- उत्पत्ति 4:2 - Bundeli Holy Bible

² फिन ऊने ऊके भईया हाबिल हों जनम दओ। हाबिल गाड़र-छिरियों हों चराबेवारो बन गओ, परन्‍त कैन धरती पै खेती करबेवारो किसान बनो।

- उत्पत्ति 4:2 ပူးပေါင်းရင်းမြစ်များ

- उत्पत्ति 3:23

ई लाने यहोवा परमेसुर ने ऊहों अदन की बगिया में सें काड़ दओ कि ऊ ओई धरती पै खेतीबारी करे जीमें सें ऊ बनाओ गओ हतो।

- उत्पत्ति 37:13

तब इस्राएल ने यूसुफ सें कई, “तोरे भईया शकेम मेंई गाड़र-छिरियां चरा रए हुईयें। ई लाने जा, मैं तोहों उनके लिगां पठैत आंव।” ऊने ऊसें कई, “जो हुकम मैं तईयार आंव।”

- उत्पत्ति 4:1

जब आदम अपनी घरवारी हव्‍वा के लिगां गओ, तब ऊने गरभवती होकें कैन हों जनम दओ और कई, “मैंने यहोवा परमेसुर की सहायता सें एक मोंड़ा पाओ आय।”

- उत्पत्ति 4:3

कछु दिना के बाद कैन यहोवा परमेसुर के लिगां धरती की उपज में सें कछु भेंट ल्‍याओ,

- उत्पत्ति 47:3

फिरौन ने ऊके भईयों सें पूंछो, “तुमाओ ब्‍योपार का आय?” उनोंरन ने फिरौन सें कई, “तोरे दास चरवाहा आंय, और हमाए पुरखा भी एैसई रए।”

- उत्पत्ति 9:20

नूह किसानी करन लगो। ऊने दाख की बारी लगाई;

- लूका 11:50

जीसे जितेक आगमवकतन कौ रकत संसार के पैदा होबे से बहाओ गओ आय, उन सबरन कौ लेखा ई जुग के मान्सन से लओ जाबे।

- लूका 11:51

हाबील की हत्या से लेके जकरयाह की हत्या लौ जौन वेदी और मन्दर के मजारें मार डारो गओ: मैं तुम से सांसी कैत आंव; ऊकौ लेखा ऐई बेरा के मान्सन से लओ जै है।

- यूहन्‍ना 8:44

तुम अपने बाप शैतान से आव, और अपने बाप की मनकी बात हां पूरो करबो चाहत आव। बो तो शुरु से हत्यारो आय, और सत्य पे टिको नईं रओ, कायसे सत्य ऊ में हैई नईंयां: जब बो झूट बोलत आय, तो अपने गुन से बोलत आय; कायसे बो झूटो आय, और झूट कौ बाप आय।

- 1 यूहन्‍ना 3:10

ऐसई तो पता पड़त आय कि कौन शैतान छलिया, और कौन परमेसुर के मानबेवारे आंय; जौन धरम की गैल नईं चलत, बो परमेसुर को मानबेवारे नईंयां, और न ऊ जनो, जौन अपने भईया से प्रेम नईं करत।

- 1 यूहन्‍ना 3:12

कैन घांई नईं करियो जौन दुष्ट हतो, जीने अपने भईया हां मार डालो: और काय हां मार डालो? कायसे ऊ को भईया धरम की गैल चलत हतो, और ऊ दुष्टी हतो।

- 1 यूहन्‍ना 3:15

जो कोनऊ अपने भईया से अदावट धरत आय, बो हत्यारा आय; तुम हां तो पता आय, कि कोई हत्यारे को तरन तारन नईं होत।