- उत्पत्ति 41:57 - Bundeli Holy Bible

⁵⁷ ई लाने पूरी पृथ्‍वी के मान्‍सन मिस्र में अन्‍न खरीदबे के लाने यूसुफ के लिगां आन लगे, कायसे पूरी पृथ्‍वी पै भयंकर अकाल हतो।

- उत्पत्ति 41:57 ပူးပေါင်းရင်းမြစ်များ

- उत्पत्ति 12:10

ऊ देस में अकाल पड़ो: ई लाने अब्राम मिस्र देस हों चलो गओ कि ऊ उतै परदेसी होकें रए, कायसे देस में भयंकर अकाल पड़ो हतो।

- उत्पत्ति 41:54

और यूसुफ के कैबे के अनसार सात सालों के लाने अकाल सुरू हो गओ। सबरे देसों में अकाल पड़न लगो, परन्‍त पूरे मिस्र में अन्‍न हतो।

- उत्पत्ति 41:56

ई लाने जब अकाल पूरी पृथ्‍वी पै फैल गओ, और मिस्र देस में अकाल कौ रूप भयंकर हो गओ, तब यूसुफ सबरे भण्‍डारों हों खोल-खोलकें मिस्रियों के हाथ अन्‍न बेंचन लगो।

- उत्पत्ति 42:1

जब याकूब ने सुनो कि मिस्र में अन्‍न आय, तब ऊने अपने मोंड़ों सें कई, “तुम एक दूसरे कौ मों काए तक रए आव?”

- उत्पत्ति 42:5

ई तरहां जो मान्‍स अन्‍न खरीदबे आए उनके संगै इस्राएल के मोंड़ा भी आए; कायसे कनान देस में भी भारी अकाल हतो।

- उत्पत्ति 42:6

यूसुफ तौ मिस्र देस कौ परधान अधकारी हतो, और ऊ देस के सबरे मान्‍सन के हाथ ओई अन्‍न बेंचत हतो; ई लाने जब यूसुफ के भईया आए तब जमीन पै मों के बल गिरकें ऊहों दंडवत करो।

- उत्पत्ति 43:1

देस में अकाल और भी भयंकर होत गओ।

- उत्पत्ति 47:14

जितेक रुपईया मिस्र और कनान देस में हतो, सबहों यूसुफ ने ऊ अन्‍न के बदले, जो उतै के रैबेवारे खरीद लेत हते, इकट्ठो करके फिरौन के भवन में पोंचा दओ।

- उत्पत्ति 50:20

जबकि तुमोंरों ने मोरे लाने बुराई कौ बिचार करो हतो; परन्‍त यहोवा परमेसुर ने ओई बात में भलाई कौ बिचार करो, जीसें ऊ एैसो करे, जैसो आज के दिना परगट आय, कि मुतके मान्‍सन के प्रान बचे आंय।