- गलतियों 5:6 - Bundeli Holy Bible

⁶ मसीह यीशु में न खतनावारो और न बिना खतनावारो कछु काम के आंय, अकेले जौन प्रेम से काम करत आय।

- गलतियों 5:6 ပူးပေါင်းရင်းမြစ်များ

- लूका 7:5

कायसे ऊ हमाई जात वारन से प्रेम करत आय, और ओई ने हमाए मन्दर हां बनवाओ आय।

- पैली कुरिन्थियों 13:13

पर अब बिसवास, आसा, प्रेम जे तीनईं पक्के से बने रैत आंय, परन्त इन में प्रेम सब से बढ़ के आय।

- पैली कुरिन्थियों 7:19

न तो खतना कछु आय, और न ऊं सई बिना खतनावारो परन्त परमेसुर कौ हुकम मानबो सबई कछु आय।

- दूसरी कुरिन्थियों 5:14

कायसे मसीह को प्रेम हम हां बिवस कर देत आय; ईसे हम समझत आंय, कि एक जनों सबरन के काजें मरो तो सबरे मानो मर गए।

- गलतियों 3:26

कायसे तुम सबरे जनें यीशु मसीह पै बिसवास धरके, परमेसुर के बाल बच्चा बन गए।

- गलतियों 3:28

अब तो कोऊ यहूदी नईं रओ और न यूनानी; और न कोऊ चाकर, और न छुट्टा; न कोऊ मान्स, और न बईयर, कायसे तुम सबरे यीशु मसीह में एक आव।

- गलतियों 6:15

कायसे न खतनावारे, और जौन को खतना नईं भओ कछु आंय, केवल जौन नए बन गए।

- इफिसियों 6:23

अब परमेसुर पिता और पिरभू यीशु मसीह से सबरे भईयन हां सान्ति, प्रेम और बिसवास मिले।

- कुलुस्सियों 1:4

कायसे हमाए सुनबे में आओ आय, कि यीशु मसीह पै तुम ने बिसवास धरो आय, और सबरे जात भाईयन से प्रेम करत आव।

- कुलुस्सियों 3:11

उन में कोई यूनानी, यहूदी, खतना करो और बिना खतना करो, और न जंगल में रैबेवारो, स्कूती, न बन्धुआ मजूर, और न छूटो मान्स न्यारे नईंयां, कायसे यीशु मसीह सब के लाने आय और सबरन के हिये में रैत आंय।

- 1 थिस्सलुनीकियों 1:3

हम हमेसा परमेसुर के सामूं तुमाए बिसवास से करे काम, और सेवा जौन प्रेम से करी आय, और यीशु मसीह में हमाई जौन आस आय ऊहां याद करत आंय।

- इब्रानियों 11:8

बिसवास से इब्राहीम हां जब परमेसुर ने टेरो तो ऊ जांगा निकल गओ जौन ऊहां मिलबेवारी हती, बो जौ न जानत हतो, कि बा कैसी जांगा आय; परन्त चलो गओ।

- यहोशू 5:5

जौन मान्‍स मिस्र सें कड़े हते उन सबकौ तौ खतना हो गओ हतो, परन्‍त जितेक मिस्र सें कड़बे पै जंगल की गैल में पैदा भए उनमें सें कोऊ कौ खतना नें भओ हतो।

- 1 पतरस 1:8

ऊसे तुम बिना तकें प्रेम राखत आव, और अब तो ऊ पे बिना तकें सोई बिसवास करके ऐसे खुस और परसन्न होत आव, जौ कओ नईं जा सकत और मईमा से भरो भओ आय।