- गलतियों 5:7 - Bundeli Holy Bible

⁷ तुम तो बढ़िया दौड़ रय हते, फिन कीने तुम हां बिलोर दओ, कि सांची बातन हां न मानो।

- गलतियों 5:7 ပူးပေါင်းရင်းမြစ်များ

- मत्ती 13:21

फिन भी अपने मन में गहरी जड़ नईं धरत और तनक बेरा कौ आय, और जब बचन के लाने दुख सताव होत आय, तो तुरतईं ठोकर खात आय।

- प्रेरितन के काम 6:7

और परमेसुर कौ बचन फैलत गओ और यरूशलेम में चेलन की गिनती बिलात बढ़त गई; और याजकों कौ एक बड़ो समाज ई मत कौ मानबेवारो हो गओ।

- रोमियों 10:16

पर सब ने ऊ भले सन्देसे पे कान नईं लगाओ: यशायाह अगमवकता कैत आय, पिरभु की ने हमाए सन्देसे पे बिसवास करो आय?

- रोमियों 15:18

कायसे उन बातन हां छोड़ और कोऊ बात के विषय में कैबे की दम नईंयां, जौन मसीह ने दूसरी जातवारन हां पिरभु के बिसवास में बनाए रैबे के लाने बचन, और कर्म।

- रोमियों 16:26

परन्त अब उजागर होकें जुग जुग जीबेवारे परमेसुर के हुकम से अगमवकतन की पोथियन से सबरी जातन हां बताओ गओ आय, कि बे बिसवास करके हुकम मानबेवारे हो जाबें।

- रोमियों 2:8

और जौन बकवादी आंय, और सत्त हां नईं मानत, पर अधर्म हां मानत आंय, उन पे क्रोध और कोप पड़ है।

- रोमियों 6:17

परन्त परमेसुर कौ धन्नबाद होबे, कि तुम जौन पाप के चाकर हते अब हिए से ऊ सीख हां मानबेवारे हो गए, जाने कि जैसे सिखाए गए हते।

- पैली कुरिन्थियों 9:24

काय तुम हां पता नईंयां, कि दौड़ में बिलात जनें दौड़त आंय, अकेले इनाम एकई को मिलत आय, तुम ऊंसई दौड़ो कि इनाम पा जाओ।

- दूसरी कुरिन्थियों 10:5

सो जौन विचार और बड़ी बड़ी बातें, जौन परमेसुर हां नईं चीनत आय, उन हां आड़े हाथ लेत आंय, और सब विचारन हां बस में करके मसीह की अग्यां मानबेवारे बना देत आंय।

- गलतियों 2:2

मोरो जाबो ईसुर के बताए भओ: और जो बचन में अन्य जातियन में परचार करत हों, बो मैंने उन हां बता दओ; पै अकेले में उन हां जौन बड़े कहात हते, कि ऐसो नईं होबे, कि मोरी अबै की, और आंगे की दौड़ बेकार जाबै।

- गलतियों 3:1

हे मूरख गलतियो, की ने तुमाओ मन मोह लओ? तुमाई तो आंखन के सामूं यीशु मसीह क्रूस में दिखे।

- गलतियों 5:10

मोहां पिरभु कींसो तुम पै ईमान आय, कि तुमाओ कोऊ ओर विचार नईंयां; अकेले जौन तुम हां बिलोर देत आय, बो कोऊ काय न होबै दण्ड पा है।

- 2 थिस्सलुनीकियों 1:8

और जौन जनें परमेसुर हां नईं चीनत, और पिरभू यीशु मसीह की बातें नईं मानत उन से बदला लै है।

- इब्रानियों 11:8

बिसवास से इब्राहीम हां जब परमेसुर ने टेरो तो ऊ जांगा निकल गओ जौन ऊहां मिलबेवारी हती, बो जौ न जानत हतो, कि बा कैसी जांगा आय; परन्त चलो गओ।

- इब्रानियों 12:1

ई लाने जब इतने सबरे जनों की गवाह हम जानत आंय, तो अब सबरी रोकबेवारी बस्तन और उलझाबेवारे पाप और बुरई बातन हां छोड़ के, जैसी दौड़ हम हां दौड़ने आय ऊहां संभल के दौड़ें।

- इब्रानियों 5:9

और सबरे दुख हां सह के, अपने सबरे मानबेवारन को तरन तारन करो।

- 1 पतरस 1:22

सो जब तुम ने भाईचारे की निश्चल प्रीति के लाने सत्य के मानबे से अपने हियन हां पवित्तर करो आय, तो तन मन लगा के एक दूजे से अधक प्रेम करो।