- गलतियों 2:9 - Bundeli Holy Bible

⁹ और जब उन ने बा दया हां जौन मोय पे भई जान लओ, तो याकूब, कैफा और यूहन्ना ने जौन मण्डली के खम्भा कहात हते, मोहां और बरनबास हां सूदो हाथ मिला के हम हां संग्गै कर लओ, कि हम अन्य जातियन लौ जाबें, और बे औरें खतना वारन लौ।

- गलतियों 2:9 ပူးပေါင်းရင်းမြစ်များ

- मत्ती 16:18

मैं तोसे जौ सोई कहत हों, कि तें पतरस आय; और ऐई चट्टान पे मैं अपनी मंडली बना हों: और अधोलोक के फाटक ऊ पे प्रबल न हुईयें।

- लूका 22:8

यीशु ने पतरस और यूहन्ना हां पठैओ और उन से जौ कओ, जाओ और हमाए ब्यारी के लाने फसह तईयार करो।

- यूहन्‍ना 1:42

और बो ऊहां यीशु के ऐंगर ले आओ, यीशु ने ऊ पै नजर डालके कई, तें यूहन्ना कौ पूत शमौन आय, तें कैफा यानि पतरस कहला है।

- प्रेरितन के काम 12:17

पर ऊ ने उनहां सान्त रहबे कौ इसारो हाथन से करके बताओ, कि प्रभु ने मोय की तरहां जेलखाने से बायरें काड़ो, फिन ऊ ने कई, याकूब और भाईयन हां जौ बता दईयो, तब बो उते से कड़ के कोई दूसरी जांगह निंग गओ।

- प्रेरितन के काम 15:13

जब उन ने बोल लओ, तो याकूब ने कई, भईया मोरी सुनो।

- प्रेरितन के काम 15:7

जब बिलात बतकाव हो चुको तब पतरस ने ठांड़े होकें उन से कई। हे भईया हरौ, तुम जानत आव, की बिलात दिना पेंला परमेसुर ने तुम में से मोय चुनो, कि गैर यहूदी लोग मोरे मों से सन्देसो कौ बचन सुनें और भरोसा करें।

- प्रेरितन के काम 4:36

यूसुफ नाओं को कुप्रुस कौ एक लेवी हतो, जी कौ नाओं प्रेरितन ने बर-नबा (जाने कि सान्ति कौ पूत) धरो हतो।

- रोमियों 1:5

ओई से हम हां दया और भले सन्देस प्रचार करबे मिलो; कि ऊके नाओं से सबरी जातन के मान्स बिसवास कर के ऊ की मानें।

- रोमियों 12:3

कायसे मैं ऊ दया किरपा के काजें जौन मोय पै भई आय, तुम सबरन से कैत आंव, कि जैसो समजो चईये, ऊसे बढ़ के कोई अपने हां न समजे परन्त जैसो परमेसुर ने सबई हां योग्यता अनसार बिसवास दओ आय, ऊंसई सई सोच बिचार के संग्गै अपने हां समजे।

- रोमियों 15:15

पर मैंने कऊं कऊं सुमरन कराबे हां तुम हां हिम्मत कर के लिखो, जौ ऊ दया के काजें भओ, जौन परमेसुर ने मोय दओ आय।

- पैली कुरिन्थियों 15:10

परन्त मैं जो कछु आंव, परमेसुर की दया से आंव: और उनकी जौन दया मो पे भई आय, बा अकारथ नईं गई; परन्त मैंने उन सबरन से बढ़के मैनत सोई करी: जानो कि जौ मोरी कुदाऊं से नईं भओ परन्त परमेसुर की दया से जौन मो पे हती।

- दूसरी कुरिन्थियों 11:5

मैं तो समझत आंव, कि में दूसरे बड़े प्रेरितन में से घट नईंयां।

- दूसरी कुरिन्थियों 12:11

मैं मूरख तो बनो, अकेले तुम ने मोसे जौ जबरई करवाओ: तुम हां तो मोरी बड़वाई करो चईये, कायसे मानो में कछु नईंयां, अकेले उन सब बड़े बड़े प्रेरितन से कोई बात में घट नईंयां।

- दूसरी कुरिन्थियों 8:4

और ई दान के लाने और पवित्तर लोगन की सेवा को जौन मौका मिले, ऊके काजें हम से बेर बेर बिन्तवारी करी।

- गलतियों 1:16

जब उनकी मन्सा भई, कि मोपे अपने पुत्तर हां प्रगट करें कि मैं जौन यहूदी भईयन उन हां बचन सुनाओं; तो मैंने मान्स से कछु सलाह नईं लई।

- गलतियों 1:18

और तीन बरस बीते पै मैं कैफा से मिलबे यरूशलेम गओ, और उते पन्द्रह दिना लौ टिको।

- गलतियों 2:1

चौदह बरस के बाद बरनबास के संग्गै मैं फिन के यरूशलेम हां गओ, और तीतुस हां सोई संग्गै ले गओ।

- गलतियों 2:2

मोरो जाबो ईसुर के बताए भओ: और जो बचन में अन्य जातियन में परचार करत हों, बो मैंने उन हां बता दओ; पै अकेले में उन हां जौन बड़े कहात हते, कि ऐसो नईं होबे, कि मोरी अबै की, और आंगे की दौड़ बेकार जाबै।

- गलतियों 6:3

कायसे कोऊ कछु न होबे पै अपने हां कछु सोचे, तो अपने हां धोखा देत आय।

- इफिसियों 2:20

और प्रेरितन और आगमवकतन की बनाई नीं पै, जीके कोनिया को पथरा मसीह यीशु आय, बनाए गए आव।

- इफिसियों 3:8

मो पै जौन सबरे परित्तर लोगन में सबसे लौरो आंव, जा दया भई, कि मैं अन्यजातियन हां मसीह में मिलबेवारे महा धन के बचन सुनाओं।

- कुलुस्सियों 1:29

ऐई से मैं बहुतई मैनत करत आंव जौन मोहां उनसे मिलत आय।

- 1 तीमुथियुस 3:15

मोरे आबे में तनक अबेर हो जाबै, तो ध्यान धरियो, कि परमेसुर को घर, जियत परमेसुर की मण्डली आय, जौन सांचे को खम्भा और उठी नी आय; ईमें कैसो चलो चईये ईपै ध्यान धरियो।

- 1 यूहन्‍ना 1:3

जो कछु हम ने तको और सुनो बेई बातें तुम हां बतात आंय, कि तुम सोई इन बातन में बिसवास धरौ; कि हमाओ जोड़ परमेसुर, और उनके बेटा यीशु मसीह से आय।

- यूहन्‍ना के दरसन कौ खुलासा 3:12

जौन पक्को बनो रै है, ऊहां मैं अपने परमेसुर के मन्दर को एक खंभा बनै हों; और बो हमेसा उतईं बनो रै है; और मैं अपने परमेसुर को नाओं, और उनके नगर, मानो नये यरूशलेम, जो मोरे परमेसुर के ऐंगर से सरग से उतरबे वालो आय और अपनो नओ नाओं ऊ पै लिख हों।