- इब्रानियों 11:6 - Bundeli Holy Bible

⁶ बिसवास बिना परमेसुर खुस नईं होत, कायसे जौन परमेसुर लौ आत आय ऊहां बिसवास धरो चईये, कि परमेसुर सांचे आंय; और जौन उन हां ढूढ़त है ऊहां बे मिलत आंय।

- इब्रानियों 11:6 ပူးပေါင်းရင်းမြစ်များ

- उत्पत्ति 15:1

इन बातों के बाद यहोवा परमेसुर कौ जौ सन्देस सपने में अब्राम के लिगां पोंचो: “हे अब्राम, नें डर; तोरी ढाल मैं आंव और तोरो प्रतिफल बेजा बड़ो हुईए।”

- पैलो इतिहास 28:9

“हे मोरे मोंड़ा सुलैमान! तें अपने बाप के यहोवा परमेसुर कौ ध्‍यान रख, और खरे हिया और खुसी सें ऊकी सेवा करत रै; कायसे यहोवा परमेसुर हिया हों जांचत और बिचार में जो कछु पैदा होत आय ऊहों समझत आय। जदि तें ऊकी खोज में रए, तौ ऊ तोहों मिलहै; परन्‍त तें ऊहों छोड़ दैहै तौ ऊ हमेसा के लाने तोहों छोड़ दैहै।

- मत्ती 11:26

हओ, हे बाप, कायसे तोहां जौई अच्छो लगो।

- मत्ती 5:12

खुस और मगन हुईयो कायसे स्वर्ग में तुमाए लाने बड़ो फल धरो है, उन ने तो उन आगमवकता हां भी जौन तुम से पेंला हते ऐई तरहां सताओ हतो।

- मत्ती 6:16

जब तुम उपास करौ, तो कपटियन घांई तुमाए मों पे उदासी नईं दिखै, कायसे बे अपनो मों बनाए रहत आंय, जीसे मान्स उन हां उपासो जानें; मैं तुम से सांची कहत आंव, कि बे अपनो फल पा चुके।

- मत्ती 6:33

ई लाने पेंला परमेसुर के राज्य और धर्म हां खोजो तो जे सब बस्तें भी तुम हां मिल जै हैं।

- मत्ती 6:5

जब तें बिन्तवाई करे, तो कपटियों जैसो न बन कायसे मान्सन हां दिखाबे के लाने सभाघरन और गैलों के मोड़ पे ठांड़े होकें बिन्तवाई करबो उन हां उमदा लगत आय; मैं तुम से सांची कैत आंव, कि बे अपनो फल पा चुके।

- मरकुस 16:17

और बिसवास करबे वालन में जे निसानी हुईयें कि बे मोरे नाओं से बुरई आत्मन हां निकाल हैं।

- लूका 12:31

पर ऊके राज की खोज में रओ, तो जे बस्तें सोई तुम हां मिल जै हैं।

- लूका 6:35

पर अपने बैरियन से प्रेम राखौ, और भलाई करौ: और फिन वापस पाबे की आस न राख के उधार देओ; तो तुमाए लाने बड़ो इनाम हुईये: और तुम परम परधान के बालबच्चा ठैर हौ, कायसे बो उन पे जो धन्नवाद नईं करत और बुरए जन पे सोई दया करत आय।

- यूहन्‍ना 14:6

यीशु ने ऊसे कई, गैल, सत्य और जीवन मैं ही आंव; बिना मोरे कोऊ बाप के ऐंगर नईं जा पा है।

- यूहन्‍ना 8:24

ई लाने मैं ने तुम से कई, कि तुम अपने ही पापन में मर हौ; कायसे जब लौ तुम भरोसा न कर हौ कि मैं ओई आंव, तुम अपने पापन में मर हौ।

- रोमियों 10:14

फिन जीपे उन ने बिसवास नईं करो, ऊकौ नाओं कैसे लेबें? और जीके बारे में नईं सुनो ऊ पै बिसवास कैसे करबें।

- गलतियों 5:6

मसीह यीशु में न खतनावारो और न बिना खतनावारो कछु काम के आंय, अकेले जौन प्रेम से काम करत आय।

- इब्रानियों 11:26

मूसा ने मिसर देस के धन दौलत से यीशु मसीह के नाओं से भलो बुरो कहाबो अच्छो लगो; कायसे बो आगे आबेवारे आनन्द हां तकें हतो।

- इब्रानियों 3:12

सो भईया हरौ, चेतो और बुरई बातन में न लगो, जीसे तुम परमेसुर से भटक जाओ।

- इब्रानियों 4:2

हम हां सोई जेई बातें बताई हतीं, परन्त उनहां जौन बातें सुनाईं, उनसे उन ने कछु बिसवास नईं धरो।

- इब्रानियों 4:6

ऐसो सोई कहो आय, कि जिन ने परचार की बातन को नईं मानो बे मोरी जांगा न जै हैं।

- इब्रानियों 7:19

(कायसे मूसा के नैम काम के नईं रए) और ऊ की जांगा एक और अच्छी आस मिली, जीसे हम परमेसुर के ऐंगर जा सकत आंय।

- इब्रानियों 7:25

सो जौन पिरभू यीशु मसीह पै बिसवास धरके परमेसुर लौ पोंच हैं; बे उनको पूरो पूरो तरन तारन करत आय, और परमेसुर के सामूं उनके लाने बिन्तबारी करत आंय।

- 2 पतरस 1:10

ई काजें हे भईया हरौ, अपने बुलाए जाबे, और नबेरे जाबे हां पक्को करबे हां और अधक जतन करत जाओ, जदि तुम ऐसो करत हौ, तो कभऊं ठोकर न खा हौ।

- 2 पतरस 1:5

ऐई काजें तुम सबई भांत कौ जतन करके, अपने बिसवास पे साजो गुन, साजे गुन पे समज।

- 2 पतरस 3:14

ई लाने हे प्यारे भईया हरौ, जब कि तुम इन बातन की बाट तकत आव तो कोसिस करो, कि तुम सान्ति से ऊके सामूं बिना दाग और बिना लांछन ठैरो।

- यूहन्‍ना के दरसन कौ खुलासा 21:8

परन्त जो डरपोकों, और बिसवास नईं करबेवारे, और मलिच्छ, और हत्यारे, और परतिरिया संगत करबेवारो, और टोना टोटका करबेवारो, और मूरत हां पूजबेवारो, और सब झूठ कौ भाग ऊ झील में मिल है, जो आग और गंधक से जलत रैत आय: जा दूसरी मौत आय।