- एस्तेर 9:2 - Bundeli Holy Bible

² ऊ दिना यहूदी जनें राजा क्षयर्ष के सब प्रान्‍त में अपने अपने नगर में इकट्ठे भए, कि जौन उनको नुकसान करबे कौ जतन करें, उनपै हाथ चलाबें। कौनऊं उनकौ सामना नईं कर सको, कायसे उनकौ भय प्रान्तन के सब मान्सन में समा गओ हतो।

- एस्तेर 9:2 ပူးပေါင်းရင်းမြစ်များ

- उत्पत्ति 35:5

तब उनोंरन ने उतें सें कूच करो; तब उनके चारऊं कुदाईं के रैबेवारों के भीतर यहोवा परमेसुर की कोद सें एैसो डर समा गओ कि उनोंरन ने याकूब के मोंड़ों कौ पीछा नें करो।

- एस्तेर 8:11

इन चिठियों में सब नगरन के यहूदियों हों राजा की कोद सें अनुमति दई गई, कि बे इकट्ठे होबें और अपनो अपनो प्राण बचाबे के लाने तईयार होकें, जौन जात या प्रान्‍त के मान्‍सन अन्‍याय करकें उनहों या उनकी बईयरों और बाल-बच्‍चों हों दुख दैबो चाहें, उनहों मार डालें और नास करें, और उनकी धन सम्‍पत्ति लूट लेबें।

- एस्तेर 8:17

और जौन जौन प्रान्‍त, और जौन जौन नगर में, जितै कऊं राजा कौ हुकम और नियम पोंचे, उतै उतै यहूदियन हों आनन्‍द और खुसी भई, और उनोंरन ने भोज करके ऊ दिना हों खुसी कौ दिन मानो। और ऊ देस के लोगन में सें बिलात सें जनें यहूदी बन गए, कायसे उनके हिया में यहूदियन कौ डर समा गओ हतो।

- एस्तेर 9:10

मतलब हम्‍मदाता के मोंड़ा यहूदियन के बिरोधी हामान के दसई मोंड़ों हों सोई घात करो; परन्‍त उनके धन हों नें लूटो।

- यहोशू 11:20

कायसे यहोवा परमेसुर की जो मान्‍सा हती, कि अपने ऊ हुकम के अनसार जौन ऊने मूसा हों दओ हतो उन पै कछु भी दया नें करे, बल्‍कि सत्‍यानास कर डाले, ई कारन ऊने उनके मन एैसे कठोर कर दए, कि उनोंरन ने इस्राएलियन कौ सामना करके उनसें युद्ध करो।

- यहोशू 2:9

इन मान्‍सन सें कैन लगी, “मोए तौ पक्‍को आय कि यहोवा परमेसुर ने तुमोंरन हों जौ देस दओ आय, और तुमाओ डर हमोंरन के मन में भर गओ आय, और ई देस के सबरे रैबेवारे तुमाए कारन घबरा रए आंय।