- गलतियों 1:7 - Bundeli Holy Bible

⁷ अकेले कोऊ और बचन नईंयां: बतकाओ ऐसो आय, कि कितेक ऐसे आंय, जौन तुम हां बिलोर देत आंय, और मसीह के बचन हां बिगाड़ो चाहत आंय।

- गलतियों 1:7 ပူးပေါင်းရင်းမြစ်များ

- मत्ती 24:24

कायसे लबरे मसीह और लबरे आगमवकता उठ ठांड़े हुईयें, और बड़े चिन्ह, और अचम्भे के काम दिखा हैं, इते लौ कि अगर उन कौ बस चलो तो चुने भयन हां भरमा दें हैं।

- प्रेरितन के काम 13:10

सबई छल और मूरखता से भरे हे शैतान की लड़ेर, तें जौन सब धर्मन कौ बैरी आय, का तें प्रभु की सूदी गैल हां टेड़ो करबो न छोड़ है?

- प्रेरितन के काम 15:24

जब से हम ने सुनो, कि हम में से कछु ने हमाए हुकम बिना, अपनी बातन से तुमहां घबरा दओ; और तुमाए मन हां कच्चो कर दओ आय।

- प्रेरितन के काम 20:30

और तुमाए बीच ऐसे लोग ठांड़े हुईयें, जौन चेलन हां अपने लिगां खेंच लैबे के लाने ऊंट पटांग बात कर हैं।

- दूसरी कुरिन्थियों 11:13

कायसे ऐसे जनें झूठे प्रेरित, और धोखा को काम करबेवारे, और मसीह के प्रेरितों को रूप धरें आंय।

- दूसरी कुरिन्थियों 2:17

कायसे हम बिलात जनों जैसे नईंयां, जौन परमेसुर की बातन में कछु दूसरी बातें जोड़ देत आंय; अकेले हिये से, परमेसुर की बातें परमेसुर हां मानो सजीव देखत मसीह में कैत आंय।

- दूसरी कुरिन्थियों 4:2

और हम ने बुरय कामन हां छोड़ दओ आय, और बनके नईं चलत, और न परमेसुर के बचन में कछु मिलात आंय, अकेले सांची बातें उजागर करत आंय, और परमेसुर हां जानत भए सबरन के हिये पै अपनी बात बैठा देत आंय।

- गलतियों 1:6

मोहां समझ में नईं आत, की जीने तुम हां मसीह की दया से टेरो उन से तुम इतनी जल्दी पलट के और बातन में लग गए आव।

- गलतियों 2:4

ऐसो उन लबरा भईयन के कारण भओ, जौन लुक के भीतरे पोंच गए हते, और बा छूट जौन यीशु मसीह में मिली हती, ऊ को भेद लेके हम हां परेसान करें।

- गलतियों 4:17

बे तुम हां मित्र तो बनाओ चाहत आंय, पर अच्छे मन से नईं; सांची जा आय कि बे तुमहां न्यारो करो चाहत आंय, कि तुमई उन हां मित्र बना लेओ।

- गलतियों 5:10

मोहां पिरभु कींसो तुम पै ईमान आय, कि तुमाओ कोऊ ओर विचार नईंयां; अकेले जौन तुम हां बिलोर देत आय, बो कोऊ काय न होबै दण्ड पा है।

- गलतियों 5:12

भलो होतो, कि जौन तुम हां बिलोरत आंय बे काट डाले जाबें।

- गलतियों 6:17

आगे कोऊ मोहां परेसान नईं करे, कायसे मैं यीशु की चिनानी हां अपनी देह में लगाए फिरत आंव।

- 2 तीमुथियुस 2:18

जौन जौ कैत आंय कि मरे भए जी उठे आंय बे सांची बातन हां नईं मानत, और कित्तई उन के बिसवास हां बिलोर देत आंय।

