- एस्तेर 5:9 - Bundeli Holy Bible

⁹ ऊ दिना हामान मगन और हिया में खुस होकें बायरें गओ। परन्‍त जब ऊने मोर्दकै हों राजभवन के फाटक में हेरो, कि ऊ नें तौ ऊके सामूं ठांड़ो भओ, और नें हटो, तब ऊ मोर्दकै के बिरूद्ध गुस्‍सा सें भर गओ।

- एस्तेर 5:9 ပူးပေါင်းရင်းမြစ်များ

- एस्तेर 2:19

जब कुंवारियां दूसरी बेर इकट्ठी करी गईं, तब मोर्दकै राजभवन के फाटक में बैठो हतो।

- एस्तेर 3:2

राजा के सब करमचारी जो राजभवन के फाटक पै रैत हते, बे हामान के सामूं झुककें परनाम करत हते कायसे राजा ने ऊके बारे में ऐसो हुकम दओ हतो; परन्‍त मोर्दकै नें तौ झुकत हतो और नें ऊको परनाम करत हतो।

- एस्तेर 3:5

जब हामान ने हेरो, कि मोर्दकै नईं झुकत, और नें मोहों परनाम करत आय, तब हामान बिलात गुस्‍सा भओ।

- एस्तेर 5:13

तब भी जब जब मोय ऊ यहूदी मोर्दकै राजभवन के फाटक में बैठो भओ दिखत आय, तब तब जौ सब मोरी नजर में बेकार लगत आय।”

- मत्ती 10:28

उन से न डरियो, जौन शरीर हां मार डारत आंय, बे आत्मा हां घात नईं कर सकत आंय, बल्कि उन से डरियो, जो आत्मा और सरीर दोई हां नरक में नास कर सकत आय।

- मत्ती 2:16

जब हेरोदस ने जौ हेरो, कि ज्योतिषयन ने मोरे संग्गै दगा करो आय, तो बो आग-बबूला भओ; ऊने हुकम दैके बैतलहम और ऊके ऐंगर के सबरे मोंड़न हां जौन दो बरस, और ऊसे हल्के हते, मरवा डारो।

- लूका 6:25

हाय तुम पै; जो अब अफरे आव, कायसे भूखे हुईयो: हाय तुम पै; जौन अब हंसत आव, कायसे अफसोस कर हौ और रो हौ।

- यूहन्‍ना 16:20

मैं तुम से सांची सांची कैत आंव; कि तुम रो हौ और दुख मना हौ, परन्त संसार खुसी मना है, तुम दुखी हुईयो पर तुमाओ दुख खुसी में बदल जै है।

- प्रेरितन के काम 7:54

जे बातें सुन के बे आपे से बायरें हो गए और ऊ पे खिसया के दांत पीसन लगे।

- याकूब 4:9

दुख मनाओ और रोओ, तुमाई हंसी, दुख में और तुमाओ मजा मौज उदासी में बदल जाए।