- गलतियों 1:2 - Bundeli Holy Bible

² और सबरे भईयन कोद से, जौन मोरे संग्गै आंय; गलतिया की मण्डली के नाओं।

- गलतियों 1:2 ပူးပေါင်းရင်းမြစ်များ

- प्रेरितन के काम 15:41

और सीरिया, किलकिया में फिरत भए, मण्डलियन हां जमात रओ।

- प्रेरितन के काम 18:23

और उते कछु बेरा रह के ऊ ने विदा लई, और गलतिया और फ्रूगिया प्रदेशन कौ दौरा करत भओ बो सबई चेलन हां पक्को करत रओ।

- प्रेरितन के काम 9:31

ई भांत सबरे यहूदिया, और गलील और सामरिया में मण्डली हां चैन मिलो, और ऊ की बढ़त होत रई; और बो पिरभु के डर और पवित्तर आत्मा की शान्ति में और आंगू बढ़त जात हती।

- पैली कुरिन्थियों 16:1

अब ऊ दान के बारे में जौन पवित्तर जनों के लाने जोड़ो जात आय, जैसो हुकम मैंने गलतिया की मंडलियन हां दओ, ऊंसई तुम सोई करो।

- गलतियों 3:1

हे मूरख गलतियो, की ने तुमाओ मन मोह लओ? तुमाई तो आंखन के सामूं यीशु मसीह क्रूस में दिखे।

- फिलिप्पियों 2:22

तुम हां पता आय कि तीमुथियुस ने जैसी सेवा करी आय, मानो जैसे एक लरका अपने दद्दा संग्गै करत होबे, ऊं सई ऊ ने मोरे संग्गै सेवा करी आय।

- फिलिप्पियों 4:21

सब बिसवासी जन हां यीशु मसीह के नाओं से नमस्कार कईयो। जौन भईया हरें मोरे संग्गै आंय, तुम हां नमस्कार कैत आंव।