- उत्पत्ति 3:18 - Bundeli Holy Bible

¹⁸ और बा तोरे लाने कांटे और ऊंटकटारे उगाहै, और तें खेत की उपज खाहै;

- उत्पत्ति 3:18 ပူးပေါင်းရင်းမြစ်များ

- मत्ती 13:7

और कछु बीज जरियन में गिरो, और जरियन ने बढ़के उन हां दबा लओ।

- इब्रानियों 6:8

परन्त ऊ धरती पै जरियां और भटकटई ऊगत आय, तो बेकार आय ऊ पै परमेसुर को श्राप आहै, और बा आगी में बारी जै है।

- यहोशू 23:13

तौ पक्‍कौ जान लेओ कि आंगू हों तुमाओ यहोवा परमेसुर इन जातियन हों तुमाए सामूं सें नें काड़है; और जे तुमाए लाने जाल और फंदे, और तुमाई पसुरियों के लाने कोड़े, और तुमाई आंखों में कांटे ठैरहें, और आखिर मैं तुम ई अच्‍छी जमीन पै सें जौन तुमाए यहोवा परमेसुर ने तुमें दई आय नास हो जैहौ।

- रोमियों 14:2

कायसे एक हां बिसवास आय, कि सबई कछु खाबो सई आय, परन्त जौन बिसवास में कमजोर आय, ऊ साग पात ही खात आय।

- उत्पत्ति 3:17

यहोवा परमेसुर ने आदम सें कई: “तेंने जो अपनी घरवारी की बात सुनी, और जौन पेड़ के फल के बारे में मैंने तोए हुकम दओ हतो कि तें ऊहों नें खईयो, ऊहों तेंने खाओ आय ई लाने धरती तोरे कारन स्रापित आय। तें ऊकी उपज जीवन भर कस्‍ट के संगै खाए करहै;

- उत्पत्ति 3:19

और अपने माथे सें पसीने की रोटी खाए करहै, और आखिर में माटी में मिल जैहै कायसे तें ओई में सें काड़ो गओ आय; तें माटी तो आय और माटी मेंई मिल जैहै।”