- उत्पत्ति 3:5 - Bundeli Holy Bible

⁵ बल्‍कि यहोवा परमेसुर खुद जानत आय कि जी दिना तुम ऊकौ फल खाहौ ओई दिना तुमाई आंखें खुल जैहें, और तुम अच्‍छे बुरय कौ ज्ञान पाकें यहोवा परमेसुर के बरोबर हो जैहौ।”

- उत्पत्ति 3:5 ပူးပေါင်းရင်းမြစ်များ

- उत्पत्ति 2:17

परन्‍त अच्‍छे या बुरय के ज्ञान कौ जो पेड़ आय, ऊकौ फल तें कभऊं नें खईयो: कायसे जी दिना तें ऊकौ फल खाहै ओई दिना तें पक्‍कौ मर जैहै।”

- उत्पत्ति 2:9

यहोवा परमेसुर ने धरती सें सब भांत के पेड़, जो हेरबे में सुन्‍दर और जिनके फल खाबे में नोंने आंय उगाए, और बगिया के मजारें जीवन के पेड़ हों और अच्‍छे और बुरय के ज्ञान के पेड़ हों भी लगाओ।

- उत्पत्ति 3:10

आदम ने कई, “मैं तोरे निंगबे की आवाज बागिया में सुनकें डर गओ, कायसे मैं नंगो हतो; ई लाने छिप गओ।”

- उत्पत्ति 3:22

फिन यहोवा परमेसुर ने कई, “मान्‍स अच्‍छे बुरए कौ ज्ञान पाकें हम में सें एक के जैसो हो गओ आय: ई लाने अब एैसो नें होए कि ऊ हाथ बढ़ाकें जीवन के पेड़ कौ फल भी तोड़कें खा ले और सदा लौ जियत रए।”

- उत्पत्ति 3:7

तब उन दोई की आंखें खुल गईं, और उनहों पता पड़ो कि बे नंगे आंय; ई लाने उनोंरन ने अंजीर के पत्ता जोड़ जोड़कें लंगोट बना लए।

- मत्ती 6:23

पर जदि तोरी आंख बुरई होबे, तो तोरो सबरो सरीर अन्धयारो जैसे हुईये; ई लाने जौन उजयारो तो में आय जदि अन्धयारो होए तो बौ अन्धयारो कैसो घोर हुईये!

- प्रेरितन के काम 26:18

कि तें उन की आंखन हां खोले, जीसे की बे अंधयारे से उजयारे की कोद, और शैतान के राज्य से परमेसुर की कोद फिरें; जीसे की बे पापन की क्षिमा, और उन लोगन के संग्गै पदवी पाबें, जौन मोय पे भरोसा करबे के द्वारा पवित्र भए आंय।

- दूसरी कुरिन्थियों 11:3

अकेले मोहां डर आय कि जैसे सरप ने होसियारी से हव्वा हां बिलोर दओ, ऊंसई तुमाओ मन को सीधोपन और साजोपन जौन मसीह के संग्गै होबो चईये कहूं बिगड़ न जाबै।

- दूसरी कुरिन्थियों 4:4

और जौन मान्सन ने बिसवास नईं करो, कायसे उन की बुद्धि हां ई संसार के ईसुर-शैतान छलिया ने अंधरया दओ आय, कि मसीह जौन परमेसुर आय, उनकी बातन को तेज उन पे अबै न पड़े।

- 2 थिस्सलुनीकियों 2:4

जौन बिरोध करत आंय, उन हां जौन परमेसुर के मानबेवारे आंय, और अपने आप हां बड़ो कैत आंय, इते लौ कि बो परमेसुर के मन्दर में बैठ के अपने आप हां परमेसुर कैत आय।

- यूहन्‍ना के दरसन कौ खुलासा 13:14

जौ जनावर धरती पै रैबेवारन हां मूरख बनात हतो, और उन बेजा काम हां जौ ऊ जनावर के बल से करत हतो, और संसार के मान्सन से कैत हतो, कि बो जनावर जीहां घाव हो गओ हतो बो अच्छो हो गओ आय, सो तुम ऊ की मूरत बनाओ, और ऊ की पूजा करो।

- यूहन्‍ना के दरसन कौ खुलासा 13:4

उन ने अजगर की पूजा करी, कायसे अजगर ने ऊ जनावर हां अपनो अधकार दे दओ हतो, और ऐसी कैत भए ऊ की पूजा करी, कि ई जैसो को आय?