- एस्तेर 4:14 - Bundeli Holy Bible

¹⁴ कायसे जो तें ई बेरा चिमानी रई, तौ और कौनऊं उपाय सें यहूदियन कौ छुटकारा और तरनतारन हो जैहै, परन्‍त तें अपने और अपने बाप के घराने समेंत नास हुईयै। का जाने तोहों एैसई कठन बेरा के लाने राजपद मिल गओ होए?”

- एस्तेर 4:14 ပူးပေါင်းရင်းမြစ်များ

- उत्पत्ति 22:14

अब्राहम ने ऊ जागां कौ नाओं यहोवा यिरे रखो। ईके अनसार आज लौ भी कओ जात आय कि यहोवा परमेसुर के पहड़वा पै उपाए करो जैहै।

- नहेम्याह 6:11

परन्‍त मैंने कई, “का मोरे जैसो मान्‍स भगै? और मोय जैसो को आय जो अपनो प्रान बचाबे के लाने भवन में पिड़ै? मैं नईं जाबे कौ।”

- एस्तेर 2:15

जब मोर्दकै के कक्‍का अबीहैल की बिटिया एस्‍तेर, जीहों मोर्दकै ने बिटिया मानकें पालो हतो, ऊकी पारी आई कि राजा के लिगां जाए, तब जो कछु कुंवारियों के मुखिया राजा के खोजे हेगे ने ऊके लाने ठैराओ हतो, ऊसें अधक ऊने और कछु नईं मांगो। जितनन ने एस्‍तेर हों हेरो, बे सब ऊसें खुस भए।

- एस्तेर 2:17

राजा ने एस्‍तेर हों और सब कुवारियों सें जादां प्‍यार करो, और दूसरी सब कुंवारियों सें अधक ऊके अपनेपन और किरपा दृष्‍टि ओई पै भई, ई कारन ऊने ऊकी मूंड़ पै राजमुकुट रखो और ऊहों वशती की जागां पै पटरानी बनाओ।

- एस्तेर 2:7

मोर्दकै हदस्‍सा नाओं की अपनी चचेरी बहन हों, जो एस्‍तेर सोई कहात हती, पालो-पोसो हतो; कायसे ऊके मताई-बाप कोऊ नें हते, और बा मोंड़ी सुन्‍दर और रूपबती हती, और जब ऊके मताई-बाप मर गए, तब मोर्दकै ने ऊहों अपनी बिटिया करके पालो हतो।

- एस्तेर 4:13

तब मोर्दकै ने एस्‍तेर के लिगां जौ कहला पठैव, “तें हिया में जौ बिचार नें कर, कि मैंई राजभवन में रैबे के कारन और सब यहूदियन में सें बची रैहों।

- एस्तेर 4:15

तब एस्‍तेर ने मोर्दकै के लिगां जौ कहला पठैव,

- मत्ती 16:18

मैं तोसे जौ सोई कहत हों, कि तें पतरस आय; और ऐई चट्टान पे मैं अपनी मंडली बना हों: और अधोलोक के फाटक ऊ पे प्रबल न हुईयें।

- मत्ती 24:22

और अगर बे दिना घटाए न जाते, तो एकऊ प्राणी नईं बचतो; पर चुने भयन के काजें बे दिना घटा दए जै हैं।