- गलतियों 5:10 - Bundeli Holy Bible

¹⁰ मोहां पिरभु कींसो तुम पै ईमान आय, कि तुमाओ कोऊ ओर विचार नईंयां; अकेले जौन तुम हां बिलोर देत आय, बो कोऊ काय न होबै दण्ड पा है।

- गलतियों 5:10 ပူးပေါင်းရင်းမြစ်များ

- गलतियों 5:12

भलो होतो, कि जौन तुम हां बिलोरत आंय बे काट डाले जाबें।

- फिलिप्पियों 3:15

सो सबरे जनें जौन पक्के हो गए आंय, तो बे ऐसई सोचें, अगर तुमाओ कोऊ और भी विचार होबे तो परमेसुर बा बात सोई तुम हां उजागर कर दै है।

- गलतियों 1:7

अकेले कोऊ और बचन नईंयां: बतकाओ ऐसो आय, कि कितेक ऐसे आंय, जौन तुम हां बिलोर देत आंय, और मसीह के बचन हां बिगाड़ो चाहत आंय।

- दूसरी कुरिन्थियों 2:3

जा बात मैंने तुम हां ईसें लिखी, कि ऐसो न होबे, मैं जब आओं तो जिन से मोरो जी ठण्डो होबो चईये, उनई से मोरो जी टूटे; कायसे मैं जौ जानत आंव, कि जौन बात से मोरो जी ठण्डो होत, ओई तुमाओ सब कौ हाल आय।

- 1 तीमुथियुस 1:20

उनई में से हुमिनयुस और सिकन्दर आंय जिन्हां मैंने शैतान के हाथन छोड़ दओ, कि बुरई बातें न करें।

- गलतियों 6:17

आगे कोऊ मोहां परेसान नईं करे, कायसे मैं यीशु की चिनानी हां अपनी देह में लगाए फिरत आंव।

- गलतियों 4:17

बे तुम हां मित्र तो बनाओ चाहत आंय, पर अच्छे मन से नईं; सांची जा आय कि बे तुमहां न्यारो करो चाहत आंय, कि तुमई उन हां मित्र बना लेओ।

- गलतियों 3:1

हे मूरख गलतियो, की ने तुमाओ मन मोह लओ? तुमाई तो आंखन के सामूं यीशु मसीह क्रूस में दिखे।

- गलतियों 2:6

जौन जनें कछु बड़े समझे जात हते (बे चाए जैसे हते, मोहां ईसे काम नईंयां, परमेसुर कोऊ न्यारी बातें नईं करत) उन से जौन कछु समझे जात हते, मोहां कछु नईं मिलो।

- गलतियों 2:4

ऐसो उन लबरा भईयन के कारण भओ, जौन लुक के भीतरे पोंच गए हते, और बा छूट जौन यीशु मसीह में मिली हती, ऊ को भेद लेके हम हां परेसान करें।

- दूसरी कुरिन्थियों 10:6

और हम तईयार रैत आंय कि जब तुम मसीह की अग्यां मानबो पूरो कर लेओ, तो जौन अग्यां तुम ने नईं मानी उनको बदला लेबें।

- पैली कुरिन्थियों 5:5

शैतान छलिया के लाने छोड़ दओ जाबै, कि ऊ की आत्मा यीशु के नाओं से तरन तारन पाबै।

- प्रेरितन के काम 15:24

जब से हम ने सुनो, कि हम में से कछु ने हमाए हुकम बिना, अपनी बातन से तुमहां घबरा दओ; और तुमाए मन हां कच्चो कर दओ आय।

- फिलेमोन 1:21

तें मोरी बात मानत आय, ऐसो जानके और तो पै भरोसा धरके, मैंने जौ लिखो आय मोहां पता आय, कि तें मोरे कहे से बढ़के कर है।

- 2 थिस्सलुनीकियों 3:4

हम हां तुम पै भरोसा आय, कि जौन जौन अग्यां हम तुम हां देत आंय, उन हां तुम मानत आव, और आगे हां ऐसई मानत रै हौ।

- गलतियों 4:20

मन में तो ऐसो आत आय, अबै तुम लौ आके और जैसो बतकाव करों, कायसे तुमाए काजें मोरे हिये में संका आय।

- गलतियों 4:11

मोहां तुमाए लाने जौ भय आय, कि कहूं ऐसो न होबै, जैसी मैनत मैंने तुम में करी, बा बेकार न चली जाबै।

- दूसरी कुरिन्थियों 13:10

ईसे में तुमाए पीठ पाछें जौ लिखत आंव, कि उते आके जौन अधकार मोहां मिलो आय जीहां पिरभू ने बिलोरबे हां नईं अकेले बनाबे हां मोहां दओ आय, कर्रे होकें कछु करने न पड़े।

- दूसरी कुरिन्थियों 10:2

मैं जा बिन्तवारी करत आंव, कि तुमाए संग्गै मोहां निधड़क होकें ऐसो नईं करने आय; जैसे बिलात जनें हम हां अपने मन से चलबोवारो मानत आंय, बल से बात करो चाहत आंव।

- दूसरी कुरिन्थियों 8:22

हम ने ऊके संग्गै अपने भईयन हां पठैव आय, जीहां हम ने बेर बेर जांचो और अच्छो पाओ; अकेले ऊ को भरोसा तुम पे बिलात आय, और एईसे बो और खुस आय।

- दूसरी कुरिन्थियों 7:16

मोहां अच्छो लगो, कि तुमाई बातन से मोरी हिम्मत बंधी आय।

- दूसरी कुरिन्थियों 5:16

सो अब से आगे हम कोऊहां संसार जैसो न मान हैं, और जैसे हम ने मसीह हां संसार घांई जानो हतो, आगे उन हां ऐसो न सोच हैं।

- दूसरी कुरिन्थियों 2:6

ऐसे मान्स के काजें जौन सजा भईयन में से जितनन ने दई, बा मुतकी आय।

- दूसरी कुरिन्थियों 1:15

ऐई से मोरी चाहना हती कि पेंला तुम लौ आओं; कि तुम हां एक और बरदान मिलै।

- गलतियों 5:7

तुम तो बढ़िया दौड़ रय हते, फिन कीने तुम हां बिलोर दओ, कि सांची बातन हां न मानो।