- उत्पत्ति 13:7 - Bundeli Holy Bible

⁷ अब्राम और लूत की गाड़र-छिरियां, गईया-बैला के चराबेवारों में झगड़ा भओ। ऊ बेरा कनानी और परिज्‍जी जनें ऊ देस में रैत हते।

- उत्पत्ति 13:7 ပူးပေါင်းရင်းမြစ်များ

- उत्पत्ति 10:19

और कनानियों की सीमा सीदोन सें लैकें गरार की गैल सें होकें अज्‍जा लौ और फिन सदोम, अमोरा, अदमा, सबोयीम की गैल सें होकें लाशा लौ भई।

- उत्पत्ति 12:6

ऊ देस के मजारें जात भए अब्राम शकेम में, जितै मोरे नाओं जागां में तारपीन कौ पेड़ आय, पोंचो। ऊ बेरा ऊ देस में कनानी जनें रैत हते।

- उत्पत्ति 21:25

तब अब्राहम ने अबीमेलेक हों एक कुआं के बारे में जो अबीमेलेक के दासों ने जबरईं लै लओ हतो, उलाहना दई।

- उत्पत्ति 26:20

तब गरार के चरवाहों ने इसहाक के चरवाहों सें झगड़ा करो और कई, “जौ पानूं हमाओ आय।” ई लाने ऊने ओई कुआं कौ नाओं एसेक रखो; कायसे बे ऊसें झगड़े हते।

- उत्पत्ति 34:30

तब याकूब ने शिमोन और लेवी सें कई, “तुमने जो ई देस के रैबेवारे कनानियों और परिज्‍जियों के मन में मोरे लाने घिरना पैदा कराई आय, ईसें तुमने मोहों मुसीबत में डालो आय, कायसे मोरे संगै तौ तनकई मान्‍सन आंय; ई लाने अब बे सबरे इकट्ठे होकें मोए पै चढ़ाई करहें, और मोहों मार डालहें, तौ मैं अपने घराने समेंत नास हो जैहों।”

- उत्पत्ति 46:34

तब जौ कईयो, ‘तोरे दास लड़कपन सें लैकें आज लौ पसुओं हों पालत रए आंय, बल्‍कि हमाए पुरखा भी एैसई करत हते।’ ईसें तुम गोशेन देस में रै पाहौ; कायसे सब चरवाहों सें मिस्री मान्‍सन घृणा करत आंय।”

- नहेम्याह 5:9

फिन मैं कैत गओ, “जो काम तुम औरें करत आव ऊ अच्‍छो नईंयां; का तुमहों ई कारन हमाए यहोवा परमेसुर कौ भय मानकें चलो नें चईये कि हमाए दुस्‍मन जो अन्‍यजाति के आंय, बे हमाई नामधराई नें करें?

- मरकुस 3:25

और अगर कोनऊं घर में मनमुटाव हो जाबै, तो ऊ घर कैसे टिकाऊ रह सकत आय?

- पैली कुरिन्थियों 3:3

कायसे तुन अब लौ सारीरिक आव, कि जब तुम में जलन और झगड़ा आय, तो का तुम सारीरिक नईंयां? और मान्सन जैसी गैल नईं निंगत?

- गलतियों 5:20

मूरतन की पूजा, गुनयाई, बैर, न्याओ, जलन, विरोध, फूट और बुरय काम।

- कुलुस्सियों 4:5

जौन मौका अपन हां मिलो आय, उनके लाने जिन ने बचन नईं सुनो आय, उन हां सोच समझ के बताबें।

- 1 थिस्सलुनीकियों 4:12

ऐसो करबे से मण्डली के बायरेवारे तुमाओ मान कर हैं, और तुम हां दूसरन पै बोझो नईं बन ने आहै।

- तीतुस 3:3

कायसे हम पेंला, मूरख और परमेसुर की अग्या न मानबेवाले, और दुबधा में हते, और भांत भांत की चाहना करत हते, और मजा मौज चाहत हते और अदावट धरें हते, और दूसरन को बुरओ सोचत हते, और बहुत घिना हते और दूसरन से बैर मानें हते।

- याकूब 3:16

जिते जलन और बुराई होत आय, उते बखेड़ा और सब भांत कौ बुरओ काम होत आय।

- याकूब 4:1

तुम में न्याओ और झगड़ा कां से आ गए? का देयां के भोग विलास से नईं जौन हमाई देयां में बिराजे भए आंय?

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।