- गलतियों 6:3 - Bundeli Holy Bible

³ कायसे कोऊ कछु न होबे पै अपने हां कछु सोचे, तो अपने हां धोखा देत आय।

- गलतियों 6:3 ပူးပေါင်းရင်းမြစ်များ

- लूका 18:11

फरीसी ठांड़ो होकें अपने हिये में जौ बिन्तवाई करन लगो, कि हे परमेसुर मैं तोरो धन्नवाद करत आंव, कि मैं और मान्सन घांई अन्धेर करबेवारो, अन्यायी और परत्रिया भोगी नईंयां, और न ई चुंगी लेबेवारे के घांई आंव।

- प्रेरितन के काम 5:36

कायसे इन दिनन से पेंला थियूदास जौ कहत भओ उठो, कि मैं सोई कछु आंव; और कोऊ चार सौ मान्स ऊके संग्गै हो लए, और बो मारो गओ; और जितेक मान्स ऊहां मानत हते, सब तितर बितर भए और मिट गए।

- रोमियों 12:16

आपस में एक सो मन धरो; अभिमानी न बनो; परन्त दीनों के संग्गै मेल जोल धरो; अपने लेखे बड़वाई न करो।

- रोमियों 12:3

कायसे मैं ऊ दया किरपा के काजें जौन मोय पै भई आय, तुम सबरन से कैत आंव, कि जैसो समजो चईये, ऊसे बढ़ के कोई अपने हां न समजे परन्त जैसो परमेसुर ने सबई हां योग्यता अनसार बिसवास दओ आय, ऊंसई सई सोच बिचार के संग्गै अपने हां समजे।

- पैली कुरिन्थियों 13:2

और जदि मैं अगमवानी कर सकों, और सब भेदों और ज्ञान को समजों, और मोय इते लौ पक्को बिसवास होबे, कि मैं पहारवन हां हटा देओं, परन्त प्रेम न धरों, तो मैं कछु लौ नईंयां।

- पैली कुरिन्थियों 3:18

कोऊ अपने आप हां धोखा न देबे: जदि तुम में से कोऊ ई संसार में अपने आप हां ज्ञानी समझे, तो मूरख बने; कि ज्ञानी हो जाबै।

- पैली कुरिन्थियों 8:2

जदि कोऊ समझे, कि मोहां कछु पता आय, तो जैसो जानो चईये ऊंसो अबै लौ नईं जानत।

- दूसरी कुरिन्थियों 12:11

मैं मूरख तो बनो, अकेले तुम ने मोसे जौ जबरई करवाओ: तुम हां तो मोरी बड़वाई करो चईये, कायसे मानो में कछु नईंयां, अकेले उन सब बड़े बड़े प्रेरितन से कोई बात में घट नईंयां।

- दूसरी कुरिन्थियों 3:5

ऐसो नईंयां, कि हम ई लाक आंय, कि अपने हों कछु बातन हां सोचें; अकेले हम तो परमेसुर के कारण आय।

- गलतियों 2:6

जौन जनें कछु बड़े समझे जात हते (बे चाए जैसे हते, मोहां ईसे काम नईंयां, परमेसुर कोऊ न्यारी बातें नईं करत) उन से जौन कछु समझे जात हते, मोहां कछु नईं मिलो।

- गलतियों 2:9

और जब उन ने बा दया हां जौन मोय पे भई जान लओ, तो याकूब, कैफा और यूहन्ना ने जौन मण्डली के खम्भा कहात हते, मोहां और बरनबास हां सूदो हाथ मिला के हम हां संग्गै कर लओ, कि हम अन्य जातियन लौ जाबें, और बे औरें खतना वारन लौ।

- 2 तीमुथियुस 3:13

और दुष्ट जनें जो बहकात आंय और धोका देत आंय, बे धोका खाके और बिगड़त जै हैं।

- याकूब 1:22

बचन अनसार चलबेवारे बनो, और अकेले सुनबेवारेई नईं, अकेले सुनबेवारेई अपने आप हां धोखा देत हैं।

- याकूब 1:26

जदि कोई अपने आप हां भगत सोसे, और अपनी जीभ पे लगाम न देबे, तो बो अपने हिये हां छलत आय, ऊ की भक्ती अकारथ आय।

- 1 यूहन्‍ना 1:8

हम कैबें, कि हम ने कभऊं कोई पाप नईं करो, तो अपने हां धोका देत आंय: और हम में कछु सत्त नईंयां।