ की हंसी करन लगे।

- लूका 2:34

तब शमौन ने ऊहां आशीष देके, ऊ की मताई मरियम से कई; तक, बो तो इस्राएल में बिलात जनन के गिरबे, और उठबे के लाने, और एक ऐसो चिन्ह होबे हां ठैराओ गओ आय, जी के बिरोद में बातें कई जै हैं।

- लूका 5:21

तब धरम ज्ञानी और धरम शिक्षक बतकाओ करन लगे, जौ को आय, जो परमेसुर हां निंदरत आय? परमेसुर हां छोड़ को पापन हां छिमा कर सकत आय?

- यूहन्‍ना 10:20

और उन में से बिलात लोग कहन लगे, ऊ में दुष्ट आत्मा आय, और बो पागल आय; तुम ऊ की काय सुनत आव?

- यूहन्‍ना 18:22

जब ऊ ने जा कई, तो ऐंगर ठांड़े सिपाहियन में से एक ने जा कहत भय, ऊहां ठूंसा मारो, तें महापुरोहित से ऐंसो बोलत आय?

- यूहन्‍ना 5:16

ईसें यहूदी लोग यीशु हां परेसान करन लगे, कायसे बो जे काम सब्त के दिन करत हतो।

- यूहन्‍ना 7:12

और भीड़ ऊके बारे में कुड़कुड़ान लगी, कछु लोग कह रए हते; बो भलो मान्स आय, दूसरे कह रए हते; नईं, बो लोगन हां भरमात आय।

- यूहन्‍ना 8:13

फरीसियन ने ऊसे कई; तें अपनी गवाही खुद दे रओ आय; तोरी गवाही सांची नईंयां।

- यूहन्‍ना 8:52

यहूदियन ने ऊसे कई, अब हम जान गए आंय कि तो में दुष्ट आत्मा आय: इब्राहीम मर गओ, और अगमवकता सोई मर गए और तें कहत आय, कि अगर कोऊ मोरे बचन कौ पालन कर है, तो बो कभऊं मृत्यु कौ स्वाद नईं चख है।

- यूहन्‍ना 8:59

तब उन ने ऊहां मारबे के लाने पत्थरा उठाए, परन्त यीशु लुक के मन्दर से बायरें कड़ गओ।

- यूहन्‍ना 9:40

फरीसियन में से कछु ऊके संग्गै हते, जे बातें सुनके उन ने ऊसे कई, का हम भी अन्धरे आंय?

- पैली कुरिन्थियों 15:58

सो हे मोरे प्यारे भईया हरौ, पक्के बने रओ, और पिरभु के काम में बढ़त जाओ, कायसे कि जानत आव, कि तुमाई मैनत पिरभु में अकारथ नईंयां।

- दूसरी कुरिन्थियों 4:1

सो जब हम पै ऐसी दया भई, कि ऐसो काज हम हां मिलो, तो हम हिम्मत नईं हारत।

- दूसरी कुरिन्थियों 4:16

ईसे हम हिम्मत नईं हारत; जैसे हमाओ सरीर टूटत जात आय; अकेले हमाए भीतर वालो रोजीना नओ होत जात आय।

- गलतियों 6:9

भलो करबे में हिम्मत न हारो, कायसे हम ढिलयाए न, तो अपनी बेरा पे कटनी काट हैं।

- 2 थिस्सलुनीकियों 3:13

परन्त भईया हरौ, तुम दूसरन की मदद करबे में हिम्मत न हारियो।

- इब्रानियों 12:2

और हम अपनी नजर हां यीशु मसीह पै लगाबें; जौन हमें आगे लै चलत आय, जिन ने क्रूस पै चढ़ाए जाबे की निन्दा सई; और आज मजे से अपने बाप के संग्गै सरग में सिंहासन पै बिराजे आंय।

- इब्रानियों 12:5

तुम बिसर गए आव कि पोथी में ऐसो लिखो हतो, कि पिरभू की बातन हां हलके न लेओ, और बो जब तुम हां सुधारे तो हिम्मत न हारियो।

- इब्रानियों 3:1

सो भईया हरौ, तुम सब उनके जनें आव, और यीशु मसीह हां जौन प्रेरित और हमाए महायाजक आएं ध्यान धरौ।

- 1 पतरस 2:23

बो गाली सुन के गाली न देत हतो, और पीड़ा झेल के कोऊहां सोई धौंस न देत हतो, पर अपने आप हां सांचे न्यायी के हाथ में सौंपत हतो।

- यूहन्‍ना के दरसन कौ खुलासा 2:3

तें धीरज धरत आय, और मोरे नाओं के लाने दुख उठात उठात थकत नईंयां।