- उत्पत्ति 39:3 - Bundeli Holy Bible

³ और यूसुफ के मालक ने हेरो कि यहोवा परमेसुर ऊके संगै रैत आय, और जो काम ऊ करत आय ऊहों यहोवा परमेसुर ऊके हाथ सें सफल कर देत आय।

- उत्पत्ति 39:3 ပူးပေါင်းရင်းမြစ်များ

- उत्पत्ति 21:20

यहोवा परमेसुर ऊ मोंड़ा के संगै रओ; और जब ऊ बड़ो भओ, तब जंगल में रैत-रैत धनुस चलाबेवारो बन गओ।

- उत्पत्ति 21:22

उन दिनों में एैसो भओ कि अबीमेलेक अपने सेनापति पीकोल हों संगै लैकें अब्राहम सें कैन लगो, “जो कछु तें करत आय ऊमें यहोवा परमेसुर तोरे संगै रैत आय;

- उत्पत्ति 21:23

ई लाने अब मोए सें ई बारे में यहोवा परमेसुर की कौल खा कि तें नें तौ मोए सें छल करहै और नें कभऊं मोरे बंस सें करहै, परन्‍त जैसी करुना मैंने तोए पै करी आय, बैसई तें मोए पै और ई देस पै भी, जीमें तें डेरा डाल के रैत आय, करहै।”

- उत्पत्ति 26:24

ओई दिना यहोवा परमेसुर ने रात में ऊहों दरसन दैकें कई, “मैं तोरे बाप अब्राहम कौ यहोवा परमेसुर आंव; नें डर, कायसे मैं तोरे संगै आंव, और अपने दास अब्राहम के कारन तोहों आसीस दैहों, और तोरो बंस बढ़ाहों।”

- उत्पत्ति 26:28

उनोंरन ने कई, “हमने तौ अपने सामूं हेरो आय कि यहोवा परमेसुर तोरे संगै रैत आय; ई लाने हमने सोचो कि तें तौ यहोवा परमेसुर कुदाऊं सें धन्‍य आय, सो हमाए और तोरे मजारें कौल खाई जाए, और हम तोए सें ई बारे में बाचा बंधाएं,

- उत्पत्ति 30:27

लाबान ने ऊसें कई, “जदि तोरी नजर में मैंने किरपा पाई आय, तौ इतईं रै जा; कायसे मोहों समझ में आ गओ आय कि यहोवा परमेसुर ने मोहों तोरे कारन सें आसीस दई आय;

- उत्पत्ति 30:30

मोरे आबे सें पैलां बे कितेक हते, और अब कितेक हो गए आंय; और यहोवा परमेसुर ने मोरे आबे पै तोहों आसीस दई आय। परन्‍त मैं अपने घर कौ काम कबै कर पाहों?”

- उत्पत्ति 39:2

यूसुफ अपने मिस्री मालक के घरै रैत हतो, और यहोवा परमेसुर ऊके संगै हतो ई लाने ऊ भाग्‍यवान मान्‍स हो गओ,

- उत्पत्ति 39:21

परन्‍त यहोवा परमेसुर यूसुफ के संगै-संगै रओ और ऊपै दया करी, और जेलखाने के दरोगा की किरपादृस्‍टि ऊपै भई।

- उत्पत्ति 39:23

यूसुफ के बस में जो कछु हतो ऊमें सें जेलखाने के दरोगा हों कोऊ भी बस्‍त हेरबे नें पड़त हती; कायसे यहोवा परमेसुर यूसुफ के संगै हतो; और जो कछु ऊ करत हतो, यहोवा परमेसुर ऊहों ऊमें सफलता देत हतो।

- पैलो इतिहास 22:13

तें तब सफल हुईयै जब उन बिधियों और नियमों पै चलबे की चौकसी करहै, जीकौ हुकम यहोवा परमेसुर ने इस्राएल के लाने मूसा हों दई हती। हिम्‍मत बांध और पक्‍कौ हो, डराईयो नें; और तोरो हिया कच्‍चो नें होए।

- पैलो इतिहास 9:20

पुराने जमाने में एलीआज़ार कौ मोंड़ा पीनहास, जीके संगै यहोवा परमेसुर रैत हतो, ऊ उनकौ परधान हतो।

- नहेम्याह 2:20

तब मैंने उनहों जबाब देकें उनसें कई, “सरग कौ यहोवा परमेसुर हमाओ काम सफल करहै, ई लाने हम ऊके दास करयाई बांधकें बनाहें; परन्‍त यरूशलेम में तुमाओ नें तौ कछु हींसा, नें कछु अधकार, और नें कौनऊं पुस्तैनी हक्क आय।”

- मत्ती 5:16

तुमाओ उजयारो मान्सन के सामूं ई तरहां चमके, कि बे तुमाए भले कामन हां हेर के तुमाए बाप की, जो स्वर्ग में है, गुनगान करें।

- पैली कुरिन्थियों 16:2

हप्ताह के पैले दिना तुम में से सबरे जने अपनी कमाई के अनसार कछु बचा के धर छोड़े, कि मोरे आबे पे दान न जोड़ने पड़े।

- यहोशू 1:9

का मैंने तोए हुकम नईं दओ? हिम्‍मत बांधकें पक्‍को हो जा; डरियो नें, और तोरो मन कच्‍चो नें होए; कायसे जितै-जितै तें जैहै, उतै-उतै तोरो यहोवा परमेसुर तोरे संगै रैहै।”

- यूहन्‍ना के दरसन कौ खुलासा 3:9

हेर, मैं शैतान छलिया की कई करबेवारन हां तोरे बस में कर दै हों, और जौन यहूदी कहलान लगे आंय, पर हैं नईंयां, बे झूठ बोलत आंय -- हेर, मैं ऐसो कर हों, कि बे आके तोरे गोड़े पै दण्डवत कर हैं, और उन हां पता लग जै है, कि मैंने तोसे प्रेम रखो आय।