- उत्पत्ति 45:3 - Bundeli Holy Bible

³ तब यूसुफ अपने भईयों सें कैन लगो, “मैं यूसुफ आंव, का मोरो बाप अब लौ जियत आय?” ईकौ जवाब ऊके भईया नें दे सके; कायसे बे ऊके सामूं घबरा गए हते।

- उत्पत्ति 45:3 ပူးပေါင်းရင်းမြစ်များ

- उत्पत्ति 37:20

ई लाने आओ, हम ऊहों मारकें कौनऊं गड़हे में डाल दें; और जौ कै दैहें, कि कोऊ जंगली पसु ऊहों खा गओ। फिन हम हेरहें कि ऊके सपनों कौ का फल हुईये।”

- उत्पत्ति 42:21

उनोंरन ने आपस में कई, “पक्‍कौ हमोंरें अपने भईया के बारे में दोसी आंय, कायसे जब ऊने हमसें गिड़गिड़ाकें बिनती करी, तब भी हमने जौ हेरकें कि ऊकौ जीवन कैसे संकट में पड़ो आय, ऊकी नें सुनी; ऐई कारन हम सोई अब ई संकट में पड़े आंय।”

- उत्पत्ति 42:22

रूबेन ने उनसें कई, “का मैंने तुमसें नें कई हती कि मोंड़ा के अपराधी नें बनो? परन्‍त तुमने नें सुनी। हेरो, अब ऊके खून कौ बदला लओ जात आय।”

- उत्पत्ति 43:27

ऊने उनकौ हालचाल पूंछो और कई, “का तुमाओ ऊ बूढ़ो बाप, जीकी तुमने चरचा करी हती, भलो-चंगो आय, का ऊ अब लौ जियत आय?”

- मरकुस 6:50

पै ऊ ने तुरतईं उनसे बातें करीं और कओ; ढाढ़स बांधो: मैं आओं, डरौ नें।

- लूका 5:8

जौ तक के शमौन पतरस यीशु के गोड़न पे गिर के कैन लगो; हे पिरभु, मोरे ऐंगर से जा, कायसे मैं पापी मान्स आंव।

- प्रेरितन के काम 7:13

दूजी बेर यूसुफ ने अपने हां अपने भाईयन पे उजागर कर दओ, और यूसुफ की जाति फिरौन हां पता पड़ गई।

- प्रेरितन के काम 9:5

ऊ ने पूछो, हे पिरभु, तें को आय? ऊ ने कओ; मैं यीशु आंव; जीहां तें सतात आय।

- यूहन्‍ना के दरसन कौ खुलासा 1:7

तको, ऊ बादरन के संग्गै आबेवारे आय; और सबरे जनें उन हां तक हैं, और जिन ने उन हां पसुरिया में चाक दओ हतो, बे भी उन हां तक हैं, और संसार के सबरे कुल उन के कारन छाती पीट हैं। हओ। आमीन।