- एस्तेर 6:4 - Bundeli Holy Bible

⁴ राजा ने पूंछो, “आंगन में को आय?” ओई बेरा हामान राजा के भवन सें बायरें आंगन में ई मनसा सें आओ हतो कि जौन खम्‍भा ऊने मोर्दकै के लाने तईयार कराओ हतो, ऊपै ऊहों लटका देबे की चरचा राजा सें करे।

- एस्तेर 6:4 ပူးပေါင်းရင်းမြစ်များ

- एस्तेर 4:11

“राजा के सब कर्मचारियन, बल्‍कि राजा के प्रान्‍तन के सब मान्‍सन हों सोई मालूम आय, कि का मान्‍स का बईयर, कौनऊं काय नें होबै, जौ हुकम बिना पाए भीतरी आंगन में राजा के लिगां जैहै ऊहों मार डालबे कौ हुकम आय; अकेले जीकी कोद राजा सोने कौ राजदण्‍ड बढ़ाए ओई बचत आय। परन्‍त मैं अब तीस दिना सें राजा के लिगां नईं बुलाई गई आंव।”

- एस्तेर 5:1

तीसरे दिना एस्‍तेर अपने राजकीय उन्‍ना पैरकें राजभवन के भीतरी आंगन में जाकें, राजभवन के सामूं ठांड़ी हो गई। राजा तौ राजभवन में राजगद्दी पै भवन के दोरे के सामूं बैठो हतो;

- एस्तेर 5:14

ऊकी बईयर जेरेश और ऊके सब दोस्‍तन ने ऊसें कई, “पचास हाथ ऊंचो फांसी कौ एक खम्‍बा बनाओ जाए, और भुंसारे राजा सें कईयो कि ऊपै मोर्दकै हों लटका दओ जाए; तब राजा के संगै खुसी सें भोज में जईयो।” ई बात सें खुस होकें हामान ने ऊंसई फांसी कौ एक खम्‍बा बनवाओ।

- एस्तेर 6:3

तब राजा ने पूंछो, “ईके बदले मोर्दकै कौ का मान और बड़ाई करी गई?” राजा के जौन सेवक ऊकी सेवा टहल करत हते, उनोंरन ने ऊहों जबाब दओ, “ऊके लाने कछु भी नईं करो गओ।”

- एस्तेर 6:5

तब राजा के सेवकों ने ऊसें कओ, “आंगन में तौ हामान ठांड़ो आय।” राजा ने कई, “ऊहों भीतर ल्याओ।”

- एस्तेर 7:9

तब राजा के सामूं हाजिर रैबेवारे खोजों में सें हर्वोना नाओं एक ने राजा सें कई, “हामान के इतै पचास हाथ ऊंचो फांसी कौ एक खम्‍भा ठांड़ो आय, जौन ऊने मोर्दकै के लाने बनवाओ आय, जीने राजा की इच्छा करी हती।” राजा ने कई, “ईहों ओई पै लटका देओ।”