- गलतियों 6:9 - Bundeli Holy Bible

⁹ भलो करबे में हिम्मत न हारो, कायसे हम ढिलयाए न, तो अपनी बेरा पे कटनी काट हैं।

- गलतियों 6:9 ပူးပေါင်းရင်းမြစ်များ

- उत्पत्ति 29:7

ऊने कई, “हेरो, अबै तौ दिन बहुत आय, पसुओं के इकट्ठे होबे की बेरा नईंया; ई लाने गाड़र-छिरियों हों पानूं पिलाकें फिन लै जाकें चराओ।”

- मत्ती 10:22

मोरे नाओं के काजें सब तुम से बैर कर हैं, पर जौन अन्त लौ गम खै है ओई की मुक्ति हुईये।

- मत्ती 24:13

पर जौन अन्त लौ धीरज धरे रै हैं, ओई कौ उद्धार हुईये।

- मत्ती 25:17

ऐई तरहां जीहां दो रुपईया मिले हते, ऊने सोई दो और कमाए।

- मत्ती 9:19

यीशु उठो और अपने चेलन के संग्गै ऊके पाछें चल दओ।

- मरकुस 3:3

ऊ ने सूखे हाथ वाले मान्स से कओ; बीच में ठाड़े होओ।

- लूका 18:1

फिन यीशु ने ई के बारे में कि लगातार बिन्तवाई करो और हियाव न छोड़ो चाहिये उन से जा कनौत कई।

- रोमियों 2:7

जौन साजे काम कर के मईमा, और आदर, और अमरता की खोज में आंय, उन हां बो अनन्त जीवन दै है।

- पैली कुरिन्थियों 15:58

सो हे मोरे प्यारे भईया हरौ, पक्के बने रओ, और पिरभु के काम में बढ़त जाओ, कायसे कि जानत आव, कि तुमाई मैनत पिरभु में अकारथ नईंयां।

- दूसरी कुरिन्थियों 4:1

सो जब हम पै ऐसी दया भई, कि ऐसो काज हम हां मिलो, तो हम हिम्मत नईं हारत।

- दूसरी कुरिन्थियों 4:16

ईसे हम हिम्मत नईं हारत; जैसे हमाओ सरीर टूटत जात आय; अकेले हमाए भीतर वालो रोजीना नओ होत जात आय।

- दूसरी कुरिन्थियों 9:6

अकेले बात ऐसी आय, कि जौन थोड़ो बोत आय उन हां थोड़ो मिल है; और जौन बिलात बो है, बो बिलात सोई काट है।

- इफिसियों 3:13

ईसें मैं बिन्तवारी करत आंव कि जौन परेसानी मोहां तुमाए काजें हो रई आय, उनसे तुम हिम्मत न हारौ, कायसे उनसे तुमाओ भलो हुईये।

- 2 थिस्सलुनीकियों 3:13

परन्त भईया हरौ, तुम दूसरन की मदद करबे में हिम्मत न हारियो।

- इब्रानियों 12:3

सो यीशु मसीह पै ध्यान करो, जीने अपने लाने पापियन से बुरई बातें सुनी, कि जब मान्सन तुमाए लाने कछु कएं तो हिम्मत न हारियो।

- इब्रानियों 12:5

तुम बिसर गए आव कि पोथी में ऐसो लिखो हतो, कि पिरभू की बातन हां हलके न लेओ, और बो जब तुम हां सुधारे तो हिम्मत न हारियो।

- इब्रानियों 3:14

जब से हम ने पिरभू यीशु मसीह से मन लगाओ, उनईं बातन पै बने रओ चईये।

- इब्रानियों 3:6

परन्त यीशु मसीह परमेसुर के घर के मान्सन के ऊ परे आंय, और उनके घर तो हम आंय, हम हां अब लौ पक्के बने रओ चईये।

- याकूब 5:7

ई लाने हे भईया हरौ, पिरभु के आबे के दिना लौ धीरज धरो, तको, किसान धरती से फसल की आस धरत है, पैली और अखीरी पानू बरसबे लौ धीरज धरत आय।

- 1 पतरस 2:15

कायसे परमेसुर की मन्सा जा आय, कि तुम साजे काम करबे से बेसमझ लोगन की न समझी की बातन हां बन्द कर दो।

- 1 पतरस 3:17

कायसे जदि परमेसुर की जाई मन्सा होबै, कि तुम भलाई करबे के काजें पीड़ा उठाओ, तो जा बुराई करबे के काजें पीड़ा भोगबे से साजो आय।

- 1 पतरस 4:19

ई लाने जौन परमेसुर की मन्सा के अनसार पीड़ा उठात आंय, बे भलो करत भए, अपने प्रान हां बिसवास जोग धरती के रचबेवारे के हाथ में सौंप देबें।

- यूहन्‍ना के दरसन कौ खुलासा 2:17

जीके कान होबें, बो सुन लेबें कि आत्मा मण्डलियन से का कैत आय; जौन इन बातन हां मान है, ऊहां मैं गुप्त मन्ना में से दै हों; और ऊहां एक सफेद पथरा सोई दै हों, और ऊ पथरा पै एक नाओं लिखो हुईये, जीहां केवल बे जान हैं जीहां बो मिल है।

- यूहन्‍ना के दरसन कौ खुलासा 2:3

तें धीरज धरत आय, और मोरे नाओं के लाने दुख उठात उठात थकत नईंयां।

- यूहन्‍ना के दरसन कौ खुलासा 2:7

जीके कान होबें, बे सुन लेबें कि आत्मा मण्डलियन से का कैत आय: कि जो जय पाबै, मैं ऊहां जीवन दैबेवारे पेड़ में से जो परमेसुर के सरगलोक में लगो आय, ऊके फल खैबे हां दै हों।