- 1 यूहन्‍ना 2:26

जे बातें मैंने उनके लाने कई आंय, जौन तुम हां सांची गैल से बिलोरत आंय।

- 1 यूहन्‍ना 4:1

भईया हरौ, सबरे मान्सन की बात न मानो: परन्त उनकी बात हां परखो, कि बे बातें परमेसुर से आंय कि नईंयां; कायसे मुतके अगमवकता ई संसार में हो गए आंय।

- 2 यूहन्‍ना 1:10

कोई तुम लौ आबै, और जा सीख न देबे, तो ऊहां अपने घर में न आन दईयो, और न नमस्कार करियो।

- 2 यूहन्‍ना 1:7

कायसे बिलात जनें बिलोरबेवारे ऐसो कैत फिर रए, कि यीशु मसीह मान्स होकें नईं आए, ई धरती पे ऐसे जनें मसीह के बिरोधी आंय।

- यहूदा 1:4

कायसे कछु जनें चुपके से हमाए संग्गै जुड़ गए आंय, जिन हां पैले से लिखो आय कि उन हां दण्ड दओ जाबै, कायसे बे सच्चे नईयां, और परमेसुर की दया हां छोड़ बुरय कामन में लगे रैत आंय, और हमाए महाबली मालक और पिरभु यीशु मसीह हां नईं मानत।

- यूहन्‍ना के दरसन कौ खुलासा 12:9

और बो बड़ो अजगर जो इबलीस और शैतान छलिया कहात आय, और सबरे संसार हां बहकाबे वालो आय, धरती पै ऊ को और ऊके दूतन हां गिरा दओ गओ।

- यूहन्‍ना के दरसन कौ खुलासा 13:14

जौ जनावर धरती पै रैबेवारन हां मूरख बनात हतो, और उन बेजा काम हां जौ ऊ जनावर के बल से करत हतो, और संसार के मान्सन से कैत हतो, कि बो जनावर जीहां घाव हो गओ हतो बो अच्छो हो गओ आय, सो तुम ऊ की मूरत बनाओ, और ऊ की पूजा करो।

- यूहन्‍ना के दरसन कौ खुलासा 19:20

और बो जनावर और ऊके संग्गै ऊ लबरा अगमवकता पकड़ो गओ, जौ ओई आय जौन अदभुत काम दिखा के मान्सन हां चकरया देत हतो, और बे ऊ जनावर की छाप सोई लगाएं हते, और ऊ की पूजा करत हते, जे दोई जीयत भए आगी की झील में जो गन्धक से जलत हती, डाले गए।

- यूहन्‍ना के दरसन कौ खुलासा 2:2

कि तोरे कामन हां, और पूरी मेहनत, और तोरो धीरज जानत आंव; और जौ भी कि तें बुरय लोगन हां नईं चाहत; और जौन अपने आप हां प्रेरित कहत आंय, पर हैं नईंयां, उन हां तेंने परख के लबरा पाओ।

- यूहन्‍ना के दरसन कौ खुलासा 2:20

पर मोय तोसे जौ कहने आय, कि तें ऊ बईयर इजेबेल हां अपने बीच रैन देत आय जौन अपने हां आगमवक्तनी कैत आय, और तोरे मान्सन हां सिखात आय कि सब बुरय काम करो, और मूरतन के सामूं चढ़ाओ भओ भोजन खाओ ऐसो कै के उनहां बिलोरत आय।

- यूहन्‍ना के दरसन कौ खुलासा 2:6

पर तो में एक बात साजी आय, कि तें नीकुलइयों के काजन हां बुरो मानत आय, जिन हां मैं भी नईं चाहत आंव।

- यूहन्‍ना के दरसन कौ खुलासा 20:3

और ऊहां अथाह कुण्ड में डालके बन्द कर दओ, और मुहर लगा दई, कि बो हजार बरस पूरे होबे तक जाति जाति के मान्सन हां न भरमाए; ईके बाद जरुरी आय, कि तनक बेरा के लाने ऊहां छोड़ो जाए।