- उत्पत्ति 37:9 - Bundeli Holy Bible

⁹ फिन ऊने एक और सपना हेरो, और अपने भईयों सें ऊकौ भी बरनन करो, “सुनो, मैंने एक और सपना हेरो आय, कि सूरज और चांद और ग्‍यारह तारे मोहों दंडवत कर रए आंय।”

- उत्पत्ति 37:9 ပူးပေါင်းရင်းမြစ်များ

- उत्पत्ति 20:3

रात हों यहोवा परमेसुर ने सपने में अबीमेलेक के लिगां आकें कई, “सुन, जौन बईयर हों तेंने रख लओ आय ऊके कारन तें मर जैहै कायसे बा सुहागन आय।”

- उत्पत्ति 37:10

ई सपने कौ ऊने अपने बाप और भईयों से बरनन करो तब ऊके बाप ने ऊहों डांटकें कई, “जो कैसो सपना आय जो तेंने हेरो आय? का सांचऊं मैं और तोरी मताई और तोरे भईया सबरे जाकें तोरे आंगू धरती पै गिरकें दंडवत करहें?”

- उत्पत्ति 37:7

हमोंरें खेत में पूला बांध रए आंय, और का हेरत आंव कि मोरो पूला उठकें सूदो ठांड़ो हो गओ; तब तुमाए पूलों ने मोरे पूले हों चारऊं कुदईं सें घेर लओ और ऊहों दंडवत करो।”

- उत्पत्ति 37:8

तब ऊके भईयों ने ऊसें कई, “का सांचऊं तें हमाए ऊपर राज करहै? या सांचऊं तें हम पै सासन करहै?” ई लाने बे ऊके सपनों और ऊकी बातों के कारन ऊसें और ज्‍यादा बैर रखन लगे।

- उत्पत्ति 41:25

तब यूसुफ ने फिरौन सें कई, “फिरौन कौ सपना एकई आय, यहोवा परमेसुर जो काम करबो चाहत आय, ऊहों ऊने फिरौन हों बता दओ।

- उत्पत्ति 41:32

फिरौन ने जो सपना दो बेर हेरो आय ईकौ मतलब जौई आय कि जा बात यहोवा परमेसुर कुदाऊं सें तय हो चुकी आय, और यहोवा परमेसुर ईहों जल्‍दी पूरो करहै।

- उत्पत्ति 42:6

यूसुफ तौ मिस्र देस कौ परधान अधकारी हतो, और ऊ देस के सबरे मान्‍सन के हाथ ओई अन्‍न बेंचत हतो; ई लाने जब यूसुफ के भईया आए तब जमीन पै मों के बल गिरकें ऊहों दंडवत करो।

- उत्पत्ति 43:26

जब यूसुफ घर आओ तब बे ऊ भेंट हों, जो उनके हाथ में हती, ऊके सामूं घर में लै गए और जमीन पै गिरकें ऊहों दंडवत करो।

- उत्पत्ति 43:28

उनोंरन ने कई, “हओ, तोरो दास हमाओ बाप भलो-चंगो आय और अब लौ जियत आय।” तब उनोंरन ने मूंड़ झुकाकें फिन दंडवत करो।

- उत्पत्ति 44:14

जब यहूदा और ऊके भईया यूसुफ के घरै पोंचे, और यूसुफ उतईं हतो, तब बे ऊके सामूं जमीन पै गिरे।

- उत्पत्ति 44:19

मोरे पिरभु ने अपने सेवकों सें पूंछो हतो, ‘का तुमाओ बाप या भईया आय?’

- उत्पत्ति 45:9

सो जल्‍दी मोरे बाप के लिगां जाकें कओ, ‘तोरो मोंड़ा यूसुफ एैसो कैत आय कि यहोवा परमेसुर ने मोहों पूरे मिस्र देस कौ मालक ठैराओ आय; ई लाने तें मोरे लिगां बिना देर करें चलो आ।

- उत्पत्ति 46:29

तब यूसुफ अपनो रथ जुतवाकें अपने बाप इस्राएल सें मिलबे के लाने गोशेन देस हों गओ, और ऊसें मिलकें ऊकी घींच सें लिपटो, और मुतकी देर लौ ऊकी घींच सें लिपटो भओ रोत रओ।

- उत्पत्ति 47:12

यूसुफ अपने बाप कौ, और अपने भईयों कौ, और बाप के पूरे घरबार कौ, एक-एक के बाल-बच्‍चों की गिनती के अनसार, भोजन दिला-दिलाकें उनहों पालत-पोसत रओ।

- फिलिप्पियों 2:15

कि तुम ई संसार में बिन दोस के सूदे सादे परमेसुर के जने होकें ई बुरई और टेढ़े संसार में बिन पाप बने रओ, (उन मान्सन के बीच जिन्हें तुमें जीवन की बातें बता के, मानो एक जलत भओ दिया जैसे आव)।