- गलतियों 4:9 - Bundeli Holy Bible

⁹ अकेले अब तो तुम ने परमेसुर हां चीन लओ आय, तो बे छोटी और नेंची पेंला की बातन में काय फिरत आव, का तुम उनई के पाछें फिन के चलो चाहत आव।

- गलतियों 4:9 ပူးပေါင်းရင်းမြစ်များ

- पैलो इतिहास 28:9

“हे मोरे मोंड़ा सुलैमान! तें अपने बाप के यहोवा परमेसुर कौ ध्‍यान रख, और खरे हिया और खुसी सें ऊकी सेवा करत रै; कायसे यहोवा परमेसुर हिया हों जांचत और बिचार में जो कछु पैदा होत आय ऊहों समझत आय। जदि तें ऊकी खोज में रए, तौ ऊ तोहों मिलहै; परन्‍त तें ऊहों छोड़ दैहै तौ ऊ हमेसा के लाने तोहों छोड़ दैहै।

- मत्ती 11:27

मोरे बाप ने मोय सब कछु सौंपो आय, और अकेले पूत हां कोऊ नईं चीनत, अकेले बाप; और कोऊ बाप हां नईं चीनत, अकेले पूत; यानि ओई जीए पूत ऊहां दरसाओ चाहत आय।

- लूका 5:38

पर नओ दाख कौ रस नई मश्कों में भरो चइये।

- यूहन्‍ना 10:14

उमदा गड़रिया मैं आंव; मैं अपनी गाड़रन हां चीनत आंव, और मोरी गाड़रें मोय चीनत आंय।

- यूहन्‍ना 10:27

मोरी गाड़रें मोरो एैरो सुनत आंय, मैं उन हां चीनत आंव, और बे मोरे पाछें पाछें निगत आंय।

- यूहन्‍ना 17:3

और अनन्त जीवन जौ आय, कि बे तोय जौन एकई सांचो परमेसुर और यीशु मसीह हां जानें, जीहां तेंने पठैव आय।

- रोमियों 8:29

कायसे जिन हां ऊ ने पेंला से जान लओ आय, उन हां ऊ ने पेंला से ठैराओ आय, कि ऊके पुत्तर के समान होबें, जीसे ऊ बिलात भईयन में पैलोठो ठैरे।

- रोमियों 8:3

कायसे जौन काज नैम व्यवस्था देयां के काजें कमजोर होकें न कर सकी, ऊहां परमेसुर ने करो, जाने कि अपने पूत हां पापवारी देयां कौ रूप देके, पापबलि होबे के लाने पठैओ, देयां में पाप पे दण्ड कौ हुकम दओ।

- पैली कुरिन्थियों 13:12

अब हम हां ऐना में धुंधलो सौ दिखाई देत आय; परन्त ऊ बेरा आमूं सामूं हेर हैं, अबै तो मोरो ज्ञान अधूरो आय, परन्त ऊ बेरा भली भांत चीन्ह हों, जैसो मैं चीनो गओ आंव।

- पैली कुरिन्थियों 15:34

धरम के लाने जाग उठो और पाप न करो; कायसे कि कितेक ऐसे आंय जौन परमेसुर को नईं जानत, मैं तुम हां लजाबे हां जौ कैत आंव।

- पैली कुरिन्थियों 8:3

परन्त जदि कोऊ परमेसुर से प्रेम धरत आय, तो ऊए परमेसुर चीनत आय।

- दूसरी कुरिन्थियों 11:20

कायसे जब तुम हां कोऊ दास बना लेत आय, या खा जात आय, या फंसा लेत आय, या अपने हां बड़ो कैत आय, या तुमाए मों पे थप्पड़ मारत आय, तो तुम सह जात आव।

- दूसरी कुरिन्थियों 4:6

कायसे परमेसुर ने कई, कि अंधियारे में जोत होबे; और ओई जोत हमाए हिये में चमकी, कि परमेसुर की जोत यीशु मसीह के मों पे हो चिमचिमानी।

- गलतियों 3:3

का तुम ऐसे मूरख आव, कि आत्मा से लैके और देह की रीत पै अन्त कर हौ?

- गलतियों 4:3

ऊंसई हम, जब लौ हल्के हते, संसार की बातन के सिखाय में हते।

- इफिसियों 1:17

कि हमाए पिरभू यीशु मसीह के परमेसुर जौन सबरे जस को देबेवारो आय, तुम हां अपनी चिनारी में, बुद्धि और प्रकास की आत्मा देबे।

- 2 तीमुथियुस 2:19

परन्त परमेसुर की बातें जीमें नीं जैसी बैठ गई आंय, उन पै ऐसी छाप लगी आय कि परमेसुर उन हां चीनत आंय; जो कोनऊं परमेसुर को नाओं जपत आय, बो अधरम से बचो रै है।

- इब्रानियों 7:18

सो जौन आज्ञा पेंला मिली हती; बा काम की नईं रई परन्त बा लोप हो गई।

- 2 पतरस 2:20

जब बे पिरभु और तारन करबेवारे यीशु मसीह की पैचान द्वारा संसार की कुल भांत की सड़ाहट से बच कड़े, और फिन उन में फंस के हार गए, तो उन की पाछें की हालत पेंला से बुरई होत आय।

- 1 यूहन्‍ना 5:20

कायसे हम हां पता आय, कि परमेसुर के बेटा ई धरती पै आ गए आंय, और उन ने हम हां ऐसी सीख दई आय, कि हम उन सांचे जनें को चीनें, और उनईं के संग्गै बने रैबें; बे सांचे परमेसुर आंय और उन में होकें बैकुण्ड वास मिलत आय।