- एस्तेर 8:17 - Bundeli Holy Bible

¹⁷ और जौन जौन प्रान्‍त, और जौन जौन नगर में, जितै कऊं राजा कौ हुकम और नियम पोंचे, उतै उतै यहूदियन हों आनन्‍द और खुसी भई, और उनोंरन ने भोज करके ऊ दिना हों खुसी कौ दिन मानो। और ऊ देस के लोगन में सें बिलात सें जनें यहूदी बन गए, कायसे उनके हिया में यहूदियन कौ डर समा गओ हतो।

- एस्तेर 8:17 ပူးပေါင်းရင်းမြစ်များ

- उत्पत्ति 35:5

तब उनोंरन ने उतें सें कूच करो; तब उनके चारऊं कुदाईं के रैबेवारों के भीतर यहोवा परमेसुर की कोद सें एैसो डर समा गओ कि उनोंरन ने याकूब के मोंड़ों कौ पीछा नें करो।

- नहेम्याह 8:10

फिन ऊने उनसें कई, “जाकें चिकनो चिकनो भोजन करौ और मीठो मीठो रस पियो, और जिनके लाने कछु तईयार नईं भओ होबै उनके लिगां सोई भोजन पठैओ; कायसे आज कौ दिना हमाए पिरभु के लाने पवित्तर आय; और उदास नें रओ, कायसे यहोवा परमेसुर कौ आनंद तुमाए पक्‍के गढ़ जैसो आय।”

- एस्तेर 9:17

जौ अदार मईना के तेरवें दिना हों करो गओ, और चऊदवें दिना हों उनोंरन ने आराम करके भोज करो और आनन्‍द कौ दिन ठैराओ।

- एस्तेर 9:19

ई कारन दिहाती यहूदी जो बिना सहरपनाह की बस्‍तियन में रैत हते, बे अदार मईना के चऊदवें दिना हों आनन्‍द और भोज और खुसी और आपस में खाबे-पीबे कौ सामान पोंचाबे कौ दिन ठैराकें मनात आंय।

- एस्तेर 9:2

ऊ दिना यहूदी जनें राजा क्षयर्ष के सब प्रान्‍त में अपने अपने नगर में इकट्ठे भए, कि जौन उनको नुकसान करबे कौ जतन करें, उनपै हाथ चलाबें। कौनऊं उनकौ सामना नईं कर सको, कायसे उनकौ भय प्रान्तन के सब मान्सन में समा गओ हतो।

- एस्तेर 9:22

जिनमें यहूदियन ने अपने बैरियन सें आराम पाओ, और जौ मईना जीमें सोक आनन्‍द सें और बिलाप खुसी में बदलो गओ; (मनाओ करें) और ऊहों भोज और आनन्‍द और एक दूसरे के लिगां खाबे पीबे कौ सामान पोंचाबें और कंगालन हों दान देबे के दिन मानें।

- एस्तेर 9:27

यहूदियन ने अपने अपने लाने और अपने बाल बच्‍चों के लाने, और उन सबई के लाने सोई जो उनमें मिल गए हते जौ ठान लओ, कि ऊ लेख के अनसार हर साल ऊके ठैराई गई बेरा में बे जे दो दिना मानें;

- एस्तेर 9:3

बल्‍कि प्रान्‍तन के सबरे हाकम, अधिपति, प्रधान और राजा के कर्मचारियन ने यहूदियन की मदद करी, कायसे उनके हिया में मोर्दकै कौ डर समा गओ हतो।

- यहोशू 2:11

जौ सुनतई हमाओ मन पिघल गओ, और तुमाए कारन कौनऊं के जी में जी नें रओ। कायसे तुमाओ यहोवा परमेसुर ऊपर के आकास कौ और नेंचें की पृथ्‍वी कौ यहोवा परमेसुर आय।

- यहोशू 2:9

इन मान्‍सन सें कैन लगी, “मोए तौ पक्‍को आय कि यहोवा परमेसुर ने तुमोंरन हों जौ देस दओ आय, और तुमाओ डर हमोंरन के मन में भर गओ आय, और ई देस के सबरे रैबेवारे तुमाए कारन घबरा रए आंय।