- गलतियों 2:4 - Bundeli Holy Bible

⁴ ऐसो उन लबरा भईयन के कारण भओ, जौन लुक के भीतरे पोंच गए हते, और बा छूट जौन यीशु मसीह में मिली हती, ऊ को भेद लेके हम हां परेसान करें।

- गलतियों 2:4 ပူးပေါင်းရင်းမြစ်များ

- लूका 5:38

पर नओ दाख कौ रस नई मश्कों में भरो चइये।

- प्रेरितन के काम 15:1

कछु लोग यहूदिया से आके भाईयन हां सिखान लगे जब लौ मूसा की रीतियन के अनसार तुमाओ खतना न होबे, तुम उद्धार नईं पा सकत आव।

- प्रेरितन के काम 15:24

जब से हम ने सुनो, कि हम में से कछु ने हमाए हुकम बिना, अपनी बातन से तुमहां घबरा दओ; और तुमाए मन हां कच्चो कर दओ आय।

- प्रेरितन के काम 20:30

और तुमाए बीच ऐसे लोग ठांड़े हुईयें, जौन चेलन हां अपने लिगां खेंच लैबे के लाने ऊंट पटांग बात कर हैं।

- रोमियों 8:15

कायसे तुम हां पाप करत रैबे की आत्मा नईं मिली, कि फिन डराओ परन्त बेटा लरका की आत्मा मिली आय, जीसे हम हे दद्दा, हे पिता कै कें टेरत आंय।

- दूसरी कुरिन्थियों 11:13

कायसे ऐसे जनें झूठे प्रेरित, और धोखा को काम करबेवारे, और मसीह के प्रेरितों को रूप धरें आंय।

- दूसरी कुरिन्थियों 11:17

ऐसे बेधड़क बड़े बोल जौन मैं कैत आंव बे पिरभू के बताए जैसे नोंईं अकेले मानो मूरख घाईं कैत आंव।

- दूसरी कुरिन्थियों 11:20

कायसे जब तुम हां कोऊ दास बना लेत आय, या खा जात आय, या फंसा लेत आय, या अपने हां बड़ो कैत आय, या तुमाए मों पे थप्पड़ मारत आय, तो तुम सह जात आव।

- दूसरी कुरिन्थियों 11:26

मोहां बेर बेर यात्रा में; नदियों की परेसानी में; भड़यों के जोखम में; अपने जात बिरादरी वारन से परेसानी में; दूसरे बिरादरी वारन से परेसानी में; शहरन की परेसानी में; जंगल की परेसानी में; समद्र की परेसानी में; नकली भईयन से परेसानी में।

- दूसरी कुरिन्थियों 3:17

पिरभू तो आत्मा आय: और जिते पिरभू की आत्मा आय उते सब छुट्टा होत आय।

- गलतियों 1:7

अकेले कोऊ और बचन नईंयां: बतकाओ ऐसो आय, कि कितेक ऐसे आंय, जौन तुम हां बिलोर देत आंय, और मसीह के बचन हां बिगाड़ो चाहत आंय।

- गलतियों 4:25

और हाजिरा मानो अरब देस को सीने पहार आय, और आज को यरूशलेम ऊ की बरोबरी को आय, कायसे बो अपने बाल बच्चन के संग्गै बंधुआ हो गओ।

- गलतियों 4:3

ऊंसई हम, जब लौ हल्के हते, संसार की बातन के सिखाय में हते।

- गलतियों 5:1

मसीह ने छुट्टा होबे हां हमें छुड़ाओ आय; सो ऐंसई बने रओ, और दास को बोझा फिन से न लेओ।

- गलतियों 5:10

मोहां पिरभु कींसो तुम पै ईमान आय, कि तुमाओ कोऊ ओर विचार नईंयां; अकेले जौन तुम हां बिलोर देत आय, बो कोऊ काय न होबै दण्ड पा है।

- 2 तीमुथियुस 3:6

इनईं में बे सोई आंय, जौन घरन में चिमा के पिड़ जात आंय और बुरई बईयरन हां फंसा लेत आंय, जौन बुरई अभलाखा में पड़ी पाप करत रैत आंय।

- याकूब 1:25

पर जौन मान्स स्वतन्त्रता की सिद्ध नैम व्यवस्था पे ध्यान करत रैत आय, बो अपने काम में ई लाने आसीष पा है कि बो सुन के बिसरत नईं, परन्त वैसई काम सोई करत आय।

- 1 पतरस 2:16

और अपने आप हां छुट्टा जानो पर अपने ई छुट्टापन हां बुराई के लाने आड़ न बनाओ, परन्त अपने आप हां परमेसुर कौ चाकर समज के चलो।

- 2 पतरस 2:19

बे उन हां छूटो भओ होबे कौ कौल तो देत आंय, परन्त बे खुद सड़ी आदतन के चाकर आंय, कायसे जौन मान्स जीसे हार जात आय, बो ऊकौ चाकर बन जात आय।

- 1 यूहन्‍ना 4:1

भईया हरौ, सबरे मान्सन की बात न मानो: परन्त उनकी बात हां परखो, कि बे बातें परमेसुर से आंय कि नईंयां; कायसे मुतके अगमवकता ई संसार में हो गए आंय।

- यहूदा 1:4

कायसे कछु जनें चुपके से हमाए संग्गै जुड़ गए आंय, जिन हां पैले से लिखो आय कि उन हां दण्ड दओ जाबै, कायसे बे सच्चे नईयां, और परमेसुर की दया हां छोड़ बुरय कामन में लगे रैत आंय, और हमाए महाबली मालक और पिरभु यीशु मसीह हां नईं मानत।