- उत्पत्ति 26:3 - Bundeli Holy Bible

³ तें ऐई देस में परदेसी होकें रै, और मैं तोरे संगै रैहों, और तोहों आसीस दैहों; और जे सब देस मैं तोए हों और तोरे बंस हों दैहों; और जो कौल मैंने तोरे बाप अब्राहम सें खाई हती, ऊहों मैं पूरी करहों।

- उत्पत्ति 26:3 ပူးပေါင်းရင်းမြစ်များ

- उत्पत्ति 12:7

तब यहोवा परमेसुर ने अब्राम हों दरसन दैकें कई, “जौ देस मैं तोरे बंस हों दैहों।” और ऊने ऊतै यहोवा परमेसुर के लाने, जीने ऊहों दरसन दओ हतो, एक बेदी बनाई।

- उत्पत्ति 13:15

कायसे जितेक जमीन तोहों दिखाई देत आय, ऊ सबरी हों मैं तोहों और तोरे बंस हों जुग-जुग के लाने दैहों।

- उत्पत्ति 13:17

उठ, ई देस की लम्‍बाई और चौड़ाई में चल-फिर; कायसे मैं ऊहों तोरेई हों दैहों।

- उत्पत्ति 15:18

ओई दिना यहोवा परमेसुर ने अब्राम के संगै जा बाचा बांधी, “मिस्र के नदी सें लैकें फरात नाओं बड़ी नदिया लौ जितनौ देस आय, ऊ मैंने तोरे बंस हों दै दओ आय,

- उत्पत्ति 17:19

तब यहोवा परमेसुर ने कई, “पक्‍कौ तोरी घरवारी सारा हों तोए सें एक मोंड़ा पैदा हुईये; और तें ऊकौ नाओं इसहाक रखियो; और मैं ऊके संगै एैसी बाचा बांधहों जो ऊके बाद ऊके बंस के लाने जुग-जुग की बाचा हुईये।

- उत्पत्ति 17:8

मैं तोए हों, और तोरे बाद तोरे बंस हों भी, जौ पूरो कनान देस जीमें तें परदेसी होकें रैत आय, ई तरहां सें दैहों कि बा जुग-जुग लौ उनकी निज भूमि रैहै, और मैं उनकौ यहोवा परमेसुर रैहों।”

- उत्पत्ति 20:1

फिन अब्राहम उतै सें कड़कें दक्‍खिन देस में आकें कादेस और शूर के मजारें ठैरो, और गरार में रैन लगो।

- उत्पत्ति 25:11

अब्राहम के मरबे के बाद यहोवा परमेसुर ने ऊके मोंड़ा इसहाक हों जो बेर-लहै-रोई नाओं कुआं के लिगां रैत हतो, आसीस दई।

- उत्पत्ति 26:12

फिन इसहाक ने ऊ देस में धरती जोती-बोई, और ओई साल में सौ गुना फल पाओ; कायसे यहोवा परमेसुर ने ऊहों आसीस दई,

- उत्पत्ति 26:14

जब ऊके गाड़र-छिरियां, गईया-बैला और मुतके दास-दासियां भए; तब पलिश्‍ती ऊसें जलन लगे।

- उत्पत्ति 26:24

ओई दिना यहोवा परमेसुर ने रात में ऊहों दरसन दैकें कई, “मैं तोरे बाप अब्राहम कौ यहोवा परमेसुर आंव; नें डर, कायसे मैं तोरे संगै आंव, और अपने दास अब्राहम के कारन तोहों आसीस दैहों, और तोरो बंस बढ़ाहों।”

- उत्पत्ति 28:13

यहोवा परमेसुर ऊके ऊपर ठांड़ो होकें कैत आय, “मैं यहोवा परमेसुर, तोरे दादा अब्राहम कौ परमेसुर, और इसहाक कौ भी परमेसुर आंव; जो जमीन पै तें लेटो आय, ऊहों मैं तोए हों और तोरे बंस हों दैहों।

- उत्पत्ति 28:15

सुन, मैं तोरे संगै रैहों, और जितै कहूं तें जाए उतै तोरी रक्‍छा करहों, और तोहों ई देस में लौटा ल्‍याहों: मैं अपने कए भए हों जब लौ पूरो नें कर लेओं तब लौ तोहों नें छोड़हों।”

- उत्पत्ति 31:3

तब यहोवा परमेसुर ने याकूब सें कई, “अपने पुरखन के देस और अपने कुटम्बियों में लौट जा, और मैं तोरे संगै रैहों।”

- उत्पत्ति 35:12

जो देस मैंने अब्राहम और इसहाक हों दओ आय, ओई देस तोहों देत आंव, और तोरे पाछें तोरे बंस हों भी दैहों।”

- उत्पत्ति 39:2

यूसुफ अपने मिस्री मालक के घरै रैत हतो, और यहोवा परमेसुर ऊके संगै हतो ई लाने ऊ भाग्‍यवान मान्‍स हो गओ,

- उत्पत्ति 39:21

परन्‍त यहोवा परमेसुर यूसुफ के संगै-संगै रओ और ऊपै दया करी, और जेलखाने के दरोगा की किरपादृस्‍टि ऊपै भई।

- उत्पत्ति 48:21

तब इस्राएल ने यूसुफ सें कई, “हेर, मैं तौ मरबे पै आंव; परन्‍त यहोवा परमेसुर तुमोंरों के संगै रैहै, और तुम हों तुमाए पुरखन के देस में फिन पोंचा दैहै।

- उत्पत्ति 50:24

यूसुफ ने अपने भईयों सें कई, “मैं तौ मरबे पै आंव; परन्‍त यहोवा परमेसुर पक्‍कौ तुमाई सुध लैहै, और तुमहों ई देस सें काड़कें ऊ देस में पोंचा दैहै, जीके दैबे की ऊने अब्राहम, इसहाक और याकूब सें कौल खाई हती।”

- पैलो इतिहास 16:16

ऊ बाचा ऊने अब्राहम के संगै बांधी, और ओई के बारे में ऊने इसहाक सें कौल खाई,

- फिलिप्पियों 4:9

जौन बातें तुम ने मोय से सुनी, सीखी, और अपने हिये में धरीं आंय, उनईं जैसो करो, ऐसो करबे से परमेसुर जौन सान्ति देत आय तुमाए संग्गै रै है।

- इब्रानियों 11:9

बिसवास करके इब्राहीम ऊ देस में परदेसी होकें तम्बुओं में रहो, ऐसई इसहाक और याकूब सोई रहे।

- इब्रानियों 6:17

सो जब परमेसुर ने जौन बात कई आय, ऊहां पूरो करो सो अब जौन हमाई आस आय जीहां हमें पाने आय ऊहां पक्को धरें रैत आंय